宣誓了，未有no: 點應付財務公司

細膽小姐

已經交左比律師處理破產，律師都已通知安X財務，已申請破產。但安X話唔接受，要有正式文件先算申請左破產。今個月已過還款日期，安X話轉交收數公司。請問有冇人知道安x 搵人收數係點架？

Chau0622

直接同佢講已經申請緊 佢再追你都係咁答 冇野做到

Reborn818

追你個律師樓嗱嗱聲同你搞掂好過，做嘢慢吞吞，宣誓後佢哋走去高院搞就即刻有Number啦

timmoz

上屋企上公司搞事，拍門搵人傾債務，大字報

aeiou

我睇過之前有師兄講過呢間有臨時令都會停，所以都係盡快攞咗個Number先

lung916

親身經歷分享下
我欠下5-6間 財仔 何共約百幾萬
我係6月頭申請破產！係頭一個星期我因為有一間一期都未找過數，所以就聽佐佢地電話！佢地一論又話告我，又話唔接受破產！唔洗一日轉交佐比收數
收數第一次打比我，要我點都要還一兩期，我話無，佢就話我玩野(開頭我都好客氣同佢道歉搞到咁我都唔想，跟住佢地一未係到話我扮野)
跟住就話咁上我屋企問我屋企人扲，同埋搵街坊幫我找囉！
我答佢地肯或者有我就唔洗破啦，跟住又話唔只等得佢一間收數搵我，就睇下我頂得幾多間！跟住我都廢事同佢講，答句好之後就直接cut 線
其後我一次電話都無聽，但當然我有將臨令send 哂比所有債權人！(我係律師搞，但我每一間都有send what app過去)
佢地有打過1次比我既家人，但我家人話唔識我，反吊返佢，佢地就話我係周圍呃錢想睇下識唔識我依個人，叫佢地小心d姐！
跟住公司頭一星期打過2次，公司話我無做就無下文啦
跟住依兩個月入面，真係收數既大約每星期打2-3日，每次3-4次來電比我，我一個都無聽到！佢地都無留言
其他好間唔時間中就有借貸既公司錄音留言，寄信轉交收信就有2封！無上過門，無去過公司
成個流程就係咁，如果你聽timmoz 依位人兄講，你真係會心理壓力好大！我初頭就係因為咁我都好驚(好彩睇返Reborn818師兄平衡返個心理)，事實就係佢講d咩大字報呀，上公司屋企玩野呀，根本唔係欠下3線或者電話數就唔會出現！
萬一真係有收數亂黎，你咪係屋企門口裝cam 每一次聽電話，就開錄音(一定要比對方知你開咁)
祝師兄盡快解決

CKC

律師應該有臨時令NO.先會通知安X財務，正式令無咁快出，安X講話轉交收數公司，你問清楚律司是否已出臨時令NO，叫佢WHATAPPS個臨時令俾你先，你再同安X講臨時令NO巳經出左我就唔可以還款，還款係違法行為，佢轉交去收數公司，你就話必定會去報警同寫信投訴佢。

Reborn818

lung916 發表於 22-7-2025 15:40
親身經歷分享下
我欠下5-6間 財仔 何共約百幾萬
我係6月頭申請破產！係頭一個星期我因為有一間一期都未找過 ...

其實真係除咗黑財電數真正大耳窿之外，有正常放債人牌照既，今時今日咩社會咩世界，周街車can監控，自己喺門口裝隻又平又清（之前有同學仔分享過，喺門口攝信都縮吓縮吓想避開個鏡頭，笑x死），班收數夠膽做啲咩出嚟啫，最叻咪打下電話WhatsApp，寄下信俾你，如果公司個邊處理到，屋企人又已經知道，根本全程電話都唔使聽佢，正宗理柒佢。

