話說約左今朝10點上李周傾生活費我單身, 同阿爸(63歲已退休)同住, 月入17.5k(未扣mpf), 阿爸物業
首先我9點前少少先去啟德稅務大樓地下, 去counter拎張飛仔, 同職員講想拎之前既入息紀錄 (參考師兄以前舊post, 我拎入息紀錄而唔係稅單, 入息紀錄記憶中無得上網拎, 一定要去啟德), 淨係拎左2425年度既, 5分鐘走得搭地鐵過去李周.
入到去李周, 全紅色設計, 殺唔殺氣騰騰睇你點睇;P. 同職員登記, 先聽個6 7分鐘錄音, 講下d條例. 聽完等見主任. 途中counter兩位姐姐電話不停響, 好多人打黎問野.
入房見主任, 跟我既主任係李+x主任, 循例講解番d規例, 一d都唔惡, 大家有傾有講, 李主任好客氣唔該前唔該後.
我帶左依家呢份工(上年5月入職)既糧單 僱佣合約 出糧時影低出糧的現金票 tu報告(tu app下載一年一次既免費版, 我print左黑白佢照收) 上年9月開始既mpf statement(6/10積金易開始運作, 所以上年10月之後既只可以登入積金易帳戶 cap圖print出黎, 問過 積金易好似今年5月開始先有pdf形式既mpf statement下載) 水電煤差餉單 上網費收據 nowtv月費單 交家用俾阿爸過數收據 2425入息紀錄 寵物睇醫生收據.
由於我申破前有堆新借既財仔數, 一開始申破時申報晒, 佢有特別問我呢樣野, 問舉手前個三個月借既錢點用法, 拎黎還債又好生活費又好過大海輸左又好, 寫番個list俾佢, 問左邊幾間借錢 呢d錢點用左 所以我需要睇番銀行statement影番d過數紀錄啊, 入錢俾財仔既收據, 砌番條數俾佢, 同埋去民政署宣誓.
最後入正題傾生活費, 我佢睇我寫既開支表, 睇水電煤差餉單, 其他所有上網電話費寵物醫療家用收據完全無睇, 計左一輪李主任問我上繳3k有無問題, 凡我還左一口價佢話搞唔掂我就ok了, 之前個7期未交既可以分36個月上繳, 簽字作實, 俾埋d年報我, 有加人工花紅時通知佢再傾, 俾埋個匯豐戶口號碼我 上繳用 每月入錢入去, 差唔多12點先走得.
|
狗仔卡
发表于 13-2-2026 00:04:40
提升卡
置頂卡
沉默卡
喧囂卡
變色卡
顯身卡