求意見，呢個困境纏擾左我好耐(複雜個案)

Tarik147

臨近30，衰賭(仲要主要係外圍)，好多都新數，特別係二線，一線有條大數仲要1期都未還過(10萬)

今日先6號已經收到追數電話(部份貸款已到期一個禮拜)，而我身家得返1000零蚊破唔到產

已交辭職信(唔想影響埋公務員同事)，但要月尾先走得人。呢段時間我預左比人瘋狂電話滋擾(9成會打埋比我屋企人同公司)

屋企人講過話已經1分1毫都唔會再幫我(好大機會趕埋我出街)，我月尾先有25k

呢種情況下，我應該點做好? 我有呢幾個方案

1. 轉工轉電話轉地址，月尾申請破產(14.5k)，然後拎10k出去酒店/賓館/劏房自己租住先，再拿拿聲搵另一份13-15k左右嘅工維持生計頂住先，但咁就兩頭唔到岸，填破產生活費時唔知點填，係咪應該填我租住緊嘅單位費用？但如果咁我話自己一個出去住，係咪就claim唔到供養佢地嘅費用?

2. 轉工轉電話轉地址，遲都遲了，新地址(租住物業)同新工返1個月先再申請破產(12月頭左右)

3. 直接唔破，純走數，9成會被告詐騙(雖然1-2都會但應該冇咁嚴重)，後果唔知，但坐監應該遲早嘅事?

4. 再絕啲，直接等一段時間儲夠1-2年錢去外國工作移民，順便再過多半年拎居住證申請提取mpf(果度有十幾萬，已經夠我重新去外國好好開始)，但應該9成唔得? 因為未出外國可能已經比人告+申請禁制令唔比人出境，就算出得切，返黎入返境時可能已經係閘口比人拉左

想諮詢各位經驗人士寶貴意見，而家非常迷惘，完全唔知點做好，因為我沒朋友，屋企同親戚都幾乎已經唔會再幫我，所以搬出去住+破產係已經既定事項咁滯

relaxhyper

公務員怕咩？可以照破產。唔要臉就得。辭職一樣會影響到同事，根本無分別，唔好同自己搵藉口，一走了之算點姐。生活費到時先搞，唔急，保留單據到時再傾。供養要批通常都係到退休年齡同無業，係咪同住唔係重點，照寫批唔批另一會事，批都唔會多。自己入學唔難，可以參考TU數，或者你睇供款表幾多，照填住先。詐騙有做過就水洗唔清，無得諗咁多，到時先算。居住證最快得大陸半年有，其他應該仲耐。如果係已知犯法，自己考慮返黎後果。好好簡單入學，收返封辭職信，有政府工繼續返，照扣生活費姐，好過去外國又唔知點生活。積極勇敢面對，其實唔難！值得有一個重新開始既機會。

Tarik147

relaxhyper 發表於 6-10-2025 20:43
公務員怕咩？可以照破產。唔要臉就得。辭職一樣會影響到同事，根本無分別，唔好同自己搵藉口，一走了之算點 ...

已經辭左了，唔想煩到佢地...照咁講你建議方案一?

relaxhyper

Tarik147 發表於 6-10-2025 21:02
已經辭左了，唔想煩到佢地...照咁講你建議方案一?

唔好理煩唔煩到，就算差佬都可以破產做文職，諗左自己工作生活先。始終都要生活，要有穩定收入，無工作穩定過政府工，宜家環境好差，你有技能就專業人士，無就得政府工，私人工要慢慢搵仲多野諗。上繳，生活費都係後話。諗清楚返咩工，大約要幾多收到再去搵。強積金頂到一時，但之後呢？都要搵野做...搞完入學努力搵工，市場平均搵工都要半年或以上。或者趁無工開，上技能班學野，仲有資助收，保留銀行戶口，轉眼又一兩年完左啦。

Tarik147

relaxhyper 發表於 6-10-2025 21:24
唔好理煩唔煩到，就算差佬都可以破產做文職，諗左自己工作生活先。始終都要生活，要有穩定收入，無工作穩 ...

