今日終於上了會計司樓交了文件，過程希望同大家分享吓。1

tk226 · 发表于 21-9-2009 02:42:23

昨晚心情很緊張，把今日要交嘅文件逐一逐一咁再check一次，以防帶漏。[ 文件包括：初步訊問問卷、每月收支表、僱傭合約、入息證明、MPF結算表副本、人壽保單副本、呈請前3個月和呈請後至頒令果個月嘅信用卡月結單副本、收支表上嘅支出證明副本和受供養人嘅ID副本等等 ( 文件足足有寸半厚！) ] 再翻check初步訊問問卷，逐頁逐頁去睇，睇吓有冇未簽名、有冇問題未答、至於果D唔識答嘅問題，有冇在那頁上貼上Label紙，等交文件時，先問清楚後作答。( 其實之前已經check過 )

今早去到會計司樓嘅大厦樓下，看見大大個指示牌寫着x眾財務，仲有箭咀指示教你点行！可能因為今天的身份是破產者，所以覺得有D諷刺！

搭lift上去，入到會計司樓果刻，感覺真係好差，因為果到嘅地方好細、好迫、好亂同好嘈！

最先有個男仔問我有乜事？我話上來交文件。佢問係唔係交破產嘅文件？我答係。佢就叫我坐低等陣，於是我就坐係近問口張Sofa等。

在這段”等陣”嘅其間，我看見一男兩女圍住部電腦，他們表現好緊張，其中一個女仔突然大聲問，而家個價位幾多呀？原來他們正在網上買賣股票，我心想這些人真係好離譜，開工時間上網買賣股票，他們嘅Boss又會唔理嘅？之後聽見個女仔話賣咗啦，另外個女仔問幾錢賣出呀？個男仔答佢話 $1.92。果個女仔又問賺咗幾錢？個男仔攞住部計算機計咗一陣，同果個女仔講，扣除咗手續費後賺咗 $3,924 ( 記得係呢個銀碼 )，果個女仔聽完後，就走去打咗個電話給X先生，向他報告。相信這位X先生一定是她的Boss，因為這間會計司樓是以X命名。

坐係Sofa到足足等了20幾分鐘，先前打電話給X先生報告果個女仔，才走埋我身邊問我係唔係交文件，我答係，她就帶我去近牆邊的一張枱，枱旁有張椅，她叫我坐陣先，她就行開了。這張枱前有塊屏風，心想這安排都唔錯，總算有翻D私隱，唔駛被咁多人睇到 ( 心想破產始終唔係一件光榮嘅事 )。

tk226 · 发表于 21-9-2009 02:51:27

10分鐘左右個女仔回來了，她叫我攞出ID、破署封信和要交嘅文件，於是我就把果寸半厚嘅文件放在枱上，之後把ID和破署封信遞給她。她就開始核對我嘅ID和信上嘅名字、ID number是否相同，核對完後把ID還給我，之後就攞破署封信去copy，copy完後就把信還給我。

這時她要我把初步訊問問卷和每月收支表給地，我就遞給她了。她望住份收支表，沒有理會收支表上嘅項目和數目，只是叫我把個date改為今日即9月16日和在旁邊簽名 ( 我之前填個date是9月14日，因為份收支表和初步訊問問卷係喺個日填嘅 )。之後就要我把受供養人嘅ID副本、水、電、煤等單嘅 COPY給她 ( 這些我之前已用釘書機釘好 )。我將這些COPY遞給她，但她设有去check齊唔齊，就把這些COPY放在收支表下面了。

這時她開始check我的初步訊問問卷。我話有D問題因為唔太清楚，所以未答，但她冇乜反應，只是很快地將問卷揭了一次，沒有理會我填乜，只是叫我將未填嘅和不雖要填嘅問題用筆劃去，我就按照她的說話將那些問題用筆劃去。之後她就check我是否每頁都有簽名，最後又是要我將個date改為9月16日和在旁邊簽名。( 我之前未答嘅問題，究竟係唔係真的唔需要回答，用筆劃去就可以？咁樣做我會唔會有麻煩？)

一切按照她的說話做完後，她就收了我嘅訊問問卷並放在收支表上面，這時她遞給我一張紙要我寫上姓名，ID number和簽名，不知是否受了她的影响，內容我设有細看就照她說話做了。(究竟這張是什麼？)

最後她給我4張叫做周年收入及取得的財產說明書 ( 係雙面嘅影印本，因第二面左邊有些字影唔到 )，她叫我每年記得填，填完記住fax或寄翻去破署給主任，又話攪掂啦可以走得。我問她生活費點？她答有問題就打電話去主任到問，之後她就走開了。至於其他文件，例如MPF結算表副本、人壽保單副本、果4個月嘅信用卡月結單副本等等就冇收到！從行入會計司樓到行出會計司樓，足足攪咗一個鐘！

