唔知破唔破產好，請各位俾下意見????????

想破產，煩 · 发表于 2-9-2025 16:15:52

20年前喺安X，恆X，大X，3間私人借貸，分別都仲有2萬幾未還，另外仲有恆X卡數1萬，加X士油卡6千幾，和X電話費1千幾未還，甘多年黎只有安X不停追，亦試過搞上小額，我無去，都無錢搞破產，到依加都仲有寄信黎。
走數後一直都係住圍村，亦有喺大陸住過，最近因為排公屋度有消息見主任，而且小朋友亦開始返學，怕入住公屋之後會有人上門搞到連公屋都無埋，所以想破產，但我見好多師兄師姐都話破產令未有前都會上門追，我怕嚇親小朋友，所以依加都15，16，唔知點好，求大家師兄師姐俾下意思，感謝????

timmoz · 发表于 2-9-2025 17:06:11

無得唔搞破產了，條數宜家隨時滾到幾十萬，人地唔會咁易放過你，上門追間間都會，過左期咁耐，放心唔會影響到公屋，佢地最多會同你免費上色。最緊要面對，唔好攬埋小朋友燒炭。

想破產，煩 · 发表于 2-9-2025 17:09:20

上色都夠嚇親小朋友

timmoz · 发表于 2-9-2025 17:16:43

想破產，煩發表於 2-9-2025 17:09
上色都夠嚇親小朋友

睇你差個都似正常公司，唔多會去到咁盡。不過，拍門上門基本野都預左有，你地爛命一條，其實有咩好驚，反正都破，儘快搞派張正令俾佢全部停手。

失控的人 · 发表于 2-9-2025 17:21:32

你冇可能會通知債主新地址啦，唔講應該追唔到上屋企，其實加埋你欠債幾多？

想破產，煩 · 发表于 2-9-2025 18:02:48

失控的人發表於 2-9-2025 17:21
你冇可能會通知債主新地址啦，唔講應該追唔到上屋企，其實加埋你欠債幾多？ ...

可以唔報依加住果度？
果陣加埋欠唔夠10萬

金龍華 · 发表于 2-9-2025 18:25:40

家陣條數係幾多都唔知，點填表？

想破產，煩 · 发表于 2-9-2025 18:36:29

金龍華發表於 2-9-2025 18:25
家陣條數係幾多都唔知，點填表？

20年啦，無去查過，正常都唔知條數有幾多，如果破都係諗住揾6c

失控的人 · 发表于 2-9-2025 18:42:17

想破產，煩發表於 2-9-2025 18:02
可以唔報依加住果度？
果陣加埋欠唔夠10萬

可以呀，有C兄出去租信箱報地址，至於你欠債嘅銀行唔會知你新地址，點上來追數呢？

想破產，煩 · 发表于 2-9-2025 18:43:38

其實我都想知破產既流程係點，我見又要開户口，又要填年報，其實我揾6c搞，會係點，請各位解答

hkjames · 发表于 2-9-2025 19:03:23

我覺得勇敢面對

Reborn818 · 发表于 2-9-2025 19:10:19

先上環聯dl個報告落嚟睇吓咩料，講真如果你肯定你將來唔會有遺產承繼，唔走都走咗咁耐，使咩理佢。
公屋又點？佢哋無啦啦又唔會搵到你，當初條數咁細宜家無啦啦碌到咁大走去破產，我覺得攞自己嚟玩囉。
破產後，你所有嘅生活費會由受託人批，扣除你基本嘅生活開支，全部都要上繳俾佢哋還債，銀行戶口只可以得一個儲蓄俾你出糧用，為咗咁少錢，我諗你諗清楚比較好。

想破產，煩 · 发表于 2-9-2025 19:22:47

Reborn818 發表於 2-9-2025 19:10
先上環聯dl個報告落嚟睇吓咩料，講真如果你肯定你將來唔會有遺產承繼，唔走都走咗咁耐，使咩理佢。
公屋又 ...

當年都差唔多10萬，甘多年到依加，其中安X到依加都仲有信寄黎，條數計埋收數共8萬幾，我相信其他都差唔多，應該幾間加埋都應該有30，仲未計一張卡數，至於公屋係我做申請人，所以羅公屋都會係我做户主，如果房處可以俾我老婆做户主就無甘煩

Reborn818 · 发表于 2-9-2025 19:34:55

想破產，煩發表於 2-9-2025 19:22
當年都差唔多10萬，甘多年到依加，其中安X到依加都仲有信寄黎，條數計埋收數共8萬幾，我相信其他都差唔多 ...

做戶主又點？咪成日覺得啲收數咁神通廣大，我識人走咗數成十幾年，之前住公屋同屋企人一齊住，屋企當然俾啲收數搞到雞毛鴨血，後來以屋企人身體為理由（行動不便），要求調去低層（結果佢調咗去同村但另一幢大廈嘅低層），如是者一直走數完全無債權人搵到佢（佢條數大你好多）。

迷途小子CKH · 发表于 2-9-2025 22:04:42

每次一有入就一定會話人地收數同你免費上色搞硬你架
講到咁黑心仲要話唔好走去燒炭
真係笑死人

Reborn818 · 发表于 3-9-2025 08:40:51

迷途小子CKH 發表於 2-9-2025 22:04
每次一有入就一定會話人地收數同你免費上色搞硬你架
講到咁黑心仲要話唔好走去燒炭
真係笑死人

根本就係病態，慣性亂鳩咁噏。
條白痴一天到晚，作埋呢個嘅口業，終歸實自己受返。

a981142 · 发表于 3-9-2025 08:54:59

咁多年唔還都唔凍結你户口，香港真係走數天堂，破啦，反正你都係唔還，斷左佢唔好煩

maggie_maggie · 发表于 3-9-2025 08:59:36

我上網睇過,房屋署,都會幫助破產人士,所以唔洗驚無左間屋,不過你唔想有人煩你,就破左佢......反正你都唔還

danzighill · 发表于 3-9-2025 14:42:45

a981142 發表於 3-9-2025 08:54
咁多年唔還都唔凍結你户口，香港真係走數天堂，破啦，反正你都係唔還，斷左佢唔好煩 ...

爭錢又唔係刑事，又唔係欠政府錢
只要戶口唔係欠款銀行，有乜權凍戶口?

timmoz · 发表于 3-9-2025 15:22:45

danzighill 發表於 3-9-2025 14:42
爭錢又唔係刑事，又唔係欠政府錢
只要戶口唔係欠款銀行，有乜權凍戶口? ...

有權凍，申請資產扣押令即可，全港名下資產包銀行戶口即刻凍結。

		自动登录	找回密码
密码			註冊