破左產唔係已經比人凍結晒所有資金收入嗎? 得返生活費

Btw學野都可以抽一筆錢出黎用嫁咩?

konate1985

你父母咩年紀 依家有無做野先

Tarik147

konate1985 發表於 6-10-2025 21:54
你父母咩年紀 依家有無做野先

Both 60左右，已經供完樓，佢地已經退休沒做野

konate1985

"如果咁我話自己一個出去住，係咪就claim唔到供養佢地嘅費用"

應該係話到時會係睇你每月收入, 同必要開支去計出每月要上繳幾多. 另外依家以個人計, 根據師兄們回報通常都批到一萬俾你

Tarik147

konate1985 發表於 6-10-2025 22:04
"如果咁我話自己一個出去住，係咪就claim唔到供養佢地嘅費用"

應該係話到時會係睇你每月收入, 同必要開支 ...

假如到時我失業呢? 都可以claim到一個月一萬生活費?

konate1985

Tarik147 發表於 6-10-2025 22:13
假如到時我失業呢? 都可以claim到一個月一萬生活費?

如果失業, 好大可能每月唔洗點上繳, 至於你既生活費點開飯搭車就自己搞掂, 朋友又好家人幫手又好 ;P

Tarik147

konate1985 發表於 7-10-2025 11:58
如果失業, 好大可能每月唔洗點上繳, 至於你既生活費點開飯搭車就自己搞掂, 朋友又好家人幫手又好  ...

呢個情況每個月所得到嘅家人/家居生活費用補貼經啦經自己手? 係咪現金? 如果經自己手就冇呢個concern唔夠洗了????

Tarik147

Tarik147 發表於 7-10-2025 13:08
呢個情況每個月所得到嘅家人/家居生活費用補貼經啦經自己手? 係咪現金? 如果經自己手就冇呢個concern唔夠 ...

表達符號變左多個問號，請無視 ????

mirror0822

可以租工廈劏房好平

Tarik147

mirror0822 發表於 7-10-2025 19:28
可以租工廈劏房好平

洗唔洗簽一年死約果啲?

konate1985

如果頒令時係無業 根本拎唔到破處封信去銀行開戶口？記憶中好似係，有無師兄可證實

Reborn818

konate1985 發表於 7-10-2025 21:09
如果頒令時係無業 根本拎唔到破處封信去銀行開戶口？記憶中好似係，有無師兄可證實 ...

係，我頒令個日打俾主任（當時已知直接外判，但未知係邊個），當時係無工作，但已有offer 只係諗緊簽唔簽，主任都話要有工作證明或有政府津貼要收，先會出開户口信。

konate1985

Tarik147 發表於 7-10-2025 13:08
呢個情況每個月所得到嘅家人/家居生活費用補貼經啦經自己手? 係咪現金? 如果經自己手就冇呢個concern唔夠 ...

所以你失業情況下根本都開唔到戶口，其他任何野一定係現金。不過你唔係話屋企人唔會幫妳咩？

Tarik147

konate1985 發表於 7-10-2025 21:51
所以你失業情況下根本都開唔到戶口，其他任何野一定係現金。不過你唔係話屋企人唔會幫妳咩？ ...

Sor我表達得唔夠清晰 係指供養父母的費用+其他水電煤費

會以現金形式到我手中嗎?

konate1985

Sorry 唔明，呢D費用點樣現唔現金到你手？？

Tarik147

konate1985 發表於 7-10-2025 23:18
Sorry 唔明，呢D費用點樣現唔現金到你手？？

失業嘅情況下破產官批嘅錢係咪可以每個月由本人直接取走? 鍾意點用都得? 批左嘅話係咪就唔洗比收據果啲做證明，可以自己儲起呢筆現金?