遲交文件... 　辦破產碰壁商人...

301 · 发表于 8-1-2010 08:38:33

本帖最後由 301 於 2010-1-12 08:44 編輯

遲交文件　會計公司拒代辦破產事宜
欠債男子 16樓跳下慘死
2010年01月08日

【本報訊】一名失業多時的中年男子，過去一年以卡冚卡透支養妻活兒，欠下銀行十多萬元無力償還，惟有透過會計公司代辦破產事宜；事主昨日到屯門會計公司提交文件時，由於過了預約時間被拒，疑擔心欠債問題不能解決，激動得從 16樓跳下當場慘死，留下妻子和女兒境況凄凉。

死者鄭x安， 55歲，與來港 6年的 35歲妻子王x和讀小五的 11歲女兒x盈，同住香港仔石排灣邨。據稱，鄭原當雜務員，以月入 6,000元養起一家，惟去年初失業後一直找不到工作；由於鄭自尊心強，不肯申領綜援金，因此近一年來都是以 3張銀行信用卡貸款，以卡冚卡方式透支現金，作為日常生活費。

然而，至去年 11月，鄭的欠債已累積至 13萬元，無力償還，最後他聽從親友勸導，一方面申請綜援過活；一方面申請破產解決欠債問題，但兩者至今仍在處理中。據稱，鄭在朋友介紹下透過一間會計公司代辦破產，並安排在本周一上庭，但因文件不足而押後，會計公司原本約鄭前日將文件交到公司，但一直不見他來。

據說，鄭前日離家一直失去聯絡，至昨中午 12時許，鄭攜着所欠文件到建榮街 25號百利中心 16樓的會計公司，但因為他遲了一天，跟進他個案的職員不在，職員於是着他再預約遞交文件；其間疑鄭擔心欠債不能解決，突然走進廁所推開窗門跳下，倒在 9樓平台上，頭爆肢折慘死。
鄭妻與女兒接獲警方通知噩耗，傷心欲絕。女兒x盈憶述父親在聖誕節時曾對她說：「如果我死咗，你瞓我張床驚唔驚呀？唉，如果喺街執倒 20萬就好咯!」相信鄭當時已有死意。問到x盈有甚麼說話跟亡父說，她哭着：「以後勤力讀書，開開心心生活，唔使欠人錢！」

http://hk.apple.nextmedia.com/template/apple/art_main.php?iss_id=20100108&sec_id=4104&subsec_id=11867&art_id=13605622

辦破產碰壁商人跳樓死

【本報訊】面臨破產的一名商人，昨午前往屯門一間承辦破產管理的公司，擬辦理破產手續，但因他事前沒有預約而未能辦理，放下一袋文件離開並前往洗手間，惟後來他被發現由十六樓洗手間跳樓自殺，飛墮九樓露台身亡，警方調查後懷疑他不堪生意失敗尋死.

承辦破產公司指無預約死者姓鄭（五十四歲），疑生意走下坡欠下巨債，瀕臨破產邊緣。昨午十二時許，他帶同一袋文件，到建榮街一間承辦破產管理的公司，要求辦理破產手續，但因他並無預約，故未能辦理，鄭放下文件後前往十六樓走廊洗手間。

豈料，他進入洗手間後，推開氣窗攀窗躍下，直墮九樓露台，頭部重創，一名姓李女子正在辦公室工作，聽到巨響揭發事件，立即報警，救護員趕抵，檢查後證實鄭已死亡，毋須送院。警員到場調查，發現死者遺下的文件包括存摺、銀行帳單及公司帳目，惟無遺書，事件無可疑，屍體其後由仵工舁送殮房.

中文大學精神科學系李誠教授指，一個人走上破產之路，並非一朝一夕，中間可能經過漫長心理掙扎，甚至已萌自殺計劃，如果因小事未能辦妥，失意者可能放大嚴重性，做出傻事。而律師黃國桐表示，作為破產受託人的一些企業顧問公司，主要替生意人處理破產或債務重組。

http://orientaldaily.on.cc/cnt/news/20100108/00176_032.html?pubdate=20100108

由零開始 · 发表于 8-1-2010 09:28:09

1# 301

唉........我想死者一定比人追數 , 追到走頭冇路..........

所以選幫手搞破產律師或會計師好緊要 ,
如果選到服務比較好 ,就真係唔駛煩 ,
佢地會解釋清楚比你知 ,同不停叫你唔駛擔心 ,
另你個人心情都輕鬆好多 ,

唔駛好像以上公司 ,過時又好或冇預約都好 ,
只要你同佢講佢 ,你唔駛擔心我幫你睇下文件先 ,
你放心我地會好快幫你申請 ,唔會再有人追你數.

