找回密码
 註冊
查看: 5632|回复: 12

因為2,3線財務,而要搞次破

[复制链接]
发表于 2-8-2021 15:27:59 来自手机 | 显示全部楼层 |阅读模式
10年前小弟第一次破產,當時數目不多,而且幫我搞既係顧問公司,基本上只有上庭果時顧問公司出現,之後4年既所有野都係自己搞掂,顧問公司亦冇再出現。
10年後,又因為當初自己大洗,不斷買野,之後一線財務還唔到,而走去借二線,今年年頭第一次比收數佬追收數,第一次接觸果間收數好好人,只係要我還番當期還款就可以,不過佢亦有提過搵到其他財務幫我,但係要放低門口,我當時唔明係咩一回事,依次就解決左。
第二次又被收數,果次要一次還差唔多十萬,我跟本還唔到,最後收數就搵左中介帶我去D扣底財借填果條數之後,就踏進依條不歸路,當時搵緊2萬6左右,中介叫左我去三間財務借,每間都係15日數,基本上一個月已經要還三萬幾,我基本上還唔到咁多,期間有不同既中介搵我,因為還唔掂,我就不斷搵中介搵不同既財務借,直到上個月,中介都開始搵唔到財務比我,同時又有D財務唔知咩原因,突然要我全數清還,屋企人六月已經幫過我一次還緊一D,但係問題並冇解決,只係將應該發生既事,延遲左一個月發生,上個月有D財務交左比收數,而家成件事已經成家人都知道,佢哋亦都幫唔到我,收數佬亦都不斷用訊息,whatsapp,電話不停轟炸我屋企人,同時亦在收數搵我公司之前,我已經辭左職,而家變左冇工作,辭職令到對公司既影響減到最低,屋企人方面,已經有屋企人覺得一人做事一人當,叫我出黎搵D收數佬,解決件事。
最後都係決定申破,上星期初比晒資料6C樓,但係到今日都未宣誓,同時我亦都搬離開左我自己住開既地方,但係收數既已經上左門搵我屋企人,我屋企人都臨時離開左果度,但係佢哋電話就不響,因為我換左電話,收數中介同財務都搵唔到我,我唔知之後會發生咩事,第一次申破完全唔覺得係咩一回事,第兩次申破影響好大,我冇左一份做左11年既工作,而家又唔可亂咁出街,有D屋企人又冇左,當然亦都發現原來有D屋企人係非常錫我,申破之後唔知條路應該點行,而家都只係見步行步

扣底財務真係一個無底深潭,真係唔好接觸好過接觸,幫唔你不特止,仲會推你入火坑,中介絕對唔係好人,佢哋表面上好似幫緊你,其實只係幫你越踩越深
发表于 2-8-2021 16:38:39 | 显示全部楼层
本帖最後由 天意弄人 於 2-8-2021 16:40 編輯

我都搞梗次破,因為等梗有啲文件所以而家仲未宣到誓,我爭幾間一線個幾月未入數已經好驚,好在有師兄師姐話一線應該唔會有過份行動但我都好怕佢哋會上門,希望順順