衰爛賭想舉手破產，破產原因可以點寫，求教各位大大

Chai

2024年婚姻失敗，畀藉口自己越賭越大，借銀行網上銀行債冚債，欠百五六，就黎頂唔住，想舉手破產
無知一問，破產原因，點寫好，寫投資失利？馬會戶口有紀錄會唔會查到

Chai

Reborn818 發表於 3-9-2025 17:20
如果無做生意，只是一般打工人士，破產理由寫賭博無問題的，但當然你要有證據，你真係因為賭博而導致財務惡 ...

近排諗住舉手，重新做人，開始搵資料，上網就見到有條法例話因為賭博而導致未能還款有機會被起訴，先嚟問下各位，感謝師兄回覆
，我有炒牛熊證，賭博，都係嗰啲啦，都係爛賭，咁如果寫爛賭都冇問題，咁我就唔驚了，銀行啲數我全部都供咗超過三個月，全部都唔係min pay，所以頂唔住了

timmoz

馬會紀錄當然查到,要交7年紀錄上去,寫返真實原因,提供假資料會被檢控留案底。

may_may

你係咪有d都係新近新申請的信用卡或財仔貸款帳戶？

Chai

之前全部一線數,近期無申請任何野啦

may_may

Chai 發表於 3-9-2025 16:03
之前全部一線數,近期無申請任何野啦

咁應該都可以放心, 我親人而家都唔敢破住因為新近請左好多..

Reborn818

如果無做生意，只是一般打工人士，破產理由寫賭博無問題的，但當然你要有證據，你真係因為賭博而導致財務惡化。
寫投資無問題，當破產署要理解話時，你攞啲乜嘢俾佢睇證明你真係投資？

Reborn818

Chai 發表於 3-9-2025 18:14
近排諗住舉手，重新做人，開始搵資料，上網就見到有條法例話因為賭博而導致未能還款有機會被起訴，先嚟問 ...

其實如果你唔係做生意，唔會引用到呢條法例。

133.破產人因賭博等而有罪
(1)任何人如已被判定破產，而該人曾從事任何行業或業務，並在破產令的日期尚未清償在經營該行業或業務的過程中招致或因該行業或業務而招致的任何債項，則在以下任何一種情況下，該人均屬犯罪 ——  (由1991年第50號第4條修訂；由1996年第76號第65條修訂)
(a)在有關破產呈請提出之前2年內，其賭博或所進行的輕率而冒險的投機活動增加其無力償債的程度，或是促成其無力償債的重要因素，而該等賭博或投機活動與其所從事的行業或業務並無關係；或
(b)在有關破產呈請提出當日與破產令的日期之間，他因上述該等賭博或輕率而冒險的投機活動而損失其產業的任何部分；或
(c)
如於任何時間或在法院對他進行公開訊問的過程中，破產管理署署長要求他就其產業在緊接有關破產呈請提出當日之前的1年內或在該日與破產令的日期之間所招致的任何重大部分的損失作出交代，而他並無就如何招致該等損失作出令人滿意的解釋︰
但在決定任何投機活動是否就本條而言屬輕率而冒險時，須考慮被控人進行該等投機活動時的財務狀況。 (由1996年第76號第65條修訂)
——————-///-
如果到時舉手後，破署問你金錢流向，你咪直接話俾佢聽輸喺邊，啲錢證實真係輸咗跟到就冇問題。

Chai

萬分感謝，reborn 師兄

Qzmp123

Reborn818 發表於 3-9-2025 18:47
其實如果你唔係做生意，唔會引用到呢條法例。

133.破產人因賭博等而有罪

師兄知唔知網賭可以點舉証？ 同埋 係咪會頒臨令或呈請左就會凍結全部acc 因為我出緊糧個個acc 有牙印～ 爬過文 係咪轉第二間出好d 如果唔係渣都冇

Reborn818

Chai 發表於 3-9-2025 19:22
萬分感謝，reborn 師兄

唔使客氣，祝一齊順利

Reborn818

Qzmp123 發表於 3-9-2025 23:58
師兄知唔知網賭可以點舉証？ 同埋 係咪會頒臨令或呈請左就會凍結全部acc 因為我出緊糧個個acc 有牙印～  ...

