10年來的經歷,到最後還是要破產

happy123 · 发表于 3-6-2010 16:54:35

債務已困擾了我們10年了,當年未婚懷孕,我地唔理家人反對堅持生出黎,我家人一定要我地擺酒,
但我地冇錢唯有碌咭,此後我地嘅惡夢就開始,頭一年都還左一大部份錢,但老公失業突然,佢都就走去做地盤,
點知佢冇糧出,個老細衰到9個月唔出糧,追佢的話就比住2,3千我地,無奈市道不景,搵工又難,
加上我個傻佬天真到以為人佢老細一完工程就會出番晒d錢比佢....大唔食細都要食啦,由於結婚時我地2個出左好多張信用咭,
所以呢9個月以黎都係透支度日,終於一日我地連最低還款也還不到了,收數日日上門,寫大字,貼海報樣樣齊,
但當時並未想過破產,由於我嘅債務比老公小,所以就先同我嘅銀行逐間去傾,2年還清了我的債務,而我老公開始傾佢d債務,
但因為佢係易借難還度借左$15000,佢地要我地一炮過還$60000,所以我地先唔理佢,另一間axxx比我地做債務重整,
另借一筆錢抵銷條咭數,我地就接受左,並開始還,但還左約一年佢屋企有d突變,要用好多錢冇能力再還落去,因為我地搬左屋,
財務公司搵唔到我地,所以一直都不了了知,期間一直我都有勸老公破產,因為我家庭觀念很重,而且我家人好惡,我怕有一日會找到佢地,
但死佬就話之前咁艱難都挨過左,唔想而家先黎破,加上佢成日覺得佢仲有機會還倒,所以唔去搞,直到最近收數終於找到我家人,
雖然家人未知發生咩事,但老公起初都諗住還,但收數唔肯傾要2個月之內還清,雖然唔係大數,但還左我地成個月點過喎,加上欠左好耐,
我地只係知咁多間銀行+財務欠債嘅本金唔過10萬,但連埋利息同收數費係幾多就唔知,所以佢去還聯出左份報告,大型銀行同axa就同本金差唔多,
但2間財務就差好遠,其中一間相差8倍有多,咁多間加埋成18,19萬,問過律師話我地唔合適債務重組,因為我地2個人工加埋都冇2萬,重要養2個女,
扣完生活開支冇幾多可以還,銀行都有可能會接受,但2間財務係唔會傾,建議我老公破產,佢諗左晚話唔想我再担驚受怕,因為結婚我同家人關係變差,
而家好左,唔想又因呢d野再變差,而且我地怕還左呢間,其他嘅會陸續黎追,加上而家追果條數同我地破產嘅數一樣,所以佢決定破產.........
我老公於6月1日已經宣誓了,雖然今日仲收到收數電話,同埋唔知收數會唔會騷擾我家人,但諗到過埋呢關我地就真係解脫了,以前個心再冇不安,
而家只係担心多2個月左右,唔算得上什麼了!
各位我而家只係剛起步,以後好多野要請教大家,請大家多多指教!

bb_q_888 · 发表于 3-6-2010 17:26:01

有破產號碼....收數再惡都無計,

你家人無欠佢地錢,佢上門照報警.家人無責任幫你地還錢.(除非佢地有簽名擔保你老公)

一頒令就跟主任指示做,四年好快過.

有時間去睇破產須知,對你地好有幫助. :handshake

happy123 · 发表于 3-6-2010 17:58:03

2# bb_q_888

我老公未有no.,但聽日應該有,
因為我屋企人好惡,我唔想比佢地知
我溫書架,呢幾日差唔多睇晒d post,
不過份生活開支表個律師寫得好簡單,我怕到時cut好多.....

珍妮媽 · 发表于 3-6-2010 18:07:40

朋友,男人好要face ,一下子要佢破產,佢會接受唔到,如今你地已經破產, 好希望你地努力下去,
不要再負債,以後要比心機搵錢,養2個女.

珍妮媽 · 发表于 3-6-2010 19:51:36

5# macauranger

macau 家人反應事小, 自身全安事大. 應同嗎!

lalaeveryday · 发表于 3-6-2010 20:02:41

面子...不可以當飯吃. 生命及家人是世上最可貴的東西.

man152 · 发表于 3-6-2010 21:29:56

有情有義,有妻如此,夫復何求?

只要解決目前的困境,將來總有翻身的時候.....

pppw · 发表于 4-6-2010 01:50:36

放心喇，以後日子會一日好過一日。:victory:

mickey7100 · 发表于 4-6-2010 11:04:22

好多時都向前望都係好困難,好遠,但當向後回望根本就不算一回事,亦覺得時間其實流失得好快,睇庶用咩心情去過日子.
我始終都係唔明個啲因欠債,因感情問題而去死既人,死係咪真係可以解決咩所有問題?死係咪真係可以一了百了?{:4_180:}

man152 · 发表于 4-6-2010 11:43:15

好多時都向前望都係好困難,好遠,但當向後回望根本就不算一回事,亦覺得時間其實流失得好快,睇庶用咩心情去過日子.
我始終都係唔明個啲因欠債,因感情問題而去死既人,死係咪真係可以解決咩所有問題?死係咪真係可以一了 ...
mickey7100 發表於 2010-6-4 11:04

同意,我們的生活有太多無奈..

