找回密码
 註冊
查看: 6719|回复: 29

忠告各位一句, 做破產/IVA/DRP千奇唔好搵顧問公司

[复制链接]
发表于 11-7-2010 18:30:57 | 显示全部楼层 |阅读模式
本帖最後由 superlemon911 於 2010-7-11 18:36 編輯

我欠財務TOTAL十幾萬, 係二月度搵左一間顧問公司做DRP, 我欠大X&邦民, 不過佢地既手續費(欠債計15%)真係超貴, 可能係我太心急想清數, 無諗清楚就比佢地做, 佢地根住話DRP成功率未必好高, 會唔會諗做破產, 仲轉介左我比一間話已經係政府註冊既財務, 借左4K比我做破產, 不過叫我破產時都要還, 好LA, 最終我都係決定唔做破產而做返DRP, 點知大X比我分3年, 每期還一千多, 我就諗住邦X多數得, 而顧問行都係話應該無問題, SO我就應承左大X接受還款方案, 點知第二日邦X打比我話唔批DRP, 話叫我還多幾期先再問, 完全打亂左我, 我問顧問公司佢地又話無辦法, 果時財務借果D錢KEEP左係顧問公司度, 佢地已經當果舊錢係手續費扣起左, 果時我屋企人同BF都未知我欠債, 但隔左一個月度我比公司炒左, 搵左好耐都搵唔返文員, 但果時已經成兩個月無供LA, 係問朋友左借右借先勉強頂到, 係上月頭我终於講晒成件事比BF同屋企人知, 除左顧問公司件事無講, 當然比佢地鬧左一大餐, 終於我亞媽借左錢比我自己攪破產, 破產時債權人我寫埋顧問公司介紹果間, 諗住佢係政府註冊(打左去放債人小組問過佢係有牌既), SO以為可以好似大X, 邦X果D禁FAX左破產文件就唔會追, 點知, 佢地係要還錢當日勁打比我問我幾時入數, 我同佢講話我已經做緊破產, 文件已經比左佢地既時候, 追數果個人竟然用粗口鬧我, 又話你究竟而家還定唔還, 唔還就會做野, 仲打埋比我BF追, 呢間野既追數方法完全係大耳窿行為, 諗返覺得自己好蠢, 而家已經返緊新工, 仲有兩期唯有迫住還比呢間野(仲有2千幾蚊), 不過大家做做破產/IVA/DRP千奇唔好搵顧問公司, 因為係非常唔明智既行為, 等如倒錢落海....
发表于 11-7-2010 18:57:46 | 显示全部楼层
詳細地方等 d 師兄答你啦,不過申請左破產,暫時唔應該還錢住喎,好似會有後遺症!
发表于 11-7-2010 19:06:28 | 显示全部楼层
係,
係非常唔明智既行為.

明天才有空答你,

其他師兄俾d意見先.
发表于 11-7-2010 19:31:54 | 显示全部楼层
顧問公司係咪用$1500包4年填表個d丫?{:4_182:}
 楼主| 发表于 11-7-2010 23:03:08 | 显示全部楼层
顧問公司係咪用$1500包4年填表個d丫?{:4_182:}
小林林 發表於 2010-7-11 19:31


係計總欠債15%, SO貴...
发表于 12-7-2010 11:13:02 | 显示全部楼层
呢類所謂'顧問公司'....
並非我地講開幫人填表申破嘅顧問公司...

(你資料欠詳)

簡單講:係'半個大耳'公司,
佢地標榜做'一筆清'...收費超乎想像貴[好多合法費用];
老生常談,
找任何公司合唔合法既都制唔過做IVA/DRP.

佢地亦屬財務公司,
有牌無牌都如是,
所以同其他黨羽必有聯絡.
你如上過去(首先叫你填晒表列所有數出來...);
最後話唔批,
你都唔使再去与其他財務公司再申請咯.

仲有,
稍後必有好多私人號碼既所謂貸款公司找你,
問你須否幫忙 !

你呢間收15%算少了,
告訴你....
多年前,我上銀城廣場樓上,
那間都話明收20%,
(最後唔批)
真係乞兒兜飯食.

至於你既然有數同佢做咗...
申破後依然追數,
係正常嘅做法,
當初佢一定有同你講過:破產都要還嘛.

總之:佢地有犯法滋擾行為就報警啦.
发表于 12-7-2010 13:41:42 | 显示全部楼层
本帖最後由 301 於 2010-7-12 14:16 編輯

再補充講下'顧問公司',

近年愈來愈多呢類公司,
亦有稱為'中介公司',
云代你找第三者貸款公司,
如成功推介你,便要俾昂貴手續費,
(一般15%~30%不等)
即係如批你10萬,你要俾1.5至3萬,死未!
:curse:
嘩,仲未計另一間第三者放款俾你既條件喎.
(所謂佢推介俾你既財仔,查實咪又係佢地自己社團既)
(包括做追數)
:Q
呢d吸血者又是財務門檻,
出入都刮.
除誘你做一筆清貸款外,
亦代客申辦破產,
真係大小通吃.
你棚骨都無剩呀,
:curse:
大家引以為戒,
唔好衝個頭入去呢d'公司'呀.
:shutup:
 楼主| 发表于 12-7-2010 13:48:38 | 显示全部楼层
本帖最後由 superlemon911 於 2010-7-12 13:56 編輯
再補充講下'顧問公司',

近年愈來愈多呢類公司,
亦有稱為'中介公司',
云代你找第三者貸款公司,
如成功推介你,便要俾昂貴手續費,
(一般15%~30%不等)
即係如批你十萬,你要俾一至三萬,死未!
:curse:
嘩,仲未計另一間 ...
301 發表於 2010-7-12 13:41


