申請破產前的問題, 唔該各位比啲意見

puzzle

大家好, 我一直有留意呢個網站, 發現各位提供的意見非常正面和有建設性, 我有些問題都希望大家比啲意見, 唔該晒!

1.  我未申請破產, 但好可能無可避免都要行呢一步。問題係, 我有一間有限公司, 呢間公司無貴重資產, 亦唔係賺大錢, 不過因為請咗啲人喺客戶到工作, 我唔想因為我自己的問題而影響到佢地, 如果結束間公司, 佢哋可能會失業, 所以我想將公司轉比其他人, 我知道破產前資產轉移係要申報, 我會申報, 但我擔心會唔會申報咗都話我犯法呢? 我唔想在不知情下犯法。

2.  我有一份人壽加醫療保險, 早前已從保單借晒所有錢用來周轉, 所以除非我有意外或死亡, 否則份單而家已經無錢, 我早前已將份單個 policy owner 轉咗比我老公, 個 beneficiary 就轉咗比我個女, 我唔想他日我有咩事會變成佢哋個負擔, 死我唔怕 (不過係唔捨得死), 最怕係唔死得, 半天吊, 累人累物, 份單日後都應該會由老公供, 我沒有其他保險, 所以好希望可以保住呢份單, 等家人有啲保障, 唔知咁做會唔會有問題呢?

3.  我老公之前用我個名喺保險公司開咗個投資戶口, 錢係佢出, 佢最近取消咗個戶口, 攞返啲錢出黎, 支票開佢個名, 我好擔心申請破產時比佢哋 check 到, 要我攞返啲錢出黎, 因為啲錢根本唔係我, 亦唔係入我袋, 到時會唔會要我老公攞返啲錢出黎? 係就死囉!!!

4.  我阿媽亦同樣有一筆錢用我個名投資, 我最近亦取消咗個戶口, 但係啲錢會入落我戶口, 啲錢唔係我嘅, 我要還返比佢, 但係申請破產時睇到呢條數, 我諗佢哋九成九要我攞返啲錢出黎, 咁點算?

唉, 呢輪心情忐忑不安, 我其實希望就算申請破產, 都可以一路還住 min pay, 因為我唔想啲追數電話、追數公司煩到我屋企人, 我無欠財務公司錢, 全部係銀行, 唔知佢哋嘅追數手法會唔會無咁"激進"呢? 不過都唔知捱唔捱得到...

可以喺度暢所欲言, 真係好...

301

1# puzzle


嘩,水蛇舂,睇到老眼昏花.

俾 d 時間消化,
各會員會幫手答.

睇見最後:追數,就最精神,

邊個敢追老破數......

你背景未詳明,又未破....:dizzy:

由零開始

大家好, 我一直有留意呢個網站, 發現各位提供的意見非常正面和有建設性, 我有些問題都希望大家比啲意見, 唔該晒!

1.  我未申請破產, 但好可能無可避免都要行呢一步。問題係, 我有一間有限公司, 呢間公司無貴重資產, ...
puzzle 發表於 2009-12-23 13:51

我覺得你個問題比較多關於法律 ,
我個人覺得你應該找個律師詢問 ,
因為詢問佢係唔收費的 ,
如果決定破產 ,就唔好拉拖咁耐..
因為你自己又辛苦 , 居企人又擔心 ,
就來又過年 , D追數公司會追得比較緊....
祝你早日解決問題........加油......{:4_203:}

puzzle

好多謝您兩位嘅回覆, 唔好意思, 我之前個 message 好長, 因為啲嘢擺喺個心好耐, 打吓打吓打長咗。

請問要咩背景資料? 我欠銀行大約共 58 萬, 每個月 min pay 大約要 2 萬有多, 頂得好辛苦。我唔賭錢, 不過會買六合彩 (幾十蚊叫買個希望), 亦唔大花同, 啲債係前男友開舖頭要錢用, 我就好蠢咁申請信用卡, 借loan比錢佢, 除了間舖間嘅支出, 我亦好蠢咁照顧埋佢生活上嘅所有支出, 就係咁個雪球越滚越大, 滚到頂唔順要同佢分手, 分手後自己面對咁多債, 捱得好辛苦, 覺得一路都係幫銀行打工...捱到呢一刻, 咪諗吓係咪真係要申請破產...