可能結局會改寫....................

joeyeung · 发表于 8-1-2010 09:39:32

咁快比你贴左。。。本来我都系想贴呢则新闻。。。等D人如果比人追得太劲的时侯可以罗来顶一顶。

BB5555 · 发表于 8-1-2010 09:42:57

1# 301

唉........我想死者一定比人追數 , 追到走頭冇路..........

所以選幫手搞破產律師或會計師好緊要 ,
如果選到服務比較好 ,就真係唔駛煩 ,
佢地會解釋清楚比你知 ,同不停叫你唔駛擔心 ,
另你個人心情都輕鬆 ...
由零開始發表於 2010-1-8 09:28

以上是我的外判. 開頭未攪破產我都想死>>>>

puzzle · 发表于 8-1-2010 09:48:11

1# 301

唉........我想死者一定比人追數 , 追到走頭冇路..........

所以選幫手搞破產律師或會計師好緊要 ,
如果選到服務比較好 ,就真係唔駛煩 ,
佢地會解釋清楚比你知 ,同不停叫你唔駛擔心 ,
另你個人心情都輕鬆 ...
由零開始發表於 2010-1-8 09:28

完全同意, 有時一句說話可以令個結局唔同晒...

既然已經搵到解決方法, 只要咬緊牙關繼續行落去, 問題總會解決, 何必要輕生....

queenielamok · 发表于 8-1-2010 10:04:45

唉... 始終覺得會計師係比較無情的... 佢地太有規矩... 你過左時就啋你都傻... 話知你死... 宜家搞到人地無埋條命... 有乜為呢？... 就算唔安撫下人地... 都唔洗咁絕拒絕幫人地做呀... 最多咪話即時幫你再約囉...

zbridgehead · 发表于 8-1-2010 10:10:42

遲交文件　會計公司拒代辦破產事宜
欠債男子 16樓跳下慘死
2010年01月08日

【本報訊】一名失業多時的中年男子，過去一年以卡冚卡透支養妻活兒，欠下銀行十多萬元無力償還，惟有透過會計公司代辦破產事宜；事主昨日 ...
301 發表於 2010-1-8 08:38

死者就咁去左！老婆同個女點算呢？唔死攞老綜都仲有幾千元生活費！30幾歲女人帶著個女，無3粒星攞唔到綜援都唔知點生活，呢個男人太不負責任！

同樣故事，而家的記者作新聞作到離哂譜，一個就話死者係綜援人士、一個就話死者係商人，睇新聞自己都要分析下。

queenielamok · 发表于 8-1-2010 10:15:50

死者太轉牛角尖啦... 佢如果識得去諗下... 佢雖然宜家係遲左交文件... 但只要再預約... 等個零月佢就可以甩難... 咁佢就唔洗走上呢條不歸路啦...

mickey7100 · 发表于 8-1-2010 10:19:35

好多時自殺都只係因突然有一刻所有負面嘢一次過湧哂出嚟,前幾個月有一晚半夜我都突然諗到好灰,好似樣樣都出問題,唔知點解決,那一刻個腦真係突然有把聲同自己講"你都冇用架la,唔死都冇用",好彩我都算係一個樂觀既人,好快就諗番啲正面嘢,不停同自己冇嘢係解決唔同既{:4_178:} 但那一刻真係覺得好驚,所以好明白點解有啲人會有勇氣去死,但冇勇氣面對,如果那個人平時已經係好悲觀,成日諗啲負面嘢,就真係好危.

tongyuklan · 发表于 8-1-2010 10:29:08

其實好唔明,報導說是經朋友介紹辦破產,即是要俾錢啦.
如果是要俾錢,咁咪搵個第二個辦,駛乜咁傻.

zbridgehead · 发表于 8-1-2010 10:40:06

其實好唔明,報導說是經朋友介紹辦破產,即是要俾錢啦.
如果是要俾錢,咁咪搵個第二個辦,駛乜咁傻.
tongyuklan 發表於 2010-1-8 10:29

記者只係事發後再寫番個故仔，所以唔洗唔明！

dopod123 · 发表于 8-1-2010 11:25:09

慘劇....呢間公司的人唔知訓唔訓倒。其實做幫人破產不可只要錢每句小節都要小心,同一定要有助人助己之心。
另我諗起有啲外判只有錢漠視破產人權利。

queenielamok · 发表于 8-1-2010 11:30:43

慘劇....呢間公司的人唔知訓唔訓倒。其實做幫人破產不可只要錢每句小節都要小心,同一定要有助人助己之心。
另我諗起有啲外判只有錢漠視破產人權利。 ...
dopod123 發表於 2010-1-8 11:25

害死人... 真係成世唔安樂...

