找回密码
 註冊
查看: 2058|回复: 13

銀行撇帳問題

[复制链接]
发表于 23-10-2024 13:51:09 来自手机 | 显示全部楼层 |阅读模式
想問下師兄前輩,如果銀行撇帳壞數,係咪可以將你條數賣畀二線嘅財仔,咁個債權人係咪變咗財仔就唔係銀行,但係tu嗰度多年都冇更新到呢條數落去,再加上查閱破產佢又冇搞我,希望有前輩子點迷津,謝謝
发表于 23-10-2024 17:48:19 来自手机 | 显示全部楼层
其實你問黎問去,都差唔多,你不如開一個一次過問。
发表于 23-10-2024 17:50:30 来自手机 | 显示全部楼层
你真係想破,你又唔識,不如搵6c幫你一次過做。唔洗煩
 楼主| 发表于 23-10-2024 19:43:22 来自手机 | 显示全部楼层
maggie_maggie 發表於 23-10-2024 17:50
你真係想破,你又唔識,不如搵6c幫你一次過做。唔洗煩

我都有問咗6c同會計,就係因為個個意見都唔同,但係點都好啦我已經有咗個明確方向,第一步驟就係問清楚曬啲數,tu冇打出嚟都照問,因為確實係用過佢啲卡,集齊好曬所有資料就喐佢,唔理得佢點做,佢有佢做我有我做,嗰啲打嚟我都費事聽呀,因為唔明確自己㗎步驟係好難起步,所以安排好自己點樣做就唔理,唔好將件事複雜化搞到自己唔明確,不過點都好多謝咁多位前輩師兄師姐,提供寶貴嘅意見..... 謝謝
发表于 23-10-2024 21:05:00 来自手机 | 显示全部楼层
man333 發表於 23-10-2024 19:43
我都有問咗6c同會計,就係因為個個意見都唔同,但係點都好啦我已經有咗個明確方向,第一步驟就係問清楚曬 ...

我係你我會先照tu報告內所知嘅債主同欠款數目資料交畀律師樓先,等佢哋幫你整咗#28C資產負債狀況說明書同安排宣誓先。
由你上去填資料到再上去宣誓,依度快手可能1個星期,慢嘅可能要等1個月。宣誓完律師樓仲要安排職員幫你去破署同法庭交文件,先拎到破產檔案編號no.同上庭頒令日(個人申破頒令日一般係入紙日後6個星期後)。依度可能又要等幾日。
除非你搵果間係帶你去破署,企嘅旁邊教你填表,再帶埋你去宣誓同去法庭入紙,咁先可以即日拎到no.同上庭日。
而喺等頒令依6個星期內,如果搵到/發現仲有債主同欠款資料無填落#28C到,其實係可以喺26頁#對破產人的初步訊問表(拎到no.後律師樓會寄畀你填,頒令後要交噃畀代破署收文件間公司/直接外判公司)第18頁填噃。到交文件時,同職員講聲有後加資料。記得,唔好通知律師樓有嘢漏/錯咗,佢哋可能要另加錢先去幫你改文件。一改過資料,上庭頒令日可能又要延期1個星期。
如果日後(總之破產期4年內)仲有呀豬呀狗話你有欠佢錢,而你又確認同提供到佢/公司全名,聯絡電話號碼同地址,你可以書面通知你位受託人,受託人會寄噃信去確認你嘅欠款。如債主唔回覆=佢自動放棄日後可以從你上繳總數中扣除受託人行政費後,按欠款比例退還嘅錢。

你唔急去破,咪慢慢搵慢慢等每間回覆。急就盡快去填資料啦。
 楼主| 发表于 24-10-2024 16:57:19 来自手机 | 显示全部楼层
Anmi2019 發表於 23-10-2024 21:05
我係你我會先照tu報告內所知嘅債主同欠款數目資料交畀律師樓先,等佢哋幫你整咗#28C資產負債狀況說明書同 ...

好衷心多謝你咁詳細嘅回覆, 大致上嘅數都已經回覆咗,係爭兩條數未回覆,不過有可能都自己寫大佢,等日後法庭問佢嗰陣時大家自己計唔知得唔得,因為佢知道你破產都專登拖下你,有啲我都好坦白同佢講爭你成百萬淨係一間我點還呀, 我話一係你同我搞破產仲好喇我唔使自己嘥錢,所以穩定律師去搞㗎喇,但係因為律師只係做你交畀佢嘅資料,有啲見到咁麻煩可能坐地起價,都唔理㗎喇約好律師搞㗎喇, 多謝前輩詳細解釋
 楼主| 发表于 24-10-2024 18:09:27 来自手机 | 显示全部楼层
Anmi2019 發表於 23-10-2024 21:05
我係你我會先照tu報告內所知嘅債主同欠款數目資料交畀律師樓先,等佢哋幫你整咗#28C資產負債狀況說明書同 ...

謝謝前輩子點非常感激
发表于 30-10-2024 01:41:12 来自手机 | 显示全部楼层
man333 發表於 24-10-2024 16:57
好衷心多謝你咁詳細嘅回覆, 大致上嘅數都已經回覆咗,係爭兩條數未回覆,不過有可能都自己寫大佢,等日 ...

你可以寫大dd條數/跟噃tu條數申報先,頒令後受託人都會寄信畀佢哋,等佢哋自己填噃條最終欠款數落去。
 楼主| 发表于 30-10-2024 04:02:23 来自手机 | 显示全部楼层
Anmi2019 發表於 30-10-2024 01:41
你可以寫大dd條數/跟噃tu條數申報先,頒令後受託人都會寄信畀佢哋,等佢哋自己填噃條最終欠款數落去。 ...

謝謝前輩子點.
 楼主| 发表于 30-10-2024 04:05:39 来自手机 | 显示全部楼层
Anmi2019 發表於 30-10-2024 01:41
你可以寫大dd條數/跟噃tu條數申報先,頒令後受託人都會寄信畀佢哋,等佢哋自己填噃條最終欠款數落去。 ...

不過我想問一問前輩, 如果我淨係知道我嘅債權人邊個,知道欠款個數目,但唔記得信用卡number,唔確實到欠款個日期咁問題大唔大。
发表于 30-10-2024 08:37:09 来自手机 | 显示全部楼层
man333 發表於 30-10-2024 04:05
不過我想問一問前輩, 如果我淨係知道我嘅債權人邊個,知道欠款個數目,但唔記得信用卡number,唔確實到 ...

無問題,#28C資產負債狀況說明書內最重要都係填債主名同欠款數。而銀行/財仔若果仲有你欠債記錄,佢哋就會用你名/身份證號碼去搵,你幾時欠同卡no.都無咩所謂。
 楼主| 发表于 30-10-2024 13:53:20 来自手机 | 显示全部楼层
Anmi2019 發表於 30-10-2024 08:37
無問題,#28C資產負債狀況說明書內最重要都係填債主名同欠款數。而銀行/財仔若果仲有你欠債記錄,佢哋就 ...

非常衷心多謝前輩提供寶貴資料,謝謝你的幫忙
发表于 30-10-2024 15:24:12 来自手机 | 显示全部楼层
man333 發表於 30-10-2024 13:53
非常衷心多謝前輩提供寶貴資料,謝謝你的幫忙

唔駛客氣,祝你一路順順利利
 楼主| 发表于 30-10-2024 16:00:05 来自手机 | 显示全部楼层
衷心謝謝你嘅祝福謝謝師姐
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 15-11-2026 17:38 , Processed in 0.040205 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表