已fax呈請書,之後仲打黎追數>.<

wing2796 · 发表于 27-1-2010 23:09:21

本帖最後由 wing2796 於 2010-1-27 23:11 編輯

幾日前本人已fax呈請書到所有的欠債機構,亦已在fax完後打左去有關機構確認,而他們亦回覆我已收到呈請書,咁但係今日問題就黎喇,

其中一間UX財務今日打比我,佢同我講,以下內容(註:"U"代表UX財務,"M"代表我)

U:唔該XXX呀~
M:我係
U:XXX你之前到左期仲未比錢我地,你之前話星期三應該有,但到今日仲未收到喎
M:下?我已申破,同埋我之前已經fax左呈請書比你地,你地都確認收到呈請書架,咩唔係呈請左,入左紙,排左期就唔可以還架嘛,如果還左都唔當架喎
U:我知你已經fax左呈請書比我地,但你只係排左期,但仲未到時間上庭,你只係申請緊,唔係已經破左產,所以要還,況且我地公司都寬限左你今個月只還息啦,所以你要比錢所以你要還錢架喎,連下一期的供款都要還呀
M:下?係咁架咩?但係我用晒D錢申破喇,宜家無錢呀
U:你問下D朋友呀屋企人呀借住先啦,過兩日好入喇,如果唔係我地會當一般過期欠交錢的程序咁做野
M:但係以我所知呢段期間係唔可以還錢架喎
U:梗係唔係啦,係要還架,你問下律師囉,總之過兩日好入錢啦
M:哦,咁我睇下點啦
(完)

咁宜家我有幾個問題想問下,希望有人幫到我解答,THANK ALL~
1.呈請左,入左紙,現已排期,咁宜家到頒領日呢段日子其實究竟係咪要繼續還錢?(因為我在這裡爬過文,大部份類似CASE網友都話唔駛還,唔好理佢地,佢地"兇"你)
2.咁如果証實係唔可以還,咁有咩地方可以比我對果間財務作出投訴?
3.咁佢地下次打黎時我應該點講??
4.同埋頭先對話當中"U:我知你已經fax左呈請書比我地,但你只係排左期,但仲未到時間上庭,你只係申請緊,唔係已經破左產,所以要還,況且我地公司都寬限左你今個月只還息啦,所以你要比錢所以你要還錢架喎,連下一期的供款都要還呀
M:下?係咁架咩?但係我用晒D錢申破喇,宜家無錢呀
U:你問下D朋友呀屋企人呀借住先啦,過兩日好入喇,如果唔係我地會當一般過期欠交錢的程序咁做野"
咁算唔算教唆我犯法呀?因為好似呢段期間唔可以問任何人借錢的?
5.最後想間下我過兩日後可以點應對佢地呀?

hkbankrupt · 发表于 28-1-2010 00:32:08

下次佢再打黎，同佢個依家個電話錄緊音，叫佢講代表邊間公司同佢叫咩名，因為收線後會去警署報案，因為佢已經足犯左法例，呢間UX根本就係黑財，想搏大霧收得幾多得幾多，申請左有編號就算等緊上法庭都唔可以私下還錢比任何債權人，如果唔係你自己都係犯法!!

kwok1234 · 发表于 28-1-2010 02:44:11

我都記得..申請左老破就唔使還錢..我比律師搞的.律師會fax哂比d銀行同財仔..我記得有間都打過幾次電話黎追..我無理佢.我再打比律師叫佢fax多幾次比間財仔等佢收到唔好再打電話黎。

lalaeveryday · 发表于 28-1-2010 02:50:44

{:4_176:} 去問佢貴性,留許工作號,留supervior資料...去投訴佢地公司,然後要佢在香港被釘牌...{:4_176:}

由零開始 · 发表于 28-1-2010 06:05:28

1# wing2796

佢再打電話比你 ,你話律師叫你唔駛還 ,
你就叫佢打比你律師啦 ,咁佢唔會再叫你還 ,
因為佢地都怕律師告佢...

301 · 发表于 28-1-2010 13:10:02

樓主係自己呈請申破,
無得推落律師度.

