找回密码
 註冊
查看: 1597|回复: 12

下個禮拜第一次交年報,先發現唔啱數...

[复制链接]
发表于 10-3-2022 00:42:16 | 显示全部楼层 |阅读模式
首先好感激各位師兄師姐無私分享
小妹都有嘗試爬下文,不過暫時未見到近似case,所以想向大家請教一下我既情況應該點做

我係一個freelancer,主要在機構教班,之前幾年因為家庭收入不穩,由偶爾向信用卡借錢交租,到後來有時要從信用卡直接提款渡日...
雪球越滾越大,min pay了好一段日子,一心諗住前年我老公開始有份長工,細仔又準備升小學,我應該可以take多幾個job慢慢還錢
疫情完全改變了一切... 20年頭開始幾個月所有班停晒,即係我無收入,連min pay都交唔到,我老公話佢都試過miss min pay,無咩點既...
長話短說,上年3月順利入學,從新開始,真係明白大家所講,反而輕鬆得多
我入學時申報既入息正正係我工作十幾廿年最低位,本來我呢行已經係兩個月賺來三四個月洗,再加上疫情,拉返勻每個月得7千幾,一家四口洗費我預到兩萬六
結果主任當時批我每月有$11xxx,即係唔洗上繳,當時已經好感恩

一年過去,同大部分香港人一樣,生活慢慢重回正軌,我教既班大多轉型做zoom,反而比以往接多了job
雖然見到手頭上用到既cash多了,但成年都無認真計過數,諗住有一萬幾千旁下身,隨時教班有咩變化,都容易捱過
直至琴晚終於睇返過往一年既statement,先發現對上一年拉返勻竟然出左16萬糧,比主任批我既多左3萬幾蚊!

綜合大家以往既意見,我相信既然出糧有晒bank statement (雖然唔係每條數都打 "salary",唔少係入支票既),都無得唔誠實啦,否則查到就不妙?
我拉勻既收入都超出左主住批比我既生活費,即係我份年表砌到收支平衡都無用啦?
但係到底我除左全數上繳,仲有無出路呢?
就好似未來呢兩個月,全港被放暑假,我連本身zoom既班都停啦,咁我自己收起放月餅罐既私己咪又要拎返出來...

老實講,相對於入學前每個月一出糧就即刻攞晒去交min pay,如果要我付返些少責任其實都唔應該呻
現實係,半年內我就打算自己帶兩個細路先離開香港(我持加藉護照回加,唔算移民吧?其實牽涉到呢度我仲有好多疑問,如果有過來人懇請報料!)
由於老公自己都有債務重組,我地目標都係自己顧得掂自己就得。所以嚴格來講,我而家旁身既私己就係我同兩個細路預備出發既盤川...
如果主任要我嘔返D錢出來,我係咪話佢知我比唔到,要分期還...

雖然香港今時今日咁樣,如果你問我有無打算將來再返來,我都9成9肯定唔會囉...

感激大家睇完我既千字文!雖然好多細節同我想問既問題未必有關係,不過都希望我既入學經驗可以為有近似經驗既新同學成為點點鼓勵啦
大家加油!

发表于 16-3-2022 07:18:52 来自手机 | 显示全部楼层
欠一百萬 發表於 11-3-2022 00:47
1) 正常情況, 破產期內, 你的收入都係受監管. 你係外國做咩, 開戶口, 申請信用卡, 呢D事都係外國的公司批你 ...

我係其中一個例子,頒令後我就通知距地幾時會走,所有關於錢既嘢都唔可以話係自己比,話老公話阿媽都好,簽個名。我係去uk,過到來申請銀行卡信用卡完全無問題,如果距地要check,我唔敢肯定得唔得,但係我相信唔會去check,到上年年報我填無收入,因為距追蹤唔到(我當),我聽人講,其實如果你移民,距地都費時浪費時間追你,要追都追本地人。
回复 支持 1 反对 0

使用道具 举报

发表于 11-3-2022 00:47:45 | 显示全部楼层
1) 正常情況, 破產期內, 你的收入都係受監管. 你係外國做咩, 開戶口, 申請信用卡, 呢D事都係外國的公司批你, 佢地批你有冇背後查邊到查那裡, 無人知, 批你咪即係用得囉.

2) 如你認為現在情況的收入/支出, 不乎合實際生活, 兩者也有變動,  你隨時可以填表(收入/支出表), 申請重估生活費.