不過講真... 宜家咁多律師 / 會計師樓幫人搞破產... 其實有幾多真係仲有"助人助己之心" 呀？... 佢地已經當係routine 工作... pass 到來就做... 根本唔會理你感受...

至於外判就更加唔洗講啦... 各為其主啫... 佢地個老細係我地債權人... 緊係乜都為債權人去諗啦... 我地呢d 破產人士... 根本無say... 唯有盡力為自己爭取更多...

301 · 发表于 8-1-2010 11:34:57

咁快比你贴左。。。本来我都系想贴呢则新闻。。。等D人如果比人追得太劲的时侯可以罗来顶一顶。
joeyeung 發表於 2010-1-8 09:39

係呀,
我每朝全港報紙網上版都睇晒先.....

事件已發生,
我地都係過來人,
大家心照明白.......

我唔評論....

但傳媒版本參差....

仲有....
大家再睇下:
大恭報既報導...

中年漢陷財困跳樓亡

【本報訊】一名經濟陷困境準備破產中年漢，昨日在屯門一間財務公司疑處理債務問題不遂，感走投無路突萌死念，奔進廁所攀窗躍下自殺，跌落九樓平台傷重死亡。

跳樓身亡男子鄭×安（五十四歲），現場在屯門建榮街二十五號百利中心。消息稱，事主最近財務陷困債台高築，打算申請破產以渡過難關。

傷報

2 男女昨先後跳樓不治

屯門及紅磡昨先後發生跳樓自殺案。其中一名男子鄭×安(54歲)，昨午12時許，到達屯門建榮街25號百利中心高層一間債務重組公司，以詢問破產程序細節，未幾竟「借尿遁」，走到同層洗手間中，打開窗戶跳下輕生，身體擱在9樓平台。

救護員到場證實他已身亡，警方調查後認為案件無可疑，隨後由仵工將屍體舁走。

至昨午3時半，紅磡海逸豪園12A座中層一名姓許(52歲)婦人，突然走到寓所的廚房推開窗口，飛躍而下自殺，直墮一樓平台證實不治。初步相信事主因不堪病魔折磨而自盡，並無可疑。

:sleepy:

queenielamok · 发表于 8-1-2010 11:37:44

15# 301

嘩... 都好多唔同版本喎... 真係唔知邊個真...

zbridgehead · 发表于 8-1-2010 11:58:06

記者只係事發後再寫番個故仔，所以唔洗唔明！
zbridgehead 發表於 2010-1-8 10:40

權力令人腐敗！

小小外判可能對破產者冷言冷語，揸著雞毛當令"賤"！

社署、醫管局-所謂"服務市民"既職員都係一樣！

作為記者既！如果你係到睇到，真係有承擔既，不如再去屯門外判訪問下佢地職員有乜感受？

joeyeung · 发表于 8-1-2010 17:58:00

權力令人腐敗！

小小外判可能對破產者冷言冷語，揸著雞毛當令"賤"！

社署、醫管局-所謂"服務市民"既職員都係一樣！

作為記者既！如果你係到睇到，真係有承擔既，不如再去屯門外判訪問下佢地職員有乜感受？ ...
zbridgehead 發表於 2010-1-8 11:58

下次如果你地D外判.咁同你讲。。你就话你地即系想迫死我者。。。好。。。咁我系你地公同呢层跃落去。。。睇下佢地重会唔会乱咁来。。。
咁倾生活费都易D。。一讲唔掂数就用呢招。。。。

zbridgehead · 发表于 8-1-2010 18:21:10

19# macauranger

外判卑微既賺$150元一個case，緊係盡量o趙，有咁刻薄就咁刻薄！

"講死"係就係衰的，有時都用得著！

曾經有人要求銀行減息，唔減就係總行跳樓！大家知唔知最後結果係點呢？

lok196305 · 发表于 8-1-2010 18:23:08

19# macauranger
我覺得外判都睇單case對佢地有無价值,如果你都無乜太大价值可言,佢都費事理你咁多啦!

小林林 · 发表于 8-1-2010 19:10:11

發生左咁大件事只為遲交文件{:4_197:}

		自动登录	找回密码
密码			註冊

遲交文件... 辦破產碰壁商人...

遲交文件... 　辦破產碰壁商人...