找回密码
 註冊
查看: 2491|回复: 17

分享一下交26頁感受

[复制链接]
发表于 15-1-2024 16:20:40 | 显示全部楼层 |阅读模式
月頭頒令 之後就約左時間交26頁 ,上到去果友好似欠佢錢咁….
講野好快 快到聽唔切 好彩開左錄音
要填嗰份開支表 填好咗上去
係屋企計好晒所有嘢,
佢睇完話我嗰份嘢有問題,我個支出同我個收入爭好遠
唔可信:L 我同佢講就係因為我個收入同我支出唔成比例,我先會欠咁多債
佢話我份嘢唔可信,話因為我另一半冇俾錢分擔,淨係幫我交 我同小朋友嘅保費
由於我已婚我嘅另一半都有做嘢,不過我同另一半不嬲都係自己顧自己,
佢之前都會俾少少錢我個小朋友。
但係由於我之前欠債問佢屋企借咗錢,佢本身自己都有欠債根本顧唔到咁多
所以佢已經唔理呢啲嘢。
我都唔知點同呢條友解釋,我只可以同佢講唔係每個家庭都一定係咁,佢唔俾我都冇辦法,
跟住係咁喺份嘢度寫寫寫寫係咁話佢唔相信。
跟住我同佢問我點解會邊,我同佢講原因,佢又話佢唔聽淨係想知道啲錢去咗邊:Q
佢問我喎點解可以洗咁多錢,話我個收入同我個借貸不成比例,
我咪同佢講囉,全部都係數琴數,加上生活開支大唔夠用,所以要碌卡
好老實呢啲數真係唔係今時今日即出嚟
係好多年咁積出嚟,我有同佢講疫情之前咁啱轉咗份人工底嘅工,又整親幾次返唔到工,生活要開支糧又出唔足又有小朋友要養,所以嗰度有借貸,佢問我睇咗幾多錢?有冇單。我話邊有單俾你啊幾年前嘅嘢
全程啲語氣都係衰到冇人有,好似我阻住佢做嘢咁
大佬全程見咗都冇30分鐘有約時間黎見㗎
我喺電話嗰陣時已經同佢講話有啲嘢唔識填,佢話我上到嚟係唔會教我唔會同我解釋任何嘢,唔會俾時間你填。
咁我咪填錯咗囉。錯咗又要俾佢串咁我咪話囉我都話攞咗我唔識填㗎
最好笑係交文件嗰陣時佢喺度講埋啲專業出名,我問佢係咪即係嗰樣嘢嗰張紙佢就話我唔知喎我唔會答你,跟住去到後尾我再隊張嘢喺佢前面俾佢睇,佢就話你又話冇呢張紙我問你xxx,你又話冇嘅。
我有啲躁底同佢講,我啱啱都問咗你係咪呢張,你又話唔答我 ,我都同你講我唔知嗰樣嘢係咩嚟㗎啦,我問你係咪呢樣你又唔講唔理。

呢間野左好好態度,希望大家唔使去呢間交文件:handshake



 楼主| 发表于 15-1-2024 16:32:56 来自手机 | 显示全部楼层
kaho426 發表於 15-1-2024 16:29
邊間?吳X鵬?

係吖 你都係呀?
发表于 15-1-2024 17:07:08 来自手机 | 显示全部楼层
續具具古生後又一個奇人 :P 好彩只係去交文件,如果跟佢真係仆得街
发表于 15-1-2024 17:11:27 来自手机 | 显示全部楼层
我填錯哂都無問題 佢都照收 佢態度似係 又唔係佢跟 有收到野就得
 楼主| 发表于 15-1-2024 17:20:29 来自手机 | 显示全部楼层
菲尼克 發表於 15-1-2024 17:11
我填錯哂都無問題 佢都照收 佢態度似係 又唔係佢跟 有收到野就得

你都係呢間?我只係填錯2樣嘢已經好似想殺左我咁 ,佢有啲位要我簽名 我未簽佢已經伸手想拎走
 楼主| 发表于 15-1-2024 17:22:18 来自手机 | 显示全部楼层
Anmi2019 發表於 15-1-2024 17:07
續具具古生後又一個奇人  好彩只係去交文件,如果跟佢真係仆得街