3) 外出與回來的任何使費都唔可以自己出的.
回复 支持 1 反对 0

使用道具 举报

发表于 10-3-2022 07:39:45 来自手机 | 显示全部楼层
多3萬幾就難d喇,搏吓大霧喺支出最底寫買防疫物品(近期d驗孕棒當平均價都成$50/枝),可能都報到1千幾百
回复 支持 1 反对 0

使用道具 举报

发表于 10-3-2022 02:06:28 | 显示全部楼层
blessing 發表於 10-3-2022 02:02
謝謝百萬師兄快狠準回覆
咁我想知,分期有無話一定要幾多期或者幾多錢呢?
另外,上個年度賺突左,係咪即 ...

破署比較寬, 通常係年計, 到時年報時才上繳.

分期要問主任, 你仲有36個月, 可以問分24期囉.
回复 支持 1 反对 0

使用道具 举报

发表于 10-3-2022 01:06:58 来自手机 | 显示全部楼层
睇到眼都花,咁有心機打咁多字
 楼主| 发表于 10-3-2022 01:10:12 | 显示全部楼层
mirror0822 發表於 10-3-2022 01:06
睇到眼都花,咁有心機打咁多字

一周年乘機感懷身世一番:P
謝謝收看!
发表于 10-3-2022 01:15:29 | 显示全部楼层
寫咁多字都係無用, 非常簡單,

收入16萬, 生活費11000*12=132000 , 上繳28000.

你自己用凸左, 唔留錢, 關人咩事. 一次過比唔到, 就申請分期.

主任跟已很好, 明明好好地, 一年復一年咁輕輕過, 係要搞到第2年要分期還第一年錢, 添自己麻煩.

[我拉勻既收入都超出左主住批比我既生活費,即係我份年表砌到收支平衡都無用啦?] 邊有可能會係收支平衡呀?

[但係到底我除左全數上繳,仲有無出路呢?] 無

[就好似未來呢兩個月,全港被放暑假,我連本身zoom既班都停啦,咁我自己收起放月餅罐既私己咪又要拎返出來...] 咁唔係, 你想點 ?
 楼主| 发表于 10-3-2022 02:02:12 | 显示全部楼层
欠一百萬 發表於 10-3-2022 01:15
寫咁多字都係無用, 非常簡單,

收入16萬, 生活費11000*12=132000 , 上繳28000.

謝謝百萬師兄快狠準回覆
咁我想知,分期有無話一定要幾多期或者幾多錢呢?
另外,上個年度賺突左,係咪即係我未來新一個年度都要每個月上繳呢... 定係都係到我下年交年報再同我計數?
发表于 10-3-2022 06:25:49 来自手机 | 显示全部楼层
關於離港果部份 我都係跟主任 我 一頒令交曬文件單聲比主任知就出發離港 完全無問題
 楼主| 发表于 10-3-2022 23:44:57 | 显示全部楼层
posti 發表於 10-3-2022 06:25
關於離港果部份 我都係跟主任 我 一頒令交曬文件單聲比主任知就出發離港 完全無問題  ...

其實我最想知道既係:

1. 我在香港呢個破產既status,對於我人在加既生活有無任何影響呢?例如我過到去要開銀行戶口(正常係香港只可以擁有一個戶口),甚至申請信用卡?佢會唔會要我係香港既信貸資料?

2. 我除左通知主任我會離開,我係咪亦要update返我既收支,等佢再重新批我既「生活費」?especially因為我一拖二過去,老公係香港,咁即係家庭狀況都唔同左?如租金就係要我自己一個孭起

3. 再仔細D計,我回流,機票錢可唔可以自己出?定係都要家人出錢咁先得呢?
发表于 17-3-2022 05:55:58 来自手机 | 显示全部楼层
CindyY 發表於 16-3-2022 07:18
我係其中一個例子,頒令後我就通知距地幾時會走,所有關於錢既嘢都唔可以話係自己比,話老公話阿媽都好, ...

唔好咁大聲 呢度係公海咩人都有^_^
发表于 17-3-2022 06:54:23 来自手机 | 显示全部楼层
posti 發表於 17-3-2022 05:55
唔好咁大聲 呢度係公海咩人都有^_^

可唔可以delete
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 20-11-2026 03:42 , Processed in 0.032629 second(s), 17 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表