受到錯折,善良的人或會選擇傷害自己,

但佢地冇諗到同時會傷害家人和朋友..

kinha126 · 发表于 4-6-2010 11:55:48

4年後又一條好漢

WATER · 发表于 4-6-2010 13:59:38

＂人生如夢！夢如人生！雖然家人暫時未能諒解！他朝一定會明白，始終係一家人。如未有no大可以話我己縫老破，有七嘢問題同我律師講。至於話影响家人大可以報警！不過正來講都唔會咁做。

dopod123 · 发表于 4-6-2010 14:26:27

你家人唔支持都冇辦法,但你地已經係一個家庭.還有2個女,破產是正確決定他日你家人自會認同.
放下面對,明天會一切光明.

reborn · 发表于 6-6-2010 00:08:25

1# happy123

四年好快過~~你哋又可以重生

happy123 · 发表于 6-6-2010 02:00:32

好多謝你地嘅鼓勵,真的很感動!
我最擔心嘅事終於發生了,3/6律師樓話早上已fax左d文件去所有債主,
果晚axxx嘅財仔仲有打黎,我老公照律師教我地一咁講,話已經入左紙搞破產,
你地係唔係收唔到?係的話你比過fax no.我,我再fax多次比你啦!
當時佢地都冇咩唔好嘅態度,我地仲以為從此安樂,點知.......
4/6晚我仲去左維園六四晚會,本來已經沉重嘅心情係聽完我媽媽電話後變得更沉重,
d收數不停打比我媽媽講粗口,話我地借錢唔還.......安撫完我媽收左線後,
唔到1個鐘,我媽又打比我,話d收數啱啱上門鬼晒咁嘈,我呀爸話冇呢個人,趕走左佢地,
佢地就係門口貼海報.......尋晚我呀爸呀媽不停打黎鬧我地,話我地用佢地址借錢,
我地真係冇呀,都唔知d收數點解會搵到上去,但講極佢2老都唔信,唉.......
今日d收數又攞左2封信上去,一封係大字報,一封係唔知咩"法定償還書",
我媽媽又不停咁鬧我,我都係佢個女黎,點解唔可以了解下先,關心下先喎:'( :'(
一收工我同老公就攞晒d野去報警,d警察話收數係合法,我地欠人錢,人地係有權黎收,
講左好耐個警察先知道我地唔係住果度,同埋借錢時冇報過呢個地址,又有用過呢個地址任何一個人做擔保,
先叫我地備案,同埋當住我地面打比個收數,個收數同個警察講話今日已經取消左我地個file,話今日先收到我地張破產令喎(但我地只係入左紙,未有破產令)
希望佢地真係唔會再上去搞事啦!

20202003 · 发表于 6-6-2010 02:32:06

放心！如果係正式合法既財仔或銀行或其它有關錢銀事務，一收到破產申請編號就唔會再搵你，因為你已經受到法例保護！

之前佢地可能收數部未收到通知唧 ~~~~~

冇事既~~~~~ 放心！ :)

happy123 · 发表于 6-6-2010 02:38:42

20# 20202003

我都唔知佢係唔係合法,筆數最初係aexx嘅咭數,而家佢就話賣左比x富,
追債嘅係足x,唔知佢係咪合法,但還錢係去返aexx還嘅

20202003 · 发表于 6-6-2010 02:43:54

間公司係    足 X 下話 ~~~ ;P

唔洗理佢 ~~~~  都係個句 ~~~~

放心！冇事既  :)

happy123 · 发表于 6-6-2010 02:54:24

22# 20202003

唔好意思,想問下你點解咁肯定會冇事?
我真係好擔心,因為佢地唔係搞我同我老公,而走佢搞我娘家,
我呀媽今日已經嘈到反晒面{:4_209:}

20202003 · 发表于 6-6-2010 03:05:08

本帖最後由 20202003 於 2010-6-6 03:11 編輯

因為係你地當時太誠實~~ 將咨詢人地址如實報上！！！現今追債不成就用親友壓力 ~~~~ 呢個係一般追債既手法 ~~~~ ！！

但！于今反正你地已經申報左破產，仲有乜好怕 ~~~~ 四年後又係一條好漢 ~~~~ 法例一定會幫到你地 :)

再者 ~~~~足 X 係正規收數公司 ~~~ 佢地唔會亂黎架 :)

		自动登录	找回密码
密码			註冊

10年來的經歷,到最後還是要破產

评分

浏览过的版块