我都係咁諗 好彩見一次之後唔洗見..其實我之前爬文睇都有一兩個話呢間嘢呢條友好屎窟鬼
发表于 15-1-2024 17:50:18 来自手机 | 显示全部楼层
我都係呢間,三個字形容: 正福街!
发表于 15-1-2024 19:00:06 来自手机 | 显示全部楼层
好似欠個女人錢咁
 楼主| 发表于 15-1-2024 19:51:21 来自手机 | 显示全部楼层
mathew3332 發表於 15-1-2024 19:00
好似欠個女人錢咁

佢比我嘅感覺係好dry 生活想有好多不滿
 楼主| 发表于 15-1-2024 19:52:19 来自手机 | 显示全部楼层
CEEPO 發表於 15-1-2024 17:50
我都係呢間,三個字形容: 正福街!

呢條福頭 我真係真心祝福佢身體健康啊!
 楼主| 发表于 16-1-2024 14:56:50 来自手机 | 显示全部楼层
a981142 發表於 16-1-2024 14:40
邊間?

吳x鵬
发表于 17-1-2024 09:51:58 来自手机 | 显示全部楼层
搞唔掂 發表於 16-1-2024 14:56
吳x鵬

我漏左兩個名無簽,佢已經好暴躁,我真係笑左。 不過算了,見一次咁大把,如果平時撞到呢啲人,神早我就X柒左佢,哈哈
发表于 17-1-2024 16:02:14 来自手机 | 显示全部楼层
師兄我都係呢一間交26頁 感覺係完全睇唔起破產既人咁款 佢對我26頁 見我填每月收入同支出個part 問我其實每月都有錢淨點解仲要破產 我話因為後期已經cover唔到卡數 每個月都係卡冚卡⋯當時我準備左好多糧單 佢要我比最近3個月既糧單 當時太多張我只搵到兩張最近 佢叫我快手啲 我都好禮貌話唔好意思我搵緊 最後只收我搵到手頭上最近既兩張 走左之後跟手去破署搵主任攞開戶信 主任要求提供最近一期糧單先比到開戶信我 我又死死氣打返去吳x鵬到同喱個女人講我要返張糧單 佢都係講野好激動咁樣狂鬧 話我喱頭比完佢又攞返 但我糧單一個月一張 點可能一張兩份分呢⋯我都有講明主任要求既 主任都好好驚我仆黎仆去哂時間咁岩差唔多lunch time 佢叫我試下叫吳x鵬fax比主任都可以 個惡女人就話我唔理你自己過黎攞快少少我地差唔多食飯咁樣...真係以為自己爭佢錢 但搞到今時今日咁樣只可以妥協 最近收到破署既信下月底開大會 有冇師兄姐都係啦~~
发表于 17-1-2024 16:35:15 来自手机 | 显示全部楼层
斬掉重練練 發表於 17-1-2024 16:02
師兄我都係呢一間交26頁 感覺係完全睇唔起破產既人咁款 佢對我26頁 見我填每月收入同支出個part 問我其實每 ...

唉,講咗好多次,所有要交嘅證明文件最好自己保留噃1份,萬一第日外判又問你拎,而你又無留底,到時又要煩去邊度搵畀佢
发表于 17-1-2024 16:44:45 来自手机 | 显示全部楼层
Anmi2019 發表於 17-1-2024 16:35
唉,講咗好多次,所有要交嘅證明文件最好自己保留噃1份,萬一第日外判又問你拎,而你又無留底,到時又要 ...

認同、點都copy一份
 楼主| 发表于 17-1-2024 18:33:02 来自手机 | 显示全部楼层
斬掉重練練 發表於 17-1-2024 16:02
師兄我都係呢一間交26頁 感覺係完全睇唔起破產既人咁款 佢對我26頁 見我填每月收入同支出個part 問我其實每 ...

佢又好奇怪話叫我準備所有文件1式2份 點知只係要一份 浪費哂我d墨水…全部文件copy 2份 仲拎埋正本,之後我又拎返一份copy 同正本走 。可能佢都係同我哋一個感覺見一次之後都唔會見,所以用咁嘅態度。
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 18-11-2026 11:48 , Processed in 0.029929 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表