非常焦慮 DRP/IDRP一問

watsonsbab

各位師兄師姐，好多謝大家係呢個網站分享左好多自身申請idrp/drp既經歷，呢兩日我都爬左好多文章，不過仲係有少少野想問下大家，希望可以比到意見我。

首先，我係衰賭牛熊搞到累積左一筆好大既債務，原本我無任何借貸，只係靠自己每月收入買少少股票，後來股市大跌，蝕左好多，突然4年幾前渣x一個電話打黎話有筆低息貸款可以借比我備用，我貪勝不知輸，攞左筆錢黎首先買窩輪—>輸晒又買牛熊諗住追返條數。如是者，呢幾年不斷咁借新錢+月結單分期，成日諗住可以透過買牛熊可以每日賺返一千幾百咁找卡數，結果當然係搞到而家咁泥足深陷。近呢幾個月已經入不敷支，所以真係醒左，不停咁樣卡冚卡真係唔係辦法，我好想可以重新做人，我想面對呢筆數清左佢，亦都立定決心以後唔會再用自己既將來去賭博。

上年我諗住搵渣x做結餘轉戶，但係當時我既可用信貸額已經超過98%，最後渣x reject 左我既申請。如是者，我又陷入返卡冚卡既困境。近呢幾個月我已經比啲卡數搞到我抖唔到氣，屋企仲有兩個小朋友要養，又唔可以同老公坦白講出嚟。爬完文章之後，發現原來除左結餘轉戶，仲有drp/idrp呢個選擇，係呢個網站睇到好多成功個案，見到你地可以重新做人，我都好想！所以真係立定決心想搵銀行做drp/idrp，但同時亦都有少少問題想搞清楚先，希望大家可以比到少少意見比我????

我現時欠債如下：
渣x 508000 （每月還款大約25000）
HSbx 229000 （每月還款5000左右）
bxc 8500 （信用卡欠款）
Citx 86380 （每月還3000左右）
Aexn 60000 （信用卡欠款，無做分期）
痕生 20000 （信用卡欠款，無做分期）

總欠91萬左右
睇到條數我自己都好慌⋯

每月收入35000，政府工，所以一定不能破產/iva

我想問下大家：
1. idrp/drp 銀行會唔會通知公司？因為我都好擔心比同事/上司知道自己有債務問題，飯碗不保。

2. 我的情況可唔可以只搵欠債最大的兩間銀行(即渣x同hsbx)做Drp，出新plan後還少左錢，其餘細數自己順供左佢。

3. 如果只做Drp，其餘無做drp的銀行仲可唔可以保留佢哋既細額信用卡？因為生活上仍然有需要用到信用卡，同埋如果cut晒信用卡，驚比老公發現有野唔妥⋯呢樣都係我好擔心的事

綜合以上我既情況，大家會建議我做drp/idrp?
希望大家可以幫幫我，我發誓真係唔會再賭，為左自己同埋兩個小朋友同埋家庭。

Yuyuyuu

watsonsbab 發表於 19-2-2025 00:49
其實上年我有輕輕同老公講過(早期覺得自己就黎爆煲)，老公有幫過我幾萬蚊生活開支。但我真係犯賤，啲錢用 ...

大家都係過來人所以我都明白，但drp講緊無十年都八年，真係瞞到咁多年？你呢幾年承受既壓力都會好大。兩公婆假如唔係背叛對方，而你只係一時貪心迷失咗自己，應該唔會去到離婚呢步掛。我自己會父母唔講，但另一半講會好啲，一齊生活，仲要還咁多年錢，好易會被對方發現架。

momo1314

妳最大優勢就係有匯豐，搵佢做IDRP冇得輸。但做DRP/IDRP就自己決定。

watsonsbab

momo1314 發表於 16-2-2025 08:45
妳最大優勢就係有匯豐，搵佢做IDRP冇得輸。但做DRP/IDRP就自己決定。

多謝你。
請問如果各自搵銀行做DRP一般成功率高嗎？
會唔會有機會申請DRP失敗然後被call loan?

Yuyuyuu

1. 唔會通知公司 2. 條款上係必須申請晒全部，渣打都會隨例咁樣同你講，叫你申請埋其他數同不斷問你有結果未。但唔影響你批核，你最後只係得佢有做drp都無問題。3. 同第二點一樣，條款上係唔可以再有新借貸包括用信用卡，但無申請既銀行如果唔知你既情況，張卡係仲可以用，但一般都唔建議用。4. 全部銀行數一定係揀做Drp/idrp，銀行申請成功率都高，佢都係繼續賺你息。

watsonsbab

Yuyuyuu 發表於 16-2-2025 11:40
1. 唔會通知公司 2. 條款上係必須申請晒全部，渣打都會隨例咁樣同你講，叫你申請埋其他數同不斷問你有結果 ...

