好煩惱，關於生活費

菲尼克

本人月入45K，父母無做野，有老婆同個女，老婆有做野

由於有層樓同老婆聯名，每月供緊25K
同埋老婆為我借過一筆P LOAN，每月需要還款12K

未入學前，我每月都用自己錢去還老婆依筆LOAN但入學後，我人工唔可以比佢拎去還，所以佢要自己還，但佢份人工根本攪唔掂

問題就黎

層樓雖然暫時係破產管理處接手，但又唔知幾時傾點處理，同埋依家市道差都唔知岩唔岩價賣 (因為聯名，老婆有權唔岩價唔賣)
所以未處理前，我同老婆都要繼續住同供......

傾生活費時，係咪唔會預我留一筆錢去供樓? 如果唔比，咁太太根本供唔起，層樓由銀行收?
定係我同對方講，可以當成租金? 因為我可以返屋企同父母住，但象徵式都要比租金，咁樣得唔得?


水費 $500
電費 $500
煤氣費 $500
稅款 $650
工人 $2500
供養父母 $8000
供養子   $10000
上網費 $250
手提電話費 $400
膳食 $4000
交通費 $500
衣服剪髮鞋 $2000

生活費共: $30000
剩返既上傳: $18000 左右

咁樣你地覺得對方批唔批?
上面清單仲未計租金.....

我只係想佢可以批多d生活費，減輕老婆負擔

a981142

樓都要收,仲點會枇錢你供樓?
有無兄弟姊妹?你獨自養先會枇父母咁多
阿女要用1萬?電話又用400?雜費都2千?
你預枇唔到咁多

好麻煩

有冇辦法可以清左你老婆個筆p loan先？你入左學應該唔會有筆錢比你去供樓…..

菲尼克

a981142 發表於 6-9-2023 12:44
樓都要收,仲點會枇錢你供樓?
有無兄弟姊妹?你獨自養先會枇父母咁多
阿女要用1萬?電話又用400?雜費都2千?

阿哥 家姐
無做野…
阿女上學前 日常用品差唔多
電話費 簽左兩年約

菲尼克

好麻煩 發表於 6-9-2023 12:47
有冇辦法可以清左你老婆個筆p loan先？你入左學應該唔會有筆錢比你去供樓….. ...

入得學 自然無錢清…
好煩
唔比我供樓 咁老婆供唔起由銀行收？
但佢一日未賣 我又一定又要供

欠一百萬

未完按揭,層樓應該是歸番銀行.

菲尼克

欠一百萬 發表於 6-9-2023 13:49
未完按揭,層樓應該是歸番銀行.

姐係我現時做法

盡快賣樓，同埋搵地方搬?
然後再同受託人傾返生活費 加返 租金依一項?

我岩岩入學  文件又未交  生活費又未傾
層樓又唔知點處理
每月繼續供款 同拎人工還老婆筆LOAN

a981142

菲尼克 發表於 6-9-2023 13:14
阿哥 家姐
無做野…
阿女上學前 日常用品差唔多

哥姊都無做野?咁邊個養佢地?
租金要提供證明,唔係你up幾多就幾多
老婆還唔到p loan?還唔到銀行唔會借咁多比佢架

欠一百萬

菲尼克 發表於 6-9-2023 14:03
姐係我現時做法

盡快賣樓，同埋搵地方搬?

唔好搞層樓, 未申破前的資產流向日後會查,尤其係樓宇物業.

一係你用層樓加按/借貸,清晒其他欠款, 慢慢供番層樓.唔使破產.

賣樓後破產,你會好頭痕, 除非你賣樓所得款項扣除按揭,餘下的全部拎去還款, 還唔晒先破產.咁都仲有故仔講. 若這樣都係破產,咁你賣咪多舊魚.
申左破,頒左令,更加無需要理層樓.

菲尼克

欠一百萬 發表於 6-9-2023 14:56
唔好搞層樓, 未申破前的資產流向日後會查,尤其係樓宇物業.

一係你用層樓加按/借貸,清晒其他欠款, 慢慢供 ...

首先層樓無得加按，因為當初係高成數借
同時間，我差財仔銀行大概200萬左右
如果賣樓應該只係得60-70萬收返黎

所以入學係必須，只係層樓唔知點算

睇黎都係搵經紀放盤 岩價就賣
再搵地方租

如果唔係咁做，到時受託人又唔肯比我供樓
我又無租地方住而唔批租金比我

倒不如早早賣左佢租地方 再同佢講我要租金依一個項目而批多D比我

菲尼克

a981142 發表於 6-9-2023 14:17
哥姊都無做野?咁邊個養佢地?
租金要提供證明,唔係你up幾多就幾多
老婆還唔到p loan?還唔到銀行唔會借咁多 ...

佢地結婚都係另一伴養

老婆人工唔多  你叫佢供樓又供LOAN 真係頂唔順

菲尼克

定係大家有其他建議方案?

欠一百萬

菲尼克 發表於 6-9-2023 15:59
首先層樓無得加按，因為當初係高成數借
同時間，我差財仔銀行大概200萬左右
如果賣樓應該只係得60-70萬收 ...

頒令了, 你都無權處理層樓啦.

想做返個人

點解要入學??

賣左層樓佢還債啦, 你宜家呢D CASE , 真係好難處理

一定唔會批錢俾你供樓啦

另外供養父母8000 , 你父母幾多歲??
佢地無工作無收入??
如果65歲以上, 佢地本身已經有生果金, 又唔係同住 , 理論上唔會批你供養父母

你入左學, 你賣樓之後既錢都唔係屬於你架喎, 究竟你明唔明咩係破產

最簡單就係你賣樓還債, 就係咁簡單

菲尼克

欠一百萬 發表於 6-9-2023 16:10
頒令了, 你都無權處理層樓啦.

我自己名就係
但依家係聯名，我老婆都有份話事同決定
依家我地都每月供緊....

都唔知個官幾時處理層樓既野
一係我索性今個月開始停供 停到銀行收樓
我地就搬出去住 (同個受託人R返租金依個項目)

咁起碼解決老婆財政壓力 ( 供樓+P LOAN)
起碼賣左樓 比佢還P LOAN先 (佢有一半權)
之後我租樓可以喺生活費扣
咁大家財政上都穩健D

依家又要還P LOAN , 樓又繼續供 真係攪唔掂

菲尼克

想做返個人 發表於 6-9-2023 16:55
點解要入學??

賣左層樓佢還債啦, 你宜家呢D CASE , 真係好難處理

賣左樓都唔夠還我筆債

父母63 同62 歲  無工作無收入
唔批供養, 咁佢地食咩.. 大佬 佢地租金都比幾千

我知破產層樓唔係我
但問題係 依家未賣樓 我要繼續供 但又唔比我生活費供 咁我老婆供唔起  係咪由得銀行收?
定係
我依家唔供 等銀行收
再同官講 我依家唔供樓 無地方住 我要出去租屋住 咁生活費就多項租金項目

Anmi2019

幾時頒令? 受託人係邊間?

菲尼克

Anmi2019 發表於 6-9-2023 17:21
幾時頒令? 受託人係邊間?

8月底頒左
黎緊去交文件
未知受託人邊個住

eileenzhang

都要賣出還債多