本人因為債務問題,而家共欠約100萬數,:(
幸好全部都係正當銀行,(小新,X銀,恆X,渣X) 我月入$27000 但4間計埋要月供$25000
其實已經還唔到,早排搵左一間 X氏會計師樓幫手做IDRP,收$8000
好處係比我分2期,但係由6月1日到而家,話已經SD左D文件比銀行,但銀行一直都話收唔到,係幾經辛苦之下,又求又喊,先追到佢出到一份文件比銀行,之前仲要我去問銀行拎e-mail or fax比佢地先send到文件,
我心諗有冇搞錯?你地日日都做同一樣野,有咩理由會叫個客問銀行拎聯絡資料?
最慘係,佢一路拖,銀行就會一路追,例如卡數已經到左期..一路都計緊我利息:'(
好喇,,講到依一到,我真係好困擾,日日都冇心機,只係諗住幾時先可以搞掂,
其實破產係咪唯一出路? 我有問過三姓律師樓,佢地收$14500,會唔會不如唔好再搞咩IDRP,不如直接搞破產算?
我又想問下,破產既程序其實係點?我唔係政府工,經自動轉帳,但每月有供MPF,有供醫療保險,我份工有時會有俑金,
可能一年有2-3次,但幾百至一萬都有,睇公司有冇生意,係咪破產後會沒收晒我?
破產都係4年,但我既債都長達6年,...:(
大家可唔可以比D意見我?:'( :'( :'( 好人一生平安
|