多謝你回覆????
想問下意思即係如果我做DRP就一定要所有銀行都分別做DRP，對嗎？就算好似我中銀欠款得8千幾都要做DRP嗎？

另外，如果無做DRP的銀行，無cut到既信用卡可唔可以繼續保留同用呢？

Yuyuyuu

watsonsbab 發表於 16-2-2025 11:45
多謝你回覆????
想問下意思即係如果我做DRP就一定要所有銀行都分別做DRP，對嗎？就算好似我中銀欠款得8千 ...

1. 我當時銀行佢係咁講，唔可以只揀佢黎做，公平起見全部都要做。但講係咁講，幾千蚊你唔洗填落list到俾佢啦，其他大數目咪話申請緊或者唔批，佢地問完就算。2. 我當時其他無做drp既銀行張卡係一直都無cut同保留緊，不過我自己都無再用。

binolam123

雖然係人工26倍 ，先搵IDRP如果唔得先做DRP ，因為有大貓係到 ，可以試下
做得DRP同IDRP都唔會通知，係師兄要預啲時間行出去傾電話同請假去交文件同約談
IVA好似都唔會但唔適合係你到，因為你主要係大銀多

watsonsbab

真係非常感激大家比我既意見????

watsonsbab

watsonsbab 發表於 17-2-2025 10:06
真係非常感激大家比我既意見????

今朝一朝早我就打左去hsbx申請drp，而家等緊相關同事聯絡我再進一步跟進。

另外，渣x要自己send email 交表同交資料申請，希望盡快呢一兩日搞掂send埋比佢哋。

希望今次真係可以重新開始，好好做人。我唔想再錯落去了，真係好後悔點解唔早啲知道有DRP呢一個選擇。

binolam123

無架 我都曾經好後悔咁遲先做 但既然事情已經發生咗就只能去面對 起碼你個情況唔算太過嚴重有啲同學仔情況仲嚴重 呢家要諗既唔理係申請drp定idrp都要諗下個還款計劃 因為還款計劃係約談時自己去決策同計劃 要有定心理準備唔理邊個計劃都好加埋息口都幾貴  如果申請時我都好唔甘心 但呢家申請到idrp我都好感恩同後悔唔早啲申請 起碼呢家真心唔洗煩跑山呢樣野 個人感受 同學仔你都要加油

watsonsbab

binolam123 發表於 17-2-2025 13:43
無架 我都曾經好後悔咁遲先做 但既然事情已經發生咗就只能去面對 起碼你個情況唔算太過嚴重有啲同學仔情況 ...

師兄，還款方能唔知可唔可以同銀行提出攤長少少年期去還？因為有小朋友，所以想係生活費方面留多少少。我擔心如有攤得太長年期會唔會比銀行reject 我的DRP申請？

另外，係計劃還款方案上有冇咩建議可以比我？

希望銀行肯接受我既申請啦⋯⋯

Yuyuyuu

watsonsbab 發表於 17-2-2025 15:31
師兄，還款方能唔知可唔可以同銀行提出攤長少少年期去還？因為有小朋友，所以想係生活費方面留多少少。我 ...

可以，你可以提出年期再長啲，年期方面銀行好易妥協，8年係基本，部分銀行可到10年

binolam123

年期可以攤長，我就選擇咗縮短，不過各有利與弊，無話邊個好，最緊要適合自己，drp同idrp既計劃就係由債務人去決策個還款計劃，約談時職員都會睇下你個計劃可唔可以行先去遞交文件

binolam123

我係將還款數加息口8厘息（均息）一年再除預計還款期，大概就知道一個月有幾多係還款數同生活費，我用左入學方法套用係drp同idrp

binolam123

實際利息個個唔一定，所以我會左均息去計算

timmoz

政府工iva怕咩…又唔係特種部隊。識人做緊政府，老破無問題。drp唔使通知公司，儘量搵大行搞哂佢啦！

binolam123

timmoz 發表於 17-2-2025 22:57
政府工iva怕咩…又唔係特種部隊。識人做緊政府，老破無問題。drp唔使通知公司，儘量搵大行搞哂佢啦！ ...

我都想知點做到，其實政府工都有好多部門，有啲無咁嚴真係可以通過
我都有曾經諗過入學，但係入學要CUT哂銀行卡，出糧戶口要破產官指定，除非申請保留但又要幾個月批，仲要上庭批（唔知有無講錯），
如果份工無啦啦換其他銀行出糧仲要係唔係原本指定果幾間，我諗HR都會知咩事

watsonsbab

另外，我想問下hsbx同渣x申請drp既時候都會問咩原因需要做DRP，如果如實咁答投資失利/賭博，會唔會有咩影響？

watsonsbab

binolam123 發表於 17-2-2025 23:20
我都想知點做到，其實政府工都有好多部門，有啲無咁嚴真係可以通過
我都有曾經諗過入學，但係入學要CUT哂 ...

師兄，我都唔想老破⋯因為真的唔可以無左份工，同埋老破之後太大影響了，首先，比老公知道就一定會無左頭家⋯⋯

watsonsbab

更新一下