詐騙

tang0990

本人衰賭過大海
有三條新數一期都未還走去舉手
其中一間Ub今日打黎
我同佢講搞緊破產 佢話會告我詐騙。
想問下如果去入境事務處申請出入境紀錄有冇用？

timmoz

無用架，唔好當人傻，財仔數都想棟，睇返合理性同時間性，睇得出存心詐騙。人地龐大法律團隊唔怕你，知道拎唔返錢一定搞你留案底坐監。每人都要為自己既野負責。唔好學人話過大海就無事，拎出入境紀錄就肯定無事，有呢d思維死硬。

lewiswkf

唔洗理 有臨時no email比佢地

aeiou

告你詐騙唔係咁簡單，要證明好多嘢唔係咁容易告

失控的人

佢告你要有充分證據，又要俾律C費，告唔入就偷雞唔到食渣米

Reborn818

其實唔單係UB，一般新數一期都未供過，好多間都會係咁講，要入罪詐騙門檻很高，而且財務機構付出成本也高（當然你條數勁大又另計）
其實如果你舉手，你搵定證明，你錢係咪真係輸左同破署解畫好過。（基本上一定搵你）

唔好再賭

你一期唔還 財仔點都會經程序搵警察告你詐騙
CID會預約拘捕同埋搜屋
帶定2000做保釋 無就拗數
之後送你去警署錄口供 打指紋
你搵律師/乜都答無野好講

等警方查你一年半載
同搵律政司尋求法律意見
你就會每個月保釋 起碼半年

有事就會落案起訴
無事就正常無條件釋放

may_may

Reborn818 發表於 15-8-2025 20:12
其實唔單係UB，一般新數一期都未供過，好多間都會係咁講，要入罪詐騙門檻很高，而且財務機構付出成本也高（ ...

師兄, 咁樓主呢個情況, 你認為值唔值得比多d錢, 請個律師教埋佢點同主任對答, 還是請3姓就可以？但3姓收正常價應該唔會咁貼身教..

may_may

唔好再賭 發表於 16-8-2025 09:34
你一期唔還 財仔點都會經程序搵警察告你詐騙
CID會預約拘捕同埋搜屋
帶定2000做保釋 無就拗數

咁如果連續有還3期min pay係咪財仔就應該唔會報警？

Reborn818

may_may 發表於 16-8-2025 09:53
師兄, 咁樓主呢個情況, 你認為值唔值得比多d錢, 請個律師教埋佢點同主任對答, 還是請3姓就可以？但3姓收 ...

基本上，如你新數一期都無還過或只還過一兩期，好多間都＂話＂會告你詐騙，但其實樓上仁兄所講情況一般只係會出現喺啲二三線電話數，正規財務除非你申請貸款是假地址又假工作證明等等，咁就佢哋有機會報警去告你。而家樓主又未俾人告，搵律師做咩？真係俾人告到時先搵吧。
其實你哋係咪誤會咗破產律師嘅角色？搞破產嗰啲律師指係一般事務律師，簡單嚟講，即係你樓宇買賣結婚見證果類，如果有咩刑事起訴，佢哋唔會幫到你任何事情，佢哋亦都冇資格去代表你上法庭打官司。
所以已經唔係值唔值得，你去晒錢搵律師教你去同破產處主任解畫，而根本佢嘅角色，只係幫你填表申請破產，其他旁門左道嘅嘢，正式嘅律師樓根本唔會教你任何嘢，好似樓主一期都冇還過，根本人哋三姓生意都未必唔會接佢。
所以唔係話你哋，有時真係唔好咁天真，以為嗰啲所謂破產顧問，可以教到你任何嘢，同你講埋啲廢話教你點點點然後收到你貴貴，嗰啲我百分百可以肯定唔會係律師，只係係律師樓一個工作嘅文員仔，唔會稱呼佢哋係師爺，因為通常喺法律界叫師爺嘅只係幫人打刑事嗰堆。
所以我覺得唔好嘥錢，破產嗰陣時搵埋啲咩濕鳩破產律師諮詢（正正常常一個幫你文件搞破產嘅就可以），其實破產主任到時要解話，只要你有齊證據俾佢就得，你搵邊個律師，佢講嘅嘢都唔會係有咩大分別（如果佢係正常唔係呃錢嗰堆）。如果有咩事，真係俾人刑事控告留返錢嚟打官司好過啦。