網賭係你戶口有過數記錄，你舉手前最好download返晒你啲月結單，到時留返解畫之用。
臨令後你有牙齒印既銀行，基本上好快就會凍結，如果冇牙齒印嘅一般都可以捱到頒令。所有銀行戶口頒令後三日到兩星期，會全部凍結晒唔用得。
你出糧個戶口有牙齒印，我諗你安排下點搞，渣都冇就唔會，不過凍結咗要解，就麻鬼煩

a981142

咪寫輸哂，大把人係咁，無還過照破得，極少會告

may_may

Reborn818 發表於 3-9-2025 17:20
如果無做生意，只是一般打工人士，破產理由寫賭博無問題的，但當然你要有證據，你真係因為賭博而導致財務惡 ...

師兄, 唔好意思, 又黎麻煩你, 有一個重要問題想聽你的意見, 就係申請貸款戶口時我親人填現金糧, 財仔同銀行當時冇要求她提供薪金或工作證明, 咁而家幾個月後破產又失業, 債權人會唔會經主任要求她提交番當時申請貸款時所填寫就業資料及收入證明是否正確, 提供唔到會告欺詐？ 因為由申請至破產的時間太短...

Reborn818

may_may 發表於 4-9-2025 22:14
師兄, 唔好意思, 又黎麻煩你, 有一個重要問題想聽你的意見, 就係申請貸款戶口時我親人填現金糧, 財仔同銀 ...

如果債權人覺得破產人屬詐騙，已經唔會通知破產署主任（因為根本完全唔係佢哋要管嘅範疇），如果財務機構，佢哋認為夠料，會係直接報警。

timmoz

may_may 發表於 4-9-2025 22:14
師兄, 唔好意思, 又黎麻煩你, 有一個重要問題想聽你的意見, 就係申請貸款戶口時我親人填現金糧, 財仔同銀 ...

要睇返當事人有無俾假資料誤導財務機構批數，不正當獲益獲得財產，虛假文書，基本上3個月內拉人封艇，通常無得保釋。財務機構會分析，放款同破產時間既合理性，申請表內容既真確性例如僱主名係咪鳩填，收入係咪老作，搵到位入佢，就唔會通知解釋直接搞。應該問返佢填既野有無老作先岩。

Reborn818

may_may 發表於 4-9-2025 22:14
師兄, 唔好意思, 又黎麻煩你, 有一個重要問題想聽你的意見, 就係申請貸款戶口時我親人填現金糧, 財仔同銀 ...

告唔告到我唔夠膽講，但其實一般一線債權人好少有呢啲動作，但如果係銀行級別嘅財務機構報得警，基本上係一定夠料做，唔會係黑財單純報警玩你嗰啲級別了。

may_may

Reborn818 發表於 4-9-2025 22:51
告唔告到我唔夠膽講，但其實一般一線債權人好少有呢啲動作，但如果係銀行級別嘅財務機構報得警，基本上係 ...

唔該師兄. 其實而家距離之前最後一筆貸款剛剛過了3個月, 明天就可以去舉手了, 但由於該些銀行信用卡及一線財是新申請的(全新戸口), 咁好唔好再等多3個月才舉手會好些？但我親人接住黎果幾個月已經冇能力再供款, 就等銀行及財仔交收數算吧, 目的是盡量延長舉手日期,即是: 新申請貸款（5月）,已供第一期（6月）,已供第二期（7月）,已供第三期（8月）,唔供（9月）,唔供（10月）,唔供（11月）,舉手（12月）,如果12月先舉手（但呢幾個月再還唔到了）, 會唔會都比明天去舉手好一些？謝謝師兄

waikit_8

見到個post都想請教, 我本身自僱

waikit_8

waikit_8 發表於 9-9-2025 09:41
見到個post都想請教, 我本身自僱

因為賭博而令到本身個業務債務負荷超標，
亦有因為生意上週轉唔到而借貸, 是否都要如實上報？