律師 vs 秘書

臨老至頭痕

事源7月已經想舉手, 諗住自己單case複雜, 所以搵律師攪, 爬文話3姓交文件好耐, 想快D舉手, 所以上網搵有冇其他律師, 終於搵到另外一間(唔開名/唔俾貼士, 因為好易估中) 重點係第一次上佢律師樓傾, 收$14,xxx 話大概一個禮拜有臨時No., 咁我俾完晒錢, 7月尾陸陸續續補齊文件, 一直等消息. 到左8月頭, 打俾我話我單case有D複雜(第一次見面已經話左情況佢知), 個律師要收多$10,000, 話如果唔想唔緊要, 可以退返錢. 既然已經洗濕左個頭, 冇諗其他, 唯有照俾! (強調我係搵係正式律師樓, 唔係中介)

俾多左錢唔係重點, 重點係左摧右摧, 到8月尾至安排到上律師樓宣誓, 9月頭至有臨時No., 排期10月中上庭. 諗住告一段落, 因為咩都唔識, 將來4年要上報, 所以再搵間秘書公司 (其實係佢自己寄信黎), 第一次見面, 咪俾之前律師樓幫我填個28頁位小姐睇, 佢一睇份表就見到兩項錯處, 咁我問佢駛唔駛同返律師樓講, 佢話唔好, 費事佢知我另外搵人攪 (其實律師樓都有4年跟進服務, $2000一個月, 俾足頭一年, 即係總共$24,000) 位秘書小姐話上庭前法院會有人對文件, 有錯會通知要改. 好嘅唔靈, 原本10月中開庭, 開庭前幾日, 律師樓通知真係有嘢要改 (係秘書小姐提嘅第一項), 要再宣誓, (唔駛俾錢, 不過要再排期). 又再排列11月中上庭. 點知早幾日律師樓又又打俾我, 又又話有嘢要改(應該係秘書小姐提嘅第二項), 又又要再宣誓.

總結係填文件咁簡單嘅事(對於專業人士黎講), 估唔到律師樓填錯野(律師同佢秘書都係後生), 秘書(上左年紀)一眼就睇出, 所以睇野唔好睇門面!

希望11月中上庭宣判順利!

Alexpang

就算搵出名律師樓，都一樣係奶野，因為根本唔係自己做，搵啲細嘅做。啱啱先有group友出聲，搵左最出名個間（唔洗估，就係距）都都係填漏野，要延期

外圍撚

報表有幾難填，要比2000蚊一個月人填？

誰人知5年

擺明呃錢啦

KKK666

我搵三姓都延左3次期先有正式令

扣底犯眾憎

自己入學其實好簡單