人家追數都係循例手續啫.
你同佢確認左俾足資料就唔再追架.

老實講,
下下有個電話追數就報警,
你未被差人鬧過呀 !
:curse:

puzzle · 发表于 28-1-2010 14:01:01

我昨天都有收到銀行電話, 不過我無理佢, 今朝有個 missed call, 唔知係邊個. 我無欠財務錢, 銀行做嘢手法可能溫和啲.

301 · 发表于 28-1-2010 14:05:14

係呀,
睇以上對答都好温和啫.

爭未問埋佢食左飯未! ;P

dopod123 · 发表于 28-1-2010 15:34:25

你未正式破產,正在申請中.呢段係灰色時間,法例只係話破產後不可追數.只不過大型銀行一般唔會再追,2線財仔會追數唔出奇.但知你申破而家都唔會用太強硬手法,而且呢間唔數黑財,打多幾次唔打架啦.

dopod123 · 发表于 28-1-2010 15:38:10

5# 由零開始

同收數講律師話唔使還冇用架.直接同佢講我破唔倒產先算.

dopod123 · 发表于 28-1-2010 15:45:24

3# kwok1234

樓主好似係自己申破,冇律師

puzzle · 发表于 28-1-2010 16:19:43

又收到銀行電話, 我同佢講我已入紙申破, 對方好有禮貌, 問我攞編號, 然後叫我傳真資料比佢哋. 態度好 ok 喎!

queenielamok · 发表于 28-1-2010 16:33:55

又收到銀行電話, 我同佢講我已入紙申破, 對方好有禮貌, 問我攞編號, 然後叫我傳真資料比佢哋. 態度好 ok 喎!
puzzle 發表於 2010-1-28 16:19

係架... 銀行態度係ok的... 我之前剛剛入紙... 其中一間bank 都打來追... 都好有禮貌無寸寸貢... 我話叫律師fax 返份呈請俾佢... 佢就收左線... 之後亦無再打過來了... 不過可能財仔做法會兇dd...

mickey7100 · 发表于 28-1-2010 16:54:45

你照同佢地講話律師叫唔駛還住.....冇講大話架,係人地既律師講之ma{:4_201:} 跟住問佢名,話以防有事發生知道搵邊個{:4_181:}

lalaeveryday · 发表于 28-1-2010 17:53:47

本帖最後由 lalaeveryday 於 2010-1-28 17:58 編輯

反正大家接到電話就禮貌 d 問佢反佢的所有聯絡資料, 每個已申破的準破產人士應該做到劉華所講的 "今時今日的服務態度的水平"{:4_176:}
所有準破產人士是有責任對債權人的電話作合理及合法的跟進{:4_175:}

然後就好直接安慰債權人, 一切已在香港法律的程序下進行了, 希望此事可以盡快解決. 如果佢地有甚麼問題,可以再來電或留言查詢最新情況,但請每次必須留下可以跟進的聯絡電話及人名等{:4_201:}

hic2008 · 发表于 28-1-2010 21:13:39

我破時ux都求過我還多一期, 我心想, 有都唔還啦.

dopod123 · 发表于 28-1-2010 21:24:43

16# hic2008

你就好啦有人求{:4_176:}

wing2796 · 发表于 29-1-2010 00:11:15

本帖最後由 wing2796 於 2010-1-29 00:14 編輯

多謝各位幫忙~~
咁我就照講話律師話唔可以還(其實係自己申破:shutup: ),
跟住睇下咩情況再上黎報告一下

wing2796 · 发表于 29-1-2010 00:16:16

本帖最後由 wing2796 於 2010-1-29 00:17 編輯

我破時ux都求過我還多一期, 我心想, 有都唔還啦.
hic2008 發表於 2010-1-28 21:13

咁佢求你還,之後你唔還,咁點解決?由佢係咁打黎追?你係點同佢講架?講黎聽下等我可以參考下,THANK~

dopod123 · 发表于 29-1-2010 00:17:10

18# wing2796

再打比你,都係答你已申破,

		自动登录	找回密码
密码			註冊

已fax呈請書,之後仲打黎追數>.<

浏览过的版块