|
|
呢排眼見好多人奶晒野!
可以話比大家知,所謂乜乜破産顧問公司,乜七柒專業一絛龍,包你破左4年不用還錢果D,其實佢地先係一條龍專揾水魚,同你諗辦法/懶係關心你/話你個底花晒,係出面其他公司好難再借到/佢就話有方法再揾其他所謂有關係財仔再借錢比你/跟住幫你揾嘛律師,乜春野包破包唔洗還包生仔/跟住就叫你借條新數6至8萬不等,.....
當以上你聽晒佢地講就中晒伏了!,正確嘅做法一定係自己搞老破,揾大間信譽好嘅律師樓,全程收費頂多兩萬樓下全包宴,正當嘅律師樓基本收費都係萬三至萬五內,除非各下D數多到幾十條或以上,咁先至可能額外要另加多三幾千比律師樓。,如再想慳錢自己去高院/破產管理處/搞都得,價錢仲平,9千至一萬內而搞掂曬,睇你自己想揀咩種途徑。
出面果D中介,簡單啲講,借錢畀你嗰個又係佢,律師嗰個又係佢,要你還錢嗰個又係佢,打畀你追數嗰個又係佢,......正所謂佢哋就真係正宗嘅一條龍,係掠水嘅一條龍!
大家唔好再做水魚!!!
|
|