找回密码
 註冊
查看: 1676|回复: 7

破定唔破好?真心想請教各位

[复制链接]
发表于 16-10-2023 12:42:08 | 显示全部楼层 |阅读模式
各位師兄大家好,有D問題想誠心請教一下,
因為依家都好15 16,所以想睇下有無師兄可以俾到少少意見本人。
發文之前都有爬過好多師兄帖,其實小弟情況就係咁,本身小弟係自己做D小生意既,分別有借HSX UX 安X數,加埋應該30萬內,每月還款約2萬幾,因為最近小生意大受影響,扣完還款同日常開支後,基本上每月無錢剩之餘又要倒貼錢落去,所以小弟有D想申請老破,之後打D平常工存下錢仲好過依家夾硬捱仲要每個月貼錢。
當然我都知我條數其實唔算好大,見到好多師兄有D係我幾倍以上,每月還款多我成倍都仲頂緊,點解我咁樣都想考慮破?
其實不外乎因為一來依家無錢賺,繼續落去其實都係還唔到,就算出去打份地盤工都好,每個月D錢扣完還錢其實都係無錢(本人無咩特別技能),所以先想索性申請老破,普普通通打份工,每個月唔多唔少都存到D
但因為實在無經驗,所以有D問題真係想真心請教下大家意見:
1. 請問如果申請老破後,UX 安X果D係咪會繼續追數?或搵收數佬收數?
因為實在唔想影響家人
2. 因為我仲有D糧未出俾伙記的,而D伙記都係出現金糧,請問如果我老破前先出曬糧俾伙記,到時會唔會被問,如果被問,係咪直接答出現金糧就OK?
3.債務重組就基本唔考慮了,都見好多師兄講係伏或者結果係還更多,如果之後中間還唔到結果都係會申請老破,咁不如一開波就老破
4.老強果D可否申請攞黎還款?
5.定係大家會建議小弟想方法堅持落去?因為剩返期數其實都係一年幾個月左右,但係依家真係完全存唔到錢,日日又有壓力又怕之後D生意更差,所以真係有D 15 16
6.或者其實我可以照申請老破,然後叫家人或朋友幫手開返間公司,之後繼續運作?(本人間細公司多數收現金數出現金糧)
7.因為今年年頭小弟有間公司轉左名俾人(真係賣),文件已辦好,剩銀行未轉名,請問會否影響到?
最後都係先多謝各位師兄,希望大家都好好地去過渡

发表于 16-10-2023 18:58:04 来自手机 | 显示全部楼层
其實三十幾萬,香港隨便搵份工都2萬,你話你會做地盤就更加高,3,4萬起。你同債主申請攤5年黎還,每月還一萬都未必洗。就輕鬆解決啦。
 楼主| 发表于 16-10-2023 19:03:32 | 显示全部楼层
Yuyuyuu 發表於 16-10-2023 18:58
其實三十幾萬,香港隨便搵份工都2萬,你話你會做地盤就更加高,3,4萬起。你同債主申請攤5年黎還,每月還一 ...

收到,但請問一般係點樣同佢地申請的?因為真係未試過?
因為我最大開支都係U記,係咪打去講還唔到想要求還低D就OK?
唔該曬,因為未到最後真係唔想搞老破
发表于 16-10-2023 21:12:58 来自手机 | 显示全部楼层
出去搵多份工去還錢先⋯⋯ 你公司賣左先破產好大機會比人懷疑你資產轉移。你講公司生意差就應該一早出去搵過份工⋯⋯三十萬分五年還一個月最多還八千左右⋯⋯不過你欠財仔可能利會高的有機會去到一萬⋯⋯⋯
发表于 17-10-2023 07:43:35 来自手机 | 显示全部楼层
Jason39 發表於 16-10-2023 19:03
收到,但請問一般係點樣同佢地申請的?因為真係未試過?
因為我最大開支都係U記,係咪打去講還唔到想要求還低 ...

你直接打去還款部講,還唔起有冇得延長期數,如果無就只有破產。佢自然會搵專人聯絡返你。一般延到3-5年都有得傾既
 楼主| 发表于 17-10-2023 12:01:43 | 显示全部楼层
Yuyuyuu 發表於 17-10-2023 07:43
你直接打去還款部講,還唔起有冇得延長期數,如果無就只有破產。佢自然會搵專人聯絡返你。一般延到3-5年 ...

收到,我去試下先,唔該曬
 楼主| 发表于 17-10-2023 12:02:06 | 显示全部楼层
John2628 發表於 16-10-2023 21:12
出去搵多份工去還錢先⋯⋯ 你公司賣左先破產好大機會比人懷疑你資產轉移。你講公司生意差就應該一早出去搵 ...

收到
发表于 17-10-2023 17:05:08 | 显示全部楼层
生意賺就自己袋,蝕就破產唔還,你都幾識計數
30萬咁少,破產好煩好多限制,同埋都要上繳架
收數佬當然有可能上門,最好唔好逾期先黎破
你搵銀行做結餘轉戶,分5年還,每月都係7-8千
負返d責任啦,老闆
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 18-11-2026 07:58 , Processed in 0.038649 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表