尋日自己去交表舉手

toughtough · 发表于 14-4-2026 20:07:57

尋日自己上左破產署交表，2:15pm左右到，最後大概4:45pm左右搞掂，少少溫馨提示比自己交表嘅朋友仔~
首先去破產署交呈請書(表格3)同資產負債狀況說明書(表格28C)，Counter對完冇填漏野就會叫你過隔離counter交$8000，交完就拎籌等入房宣誓

1. 份form有啲位原來要填NIL，但你唔會知邊啲位要填邊啲位唔洗填，所以預左上到去要預點都補填少少
2. 所有名同地址都要中英對照
3. 強積金都要填落資產度
4. 所有改寫過嘅位隔離都要簽返個名
5. 建議搵個朋友陪自己，一來自己一個好似手忙腳亂，二來有啲人會喺度r生意，見到你自己一個就會走埋黎sale你

宣誓完就拎住兩份表格同埋交完$8000嗰張收據去高等法院會計部交$1045，交完上一層去登記處拎籌交表拎貼紙，再去對面counter拎聆訊日期。
跟住影印兩份表格，每份表格影印一式兩份，一份自己keep，一份之後交返去破產署。
影印完將正本加影印本一次過交返晒去幫你痴貼紙嗰個登記處counter，佢會吸個印落兩份副本度，最後交其中一份副本返破產署，佢會比一份好厚嘅表(應該就係26頁?)，就完結成個交表程序。

1. 我喺登記處度拎完籌之後，個保安姨姨話大概要等一個鐘。咁我同frd就落去行下買野飲，過左40分鐘之後返黎竟然過左幾個number! 張飛寫過10個number要重新排，個保安姨姨就叫我拎住張飛問counter。Counter本身話佢部機已經冇得撳返我個number所以佢都冇辦法，佢可能見我個樣太失落，就問我係做咩，然則就叫我等幾個number，唔洗重新排，好感動T_T所以建議大家唔好離，乖乖地喺外面等。
2. 保安姨姨話星期一係特別多人
3. 記得帶實體八達通黎用佢地啲影印機($0.5一頁)
4. 排聆訊日期嗰個counter隔離有個centre可以影印，冇咩人用，唔洗喺登記處嗰邊排隊等影印機

我有計住找多左一期數，諗住頒正令之前都唔會比人追數，所以就自己去交表，可以自己決定幾時先fax張臨令比啲債權人。
不過無諗過要排到26/5先上庭，希望正令快啲頒到啦，真係好驚比人追數T_T

欠一百萬 · 发表于 14-4-2026 20:39:27

{:4_186:} 非常好

破產鳥34 · 发表于 14-4-2026 20:46:07

師兄我前日都係自己申請入學

破產鳥34 · 发表于 14-4-2026 20:48:39

一樣都係5月26號上庭，再問你戶口打算點？幾多號出糧？我應該五月29會自動轉賬出糧，我驚到時唔夠時間解凍銀行戶口

toughtough · 发表于 14-4-2026 21:27:53

破產鳥34 發表於 14-4-2026 20:48
一樣都係5月26號上庭，再問你戶口打算點？幾多號出糧？我應該五月29會自動轉賬出糧，我驚到時唔夠時間解凍 ...

我諗住今個星期去永X/創X開個新戶口for出糧呀～
我仲早啲添，26號就出糧。唯有希望即日開到戶T_T

202511a · 发表于 14-4-2026 22:45:31

永x要用手機開，可能要三四日或補交文件，創x係會凍架！26號頒令，你26出糧都重可以拎到，20k用提款機，10k轉帳。好多限制

破產鳥34 · 发表于 15-4-2026 08:21:32

我睇到有啲人話頒令當日可以喺破產處申請解凍，係咪一定要跟主任先可以？如果當日派咗俾外判係咪只可以搵外判拎信解凍？同埋有冇邊間銀行？同埋有冇邊位兄弟知道邊間銀行可以即時解凍？心急人上萬分感激。

202511a · 发表于 15-4-2026 10:14:56

如暫時跟主任，你下午可上網申請，幾時有，要是乎主任有冇返工同得唔得行。你可以打比佢希望可以快啲。好彩既即日有。銀行開戶要預約，自己預，一早約定，跟外判，就搵外判

toughtough · 发表于 15-4-2026 12:23:45

202511a 發表於 14-4-2026 22:45
永x要用手機開，可能要三四日或補交文件，創x係會凍架！26號頒令，你26出糧都重可以拎到，20k用提款機，10k ...

感謝師兄提醒!咁我呢兩日用手機app申請永X開戶先~
另外想問下"20k用提款機，10k轉帳"係咩意思?係永X撳錢出黎嘅限制嗎?

202511a · 发表于 15-4-2026 14:32:03

係！

Dck89 · 发表于 22-4-2026 12:55:56

toughtough 發表於 14-4-2026 21:27
我諗住今個星期去永X/創X開個新戶口for出糧呀～
我仲早啲添，26號就出糧。唯有希望即日開到戶T_T ...

你用緊邊間銀行
其實就黎上庭前5月10幾號果陣應該知邊個主任名、可以網上早d同佢申請定約時間解凍（綜合戶口無得解）我之前係咁做、個主任應該會打比你問

Dck89 · 发表于 22-4-2026 13:00:09

我舊年舉手既，匯x 就正令出左 1-2日先停

toughtough · 发表于 27-4-2026 15:13:08

Dck89 發表於 22-4-2026 12:55
你用緊邊間銀行
其實就黎上庭前5月10幾號果陣應該知邊個主任名、可以網上早d同佢申請定約時間解凍（綜 ...

我本身用痕生出糧架，交完表就去左永X開新戶口黎出糧。(要即日入一萬蚊落新戶口度)
諗住上完庭就拎開戶信試下去匯x 睇下比唔比我開~
佢會點樣通知我主任係邊個?會寄信定係會打電話比我同我講?

Dck89 · 发表于 7-5-2026 19:02:35

toughtough 發表於 27-4-2026 15:13
我本身用痕生出糧架，交完表就去左永X開新戶口黎出糧。(要即日入一萬蚊落新戶口度)
諗住上完庭就拎開戶信 ...

我無記錯差唔多上庭無問題應該早1星期會知主任係邊個你可以係破處打返你個編號搵佢個網有申請開戶既地方
佢收到申請會打比你你上庭前攪佢會話你未上庭你同佢傾可唔可以上庭果日下午搵佢其實佢地都好快手

		自动登录	找回密码
密码			註冊

尋日自己去交表舉手

浏览过的版块