多謝301師兄, 唉, 我完全係一個中招既人版(我係YAHOO+知識度睇), 好彩金額唔算多,果日個間公司追我數, 我比佢嚇完後嬲到即刻去左差館備案, 雖然知無咩用, 唔怪得早排有幾多用手提打黎既人問我使唔使借錢LA, 我問佢點知我電話, 佢話求其打, 好大機會係顧問公司唔知比左咩人, SO CHEAP,  其實我應該早D同屋企人講, 唔使浪費呢人無謂錢, 不過諗深一層, 佢地同D大耳窿真係無咩分別, 我果間都係旺角, 各位真係要小心D呢類顧問公司....
发表于 12-7-2010 17:11:41 | 显示全部楼层
填表個類的顧問公司,咁究竟我地洗唔洗比$1500比佢地賺?
當一入紙去破產處,佢地已經有我既資料,然後寄好多封信比我,宣傳佢地既工作,仲話跟足四年wor !
 楼主| 发表于 12-7-2010 20:52:28 | 显示全部楼层
填表個類的顧問公司,咁究竟我地洗唔洗比$1500比佢地賺?
當一入紙去破產處,佢地已經有我既資料,然後寄好多封信比我,宣傳佢地既工作,仲話跟足四年wor ! ...
cykaren426 發表於 2010-7-12 17:11


我覺得可以唔使搵呢D公司, 講真份表唔難填, 我去做破產前聽左個講座係教破產點填表, 係明愛攪架, 唔使錢, 明左其實唔算太難....
发表于 12-7-2010 21:29:19 | 显示全部楼层
9# cykaren426


填表好容易,有乜唔明,係呢度問,好多人都答到你,千五蚊自己用啦...
发表于 12-7-2010 21:42:25 | 显示全部楼层
Thank you 各位同路人
不過我自己其實都好論盡,出左破產令,去左見完個外判,仲去埋銀行解凍,之後返到屋企上網,先找到這個網站,早知我早些上來這個網度,就會識多左d野啦!
唔洗咁慌張:funk:
发表于 13-7-2010 11:09:26 | 显示全部楼层
Thank you 各位同路人
不過我自己其實都好論盡,出左破產令,去左見完個外判,仲去埋銀行解凍,之後返到屋企上網,先找到這個網站,早知我早些上來這個網度,就會識多左d野啦!
唔洗咁慌張:funk: ...
cykaren426 發表於 2010-7-12 21:42


Hea,
凡事定 d,
破產祇有令人更加成熟,
祇係人生旅程其中一關卡;
慢慢你更覺海闊天空呢 !

嘻,本破聯低調嘛,
又無$宣傳,咪無乜人知囉.
;P
发表于 13-7-2010 17:36:08 | 显示全部楼层
無呀!有時上網睇到一些關於破產的文章,講到又話破產這個名字是揹成世,好灰咁!睇到都令到我好唔開心架!
記得曾有一段新聞,個位男仔成日碌咭買野送比女朋友,後來攪到揹成二十萬,最後他選擇了結自己的生命。但當時我諗,為何他不選擇破產呢?揹成世~曾經破產~真的要用死才可以解決嗎?
发表于 14-7-2010 13:27:07 | 显示全部楼层
{:4_180:}
無呀!有時上網睇到一些關於破產的文章,講到又話破產這個名字是揹成世,好灰咁!睇到都令到我好唔開心架!
記得曾有一段新聞,個位男仔成日碌咭買野送比女朋友,後來攪到揹成二十萬,最後他選擇了結自己的生命。但當時我 ...
cykaren426 發表於 2010-7-13 17:36


有啲人就係過唔到自己面子那一關,所以寧願選擇了結自己的生命都唔願選擇破產{:4_209:} 講真以前我都覺得破產同死差唔多,因以前啲資訊冇咁發達,感覺破產係好件事,真係咩都冇哂,但當上網搵到原來呢條唔係一條死路,反而係俾自己重生既一個機會,唔會再先洗未來錢...因為已經冇哂信用卡既引誘,唔會再亂咁買嘢,會諗清楚先買{:4_180:}
发表于 14-7-2010 17:53:16 | 显示全部楼层
"破產"呢兩個字其實唔係想像中咁恐怖,四年之後又咪一條好漢~~~
发表于 14-7-2010 18:04:24 | 显示全部楼层
"破產"呢兩個字其實唔係想像中咁恐怖,四年之後又咪一條好漢~~~
浪子18 發表於 2010-7-14 17:53



;P
世界盃四年一度;
奧運又係四年,
破產期又係四年....


:shutup:
 楼主| 发表于 14-7-2010 22:42:53 | 显示全部楼层
其實睇過呢度師兄嘅個案及經驗,都知道只有DRP同破產係生路,IVA同死頂都係死路!DRP仲要你債權人唔多過兩個同有還錢能力先有得傾,而破產就係終極選擇。我又一次想指出,就算而家有錢如Donlad Trump,佢都破過產, ...
macauranger 發表於 2010-7-14 16:49


其實DRP幫唔到D咩, 佢利息其實唔算真係好低, 只不過年期長左, 感覺好似輕鬆D, 其實我覺得如果係欠得多, 索性攪破產好過, 因為聽講好多人都供供下都係供唔掂要做破產, 其實我自己自制力真係唔太好, 好易亂買野, 其實做左破產, 之後出唔到信用咭可能係一件好事, 雖然唔可以出咭做分息分期係會唔太方便
发表于 15-7-2010 01:56:34 | 显示全部楼层
18# 301


"2月29日"都係四年一次!!!
发表于 23-8-2010 23:58:44 | 显示全部楼层
鬼門關開門4次 又係我番身之日勒 哈哈哈哈:lol
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 21-11-2026 06:37 , Processed in 0.041529 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表