生活費

yychu

我已經入咗學2年，今年搵到份工，得$10000/月，主任要求我交$3000，生活費只有$7000????
基本上實際支出都唔止，但佢全部都唔理亦冇價講⋯
好奇一問，點解D師兄們可以只交一千幾百????

失控的人

你使唔使交租？屋企水電煤邊個出？傾唔掂米辭職量地官搵現金工，好多C兄唔肯簽名唔妥協架

Reborn818

你跟破署主任？一般主任好少甘緊的。不過假設你年紀唔大，破產前三年一直有正常工作（例如萬六七到兩萬），入學後報失業（我唔知佢有冇追過問你原因點解唔搵嘢做），兩年後同佢講你而家搵10,000。咁佢就已經覺得呢兩年內冇收入都生活到啦，而家比$7000你又點解會生活唔到？
其實生活費同上繳多少，呢樣嘢要睇好多因素的，不過就正如樓上同學仔話齋，你覺得唔滿意覺得佢離譜你咪唔好簽囉，睇吓有冇得拉鋸R多啲。

yychu

我係跟外判，破產前有工作，破產後失業，每月靠家人資助。屋企要交租、水電煤等，基本上收入都唔夠支出。冇收入生活到啫，但家人變相辛苦左，因為比埋我個份，之前決定老破就係唔想連累屋企人。基本上主任唔係從我生活費需要幾多而計，佢係直接要求我上繳幾多，之後剩返D數先分散填落去！水電煤稅又唔係按實際單據計，係睇佢鐘意比幾多我就幾多！已經講到冇晒道理

Reborn818

睇款應該跟小周周或加石吧，你債權人指定佢地做你託管人，佢地就係要儘量要你上繳（還錢），其實佢哋角色就係幫債權人追數。
佢接你單生意時，諗住有利可圖，但你竟然玩唔做野（變咗白做），而家你有收入，佢當然唔會放過你。
其實你覺得唔合理就唔好簽、見面或講電話時就錄音，佢哋點會同講道理，咪傻，一係同佢撐，一係唔想煩當俾乞兒，睇你自己選擇。

wclun

你跟邊間..
唔合理可以唔簽
最多都是花幾日時間上庭待法官
但期間你要找定資料上庭用..
例如 水 電的費用
返工車費.你工作地點的野食花費等。

OMG0503

我想問下簽左係未就無得改？

timmoz

OMG0503 發表於 4-9-2025 22:45
我想問下簽左係未就無得改？

都要受託人同意，人地唔同意既話，改西咩