交完文件後打了幾次電話去主任到，想問吓主任是否巳經完成交文件的程序，和想問吓生活費嘅嘢。但每次電話都是飛去留言，話主任現在未能夠接聽電話，有問題就寫低Fax翻去，收到後他會盡快回覆！之前攪開戶信打電話去找主任都係飛咗去留言！ (你們的主任是否都是這樣？)

這次交文件的經驗，希望可以給未來交文件嘅人一些資料。不過有樣要記住就是日期是要填寫你交文件個日呀。

pppw · 发表于 21-9-2009 19:52:57

多謝晒。你都要準備迎接新生活喇，話時話，個感覺幾好架！:handshake :handshake

pbaa · 发表于 21-9-2009 20:12:54

原帖由 pppw 於 2009-9-21 19:52 發表
多謝晒。你都要準備迎接新生活喇，話時話，個感覺幾好架！:handshake :handshake

P兄, 好同意你嘅講法...{:3_48:}

老柴 · 发表于 21-9-2009 22:23:56

樓主果然守諾，謝謝分享:hug:

tk226 · 发表于 23-9-2009 01:05:58

原帖由 pppw 於 2009-9-21 19:52 發表
多謝晒。你都要準備迎接新生活喇，話時話，個感覺幾好架！:handshake :handshake

現在都開始接受這個新的身份！

tk226 · 发表于 23-9-2009 01:11:10

原帖由老柴於 2009-9-21 22:23 發表
樓主果然守諾，謝謝分享:hug:

做人係要有信用！而且我在這裡都得益不少。:call:

zbridgehead · 发表于 23-9-2009 01:27:10

欣賞你信守承諾，祝新生活愉快。:handshake

pbaa · 发表于 23-9-2009 06:57:00

原帖由 tk226 於 2009-9-23 01:05 發表

現在都開始接受這個新的身份！

應該話, 現在開始接受這個新的生活{:3_52:}

Thanks for sharing ^_^

tk226 · 发表于 27-9-2009 13:06:09

原帖由 zbridgehead 於 2009-9-23 01:27 發表
欣賞你信守承諾，祝新生活愉快。:handshake

多謝你 :handshake

japanesegirl · 发表于 27-9-2009 13:08:21

你應該多謝admin大哥~~

[ 本帖最後由 japanesegirl 於 2009-9-27 13:12 編輯 ]

dik06 · 发表于 27-9-2009 13:11:16

~哈~哈~{:4_02:}

頭先嘅感覺~~~~~~係咪有d若有所失呢{:4_09:}

[ 本帖最後由 dik06 於 2009-9-27 13:13 編輯 ]

tk226 · 发表于 27-9-2009 13:12:03

原帖由 pbaa 於 2009-9-23 06:57 發表

應該話, 現在開始接受這個新的生活{:3_52:}

Thanks for sharing ^_^

pbaa兄: 冇錯, 應該係開始接受這個新的生活 :handshake 多謝你 !

pbaa · 发表于 27-9-2009 13:20:52

原帖由 tk226 於 2009-9-27 13:12 發表

pbaa兄: 冇錯, 應該係開始接受這個新的生活 :handshake 多謝你 !

重要係輕鬆嘅新生活噃...{:3_48:}

tk226 · 发表于 27-9-2009 13:33:47

原帖由 dik06 於 2009-9-27 13:11 發表
~哈~哈~{:4_02:}

頭先嘅感覺~~~~~~係咪有d若有所失呢{:4_09:}

係呀真你好似好失落呀!!! :handshake

tk226 · 发表于 27-9-2009 13:37:37

原帖由 japanesegirl 於 2009-9-27 13:08 發表
你應該多謝admin大哥~~

多謝提醒! 現在要出街, 下次再傾 :handshake

tk226 · 发表于 27-9-2009 13:38:57

Admin大哥, 唔該你!!

japanesegirl · 发表于 27-9-2009 13:40:50

原帖由 tk226 於 2009-9-27 13:38 發表
Admin大哥, 唔該你!!

佢應該睇到~~不過佢比較cool~~~你可以安心出街喇~~~~~

bird5 · 发表于 27-9-2009 22:44:12

我想請教tk226兄,最終主任有冇复你電話有關生活費及需要補交文件給他嗎??

overcome · 发表于 27-9-2009 23:23:21

我嗰個主任通常都可以搵到佢同佢直接對話，係咁啱試過1-2次係佢講緊電話。佢幾nice態度唔差，有問必答又唔會耍我重會提點我，可惜我個case已被調畀外判follow！

而你而家行到係好初步既步驟，長路漫漫吖！

[ 本帖最後由 overcome 於 2009-9-27 23:31 編輯 ]

		自动登录	找回密码
密码			註冊

今日終於上了會計司樓交了文件，過程希望同大家分享吓。1

评分

今日終於上了會計司樓交了文件，過程希望同大家分享吓。2

回復 #7 tk226 的帖子

回復 #2 tk226 的帖子

浏览过的版块