細膽小姐

多謝大家回答我問題☺️

細膽小姐

因為唔想比屋企人知道破產。所以好擔心比人上門追數。

timmoz

細膽小姐 發表於 23-7-2025 00:05
因為唔想比屋企人知道破產。所以好擔心比人上門追數。

一定會知架喎，追數都會上門派信，唔一定郵寄。坦白就得無野好怕。反正都係最後一步。

細膽小姐

就係呢一步，我都唔想發生。想安全渡過呢4年

Reborn818

細膽小姐 發表於 23-7-2025 11:09
就係呢一步，我都唔想發生。想安全渡過呢4年

唔使理條傻人講咩。
總之你催律師樓，等佢嗱嗱聲俾個臨令號碼你，然後即刻俾兄弟帳務部，只要佢哋肯定收到，就唔會再追數。

細膽小姐

已經日日吹律師果邊啦！佢話入左紙。今日有文件，會即刻俾兄弟。

Reborn818

細膽小姐 發表於 23-7-2025 11:40
已經日日吹律師果邊啦！佢話入左紙。今日有文件，會即刻俾兄弟。

係就好，其實律師樓嗰度填好晒文件你又已宣誓，搵條文員去高院存檔，已即刻有臨時號碼啦，d 友真係唔知點做野。

乂紅眼

我又係琴日頒佐令，我有幾間財仔, 但不幸地有一間上佐門，其他無事都係打下電話, 唔聽就可以 我初頭都諗咁同唔同屋企人講,驚佢地擔心又驚佢地心理感受, 但諗佐幾日,最終決定同佢地講,原因係 1, 我唔係做傷天害理既事,我只係理財不善 2,我選擇破產,唔係逃避,而係想盡快解決重生,再好好為未來努力 既然都係一家人,點解唔可以坦白,萬一真係有收數上黎,起碼佢地唔會嚇親先 講返上門過程: 當日下午3點幾,我聽佐收數電話, 佢地話我無錢就上門問我屋企人鄰居扲, 勞師動眾浪費人力物力上門黎搵我唔會撲空走,我叫佢唔好哂資源,唔會有,佢就(空)我叫睇下點, 跟住同日夜晚8點幾 (當時播緊愛回家) ,真係有2個人上黎拍門,我屋企人即時開門口CAM射燈射住佢地(驚佢地睇唔到咁) 一打開門見到我就話係收數叫我還錢，我話我申請破產中, 真係無 ！佢地講返同樣既說話大我,我叫佢咪走去拍我鄰居睇下佢幫唔幫我還囉,幫到就好我可以取消破產，跟住我都懶得理佢,跟手關門, 佢地就係門口正常聲線叫我全名,借錢唔還之類 (唔係叫得好大聲,鄰居佢地一間都無拍過門 得把死人口) 大約1MIN 左右保安上黎，佢地放低封信就走！跟住就無哂下文 ,電話都無過，直到我有正式頒令

Hellohello521

想知道係邊間財仔？

timmoz

乂紅眼 發表於 23-7-2025 13:13

陸續有來，下次可能會升級，不過唔會打人淋油，都係基本騷擾俾壓力你。所以咪話某d人話一定唔上門肯定係流料，同埋未必只係擺信，果d人做得收數就唔怕同你玩大佢，可能再大聲d俾你街坊知。

kikij

乂紅眼 發表於 23-7-2025 13:13

你咩財仔黎 咁勞師動眾

乂紅眼

timmoz 發表於 23-7-2025 15:23
陸續有來，下次可能會升級，不過唔會打人淋油，都係基本騷擾俾壓力你。所以咪話某d人話一定唔上門肯定係 ...

學r師兄講，你都on9 ,咩陸續有黎？睇到我講已捱到頒令嗎？睇到我講佢地見有cam無大聲叫嗎？睇到我講佢一間都無拍門嗎？睇到我講已無哂下文嗎？你唔好將我既經歷恐怖化！由頭到尾都係似個陌生人上屋拍門做問卷咁！