Reborn818

7樓所講嘅情況，我之前都有講過，不過一般只係會出現喺黑財二，三線，正規財務除非你申請嗰陣時係涉及虛假文書，一般甚少發生。

Reborn818

may_may 發表於 16-8-2025 10:00
咁如果連續有還3期min pay係咪財仔就應該唔會報警？

簡單黎講，你係唔會用錢請到一個＂律師＂去教你點樣同主任對答，出邊嗰啲亂噏廿四嗰啲只係一般文員啦（仲要好多係一線財務做過嘅文員仔）
我開始明白點解，咁多人會仲介圈套了，佢哋啲語言偽術咁勁，一般人又冇乜法律常識，以為佢哋噏埋啲，旁門左道真係可以幫到佢哋，唉。

唔好再賭

Reborn818 發表於 16-8-2025 10:26
7樓所講嘅情況，我之前都有講過，不過一般只係會出現喺黑財二，三線，正規財務除非你申請嗰陣時係涉及虛假 ...

如果有（準）債仔不幸被捕 請唔起錢搵律師
自己一個面對警察
全程唔講嘢 因為警察聽到都可以當供證

到錄口供紙除咗係要答啲基本資料
例如叫咩名
份證供係邊個寫
身體適唔適合錄口供 （唔適合就坐爆48)

問你案情一律答無野好講
之後等打手掌 影mug 交保釋金

記住保持緘默係被捕人權利
講多絕對係不利被捕人

Reborn818

唔好再賭 發表於 16-8-2025 11:23
如果有（準）債仔不幸被捕 請唔起錢搵律師
自己一個面對警察
全程唔講嘢 因為警察聽到都可以當供證

哈哈，同我講做咩？
老實講，我先唔會做啲咁嘅傻蠢事（新數一期都未供過走去老破）
其實一般都係簽保一年半載，就收工，刑事控告詐騙入罪，你估真係咁易咩。（如果冇牽涉虛假文書）

timmoz

may_may 發表於 16-8-2025 10:00
咁如果連續有還3期min pay係咪財仔就應該唔會報警？

唔關事，報警都無成本，佢地係想搞就搞。有d財務講明拎數後6個月定1年內搞，必定報警。

timmoz

唔好再賭 發表於 16-8-2025 11:23
如果有（準）債仔不幸被捕 請唔起錢搵律師
自己一個面對警察
全程唔講嘢 因為警察聽到都可以當供證

正確，口供係極重要，認左就返唔到轉頭，自證犯罪已經牌面上輸哂，只可以準備求情。

leo1234

有朋友試過借左新數志去破，幫佢搞破D人叫佢還幾個月先，唔係好危險會比人告

konate1985

hkiva.org/forum.php?mod=viewthread&tid=28852

之前有師兄分享過同樣經歷

may_may

Reborn818 發表於 16-8-2025 10:17
基本上，如你新數一期都無還過或只還過一兩期，好多間都＂話＂會告你詐騙，但其實樓上仁兄所講情況一般只 ...

你識好多野, 師兄唔該哂您:) 我同親人而家睇緊近半年黎每一項支出, 睇吓到時點解畫..

may_may

Reborn818 發表於 16-8-2025 10:45
簡單黎講，你係唔會用錢請到一個＂律師＂去教你點樣同主任對答，出邊嗰啲亂噏廿四嗰啲只係一般文員啦（仲 ...

謝謝提醒, 我會小心揾律師了, 以免受騙. 師兄你提到話佢地d文員好多係一線財仔出身, 係刻意請財仔出身的? 有什麼特別原因?