我而家唔係想將個責任推比佢, 我自己都有好大責任, 我唔識得say no, 將來我會教我個女, 做人一定要識得 say no, 要認識金錢, 要懂得管理金錢, 我唔想佢行我條舊路。

其實我最唔開心, 係因為我嘅問題而影響到我老公同個女... :(

唔好意思, 今次個 message 又係打到咁長....

dopod123

1.有限公司是否一人股東?如是 ,咩都唔做不營運等破署接收,但你申破時先要去公司註署報董事辭職通知.
你一定要不營運.
2.冇問題.
3.要清楚知有冇保險成份
4.幾耐之前,銀碼幾多.

admin

1.  我未申請破產, 但好可能無可避免都要行呢一步。問題係, 我有一間有限公司, 呢間公司無貴重資產, 亦唔係賺大錢, 不過因為請咗啲人喺客戶到工作, 我唔想因為我自己的問題而影響到佢地, 如果結束間公司, 佢哋可能會失業, 所以我想將公司轉比其他人, 我知道破產前資產轉移係要申報, 我會申報, 但我擔心會唔會申報咗都話我犯法呢? 我唔想在不知情下犯法。

資產轉移意思係指以一個優惠價錢讓。如唔係，你係唔需要驚。個價係點，我估你要搵會計/律師幫手。

2.  我有一份人壽加醫療保險, 早前已從保單借晒所有錢用來周轉, 所以除非我有意外或死亡, 否則份單而家已經無錢, 我早前已將份單個 policy owner 轉咗比我老公, 個 beneficiary 就轉咗比我個女, 我唔想他日我有咩事會變成佢哋個負擔, 死我唔怕 (不過係唔捨得死), 最怕係唔死得, 半天吊, 累人累物, 份單日後都應該會由老公供, 我沒有其他保險, 所以好希望可以保住呢份單, 等家人有啲保障, 唔知咁做會唔會有問題呢?

呢個問題，我諗有其他會員有經驗。我個人覺得：一份無價值的保單應該無問題。當然，我假設D錢真係用左。我然相信樣你唔難證明到。將來保單只要唔你供又價值，無問題。好多會員都咁。

3.  我老公之前用我個名喺保險公司開咗個投資戶口, 錢係佢出, 佢最近取消咗個戶口, 攞返啲錢出黎, 支票開佢個名, 我好擔心申請破產時比佢哋 check 到, 要我攞返啲錢出黎, 因為啲錢根本唔係我, 亦唔係入我袋, 到時會唔會要我老公攞返啲錢出黎? 係就死囉!!!

呢樣。我個人覺得：都…

4.  我阿媽亦同樣有一筆錢用我個名投資, 我最近亦取消咗個戶口, 但係啲錢會入落我戶口, 啲錢唔係我嘅, 我要還返比佢, 但係申請破產時睇到呢條數, 我諗佢哋九成九要我攞返啲錢出黎, 咁點算?

同上

唉, 呢輪心情忐忑不安, 我其實希望就算申請破產, 都可以一路還住 min pay, 因為我唔想啲追數電話、追數公司煩到我屋企人, 我無欠財務公司錢, 全部係銀行, 唔知佢哋嘅追數手法會唔會無咁"激進"呢? 不過都唔知捱唔捱得到...

銀行"守"規矩，有事搵報紙，議員。

由零開始

4# puzzle

我都係因為個月同老婆先決定破產 ,
想留番多D錢比佢地 ,唔想個女連去學校旅行錢都冇...

其實你大約每月收入同支出有多少 ,
講詳細D可以多D人比意見你 ,
加油....千萬唔好放棄.........{:4_201:}

dopod123

要公司轉比人,如已營運過有報過稅,先要上一年會計報告,及如果你公司3月年結的話,用最後一年會計報告(報稅個份)只可6個月內跟內容報價值去轉股份公司.時間上你已過,要重新做會計報告後先可轉讓(主要評估價值及稅額).時間可能要2個月會計費用1-2萬.問題公司價值不高,例如50000.你賣出要交代50000去向應該唔難.如30000,我個人意見想申破不要公司.破署接管,佢會出售.

