又到交年報表

life_hopefuture

想問大家意見。。。
本身破產後一年幾以來都報無業，今年是第二年交年報
上年被李周反駁點解可以係先生供養（因為佢都係破產身份）於是逼我要搵工（未破前因做生意，我老公幫我報稅填我好高人工，實情係我未試過做過一份正職）。後尾我解釋要湊小朋友，同埋小朋友有些心理問題成日返唔到學，所以我返唔到工。 跟住佢要我交小朋友殘疾報告（無理取鬧，牛頭唔搭馬嘴）。我決定不理會email 回覆，直接打去李周搵負責我case的主任，後尾主任聽我話已經交了醫生紙但email 位同事唔收貨，一定要我交政府醫療報告，主任就話你未同佢講無囉，提交唔到囉，跟住問我先生有無做嘢，我話有後就急急收線不太想再跟進。

一開始email 位同事恐嚇會延我和我先生期，又提出各種荒謬要求，令我寢食難安。
後尾經過同主任的對答才知道同一間D 員工可以各自為政咁。件事就完結了。

到今年第二年又要交表了，問題係上年我先生填錯了我的收入係佢比我的（家用），其實是錯的，他不應該將家庭開支寫落我度。

咁我今年是1:繼續寫失業，然後填我媽資助我的洗費比較好？
還是2:求其填一份幾百蚊的補習糧（一個月大概1200，唔stable），出現金

我現在就是怕填補習糧反而仲惹來麻煩
但填我媽資助佢又會吵我唔做嘢，（不過我前排有叫政府醫生開了張證明，清楚寫住我小朋友有anxiety problem）

所以想請教下大家覺得填阿媽資助生活開支好D？
還是填有一個月1000多d補習收入好D 呢？（for自己食同交通only）
????

外圍撚

我係你就填失業 事實亦都係失業 到時講野都大聲d 如果你填假 補習。到時你比人問到口窒窒。除非你作故仔好叻

外圍撚

其實你地係咪太善良？ 我都係報失業。佢地都無迫過我搵工。除咗第一次會見，電話都無。

最後生還者

冇端端寫補習，笑L死

life_hopefuture

不是老作補習，而是最近真係找了份補習做

timmoz

假失業，主任外判最鍾意咬住，完全唔合理，唔搵工就迫你一星期上去幾次解釋