WATER

我就提意千祈唔好揾三姓律師其中有頭一個姓與花草樹葉有関律師行。我就係其中一個羊古，末收錢前態度一流。收錢後就自己諗

由零開始

我就提意千祈唔好揾三姓律師其中有頭一個姓與花草樹葉有関律師行。我就係其中一個羊古，末收錢前態度一流。收錢後就自己諗
WATER 發表於 2009-12-23 21:18

我之前都本來有想過找3姓搞老破 ,
上來睇下舊文 ,師兄話佢地上庭後就完 ,
唔幫你填咩細表格 ,要你自己填 ,唔係就比錢佢幫手填 ,
咁我就自己搵第二間搞 ,全部佢填 , 我只係簽名 .
唔岩我D賴人 ,又怕煩的人...........{:4_196:}

cc1424

我認為唔好拖了, 早得一日得一日, 開開心心過新年啦 ~ 當您好痛苦地踏出這一步, 就會有您意想不到的晴天等待您...

我份保險既情況都係同您一模一樣, 我同主任講想留番, 後來覆我話可以留, 開心c我 ...

同埋我破產前賣左d資產, 我準備晒如何使用這筆錢的所有單據, 破署都接受左...

再有唔明, 最好問律師啦.... 唔好拖啦.

puzzle

唔該晒咁多位! 關於我間公司, 我打過去三姓律師行問過, 以策萬全, 我打去佢哋幾間分行問唔同人攞意見, 我諗應該唔會係律師接電話, 結果係: 答案大家差唔多, 但係態度就好唔同, 好彩其中一個 (只係得一個) 好好人, 好有耐性同我傾, 佢話公司如果無貴重資產, 又唔係賺大錢, 轉比其他人應該問題不大, 但我一定要申報同解釋, 同埋最好轉比其他人之後隔一段時間先申請破產, 我問佢應該隔幾耐 (我初時以為要隔好耐, 咁就死啦!), 佢初時話一個月, 然後佢問我個情況急唔急, 我話都急架, 佢就話起碼等兩個星期啦! 唔...希望兩個星期真係ok啦!

另外, 關於我老公用我名個投資戶口, 因為已經取消咗, 啲錢佢已經攞返, 請問是否要主動申報呢? 順帶一提, 呢個係純投資戶口, 無保險成份。申請破產時, 佢哋會唔會去信所有保險公司, 攞返我之前所有記錄, 定係只會問我自己申報嗰啲?

結婚後, 我已搬出, 但係阿媽間公屋未除我個名, 申請破產前是否要先除我個名呢?

我之前無留支出收據, 咁點算? 銀行月結單都係見一張, 睇完撕一張, 因為唔想比屋企人知, 所以完全無舊記錄, 點算好? 我知一申請破產, 所有銀行戶口會被凍結, 我好唔好先取消一啲戶口, 到時申報可以報少啲, 煩少啲?

再次唔該晒各位寶貴嘅意見! :)

puzzle

唔記得講我嘅收入情況, 我係無固定收入嘅, 所以之前問過應該做唔到 iva.

由零開始

14# puzzle


我個時破產都係比一個月 ,月結單同一年稅單就 ok
除出糧戶口 ,律師叫我其他戶口我都全部先取消
不過你最好寫下你全部問題 ,
到時搞破產一次過問律師 ,
等佢一次過答你好D ,因為係佢幫你搞破產 ,
律師要負責任 ,唔會點錯路你行...

puzzle

16# 由零開始

咁取消咗嘅戶口到申請破產時需唔需要申報?

由零開始

16# 由零開始

咁取消咗嘅戶口到申請破產時需唔需要申報?
puzzle 發表於 2009-12-24 13:43

破產前取消戶口唔駛申報...

puzzle

破產前取消戶口唔駛申報...
由零開始 發表於 2009-12-24 13:44

咁轉咗 policy owner 嘅保單, 同埋取消咗嘅投資戶口呢? 又要唔要申報?

由零開始

19# puzzle

咁我唔知 , 你問律師比較好 ,
等佢教你安全你....

dopod123

19# puzzle


保單報冇，己取消戶口可以唔報但其實要睇時間你要搏,問律師我唔知會教你點做,律師責任幫你申破申破資料客人堤供,明唔明,

puzzle

20# 由零開始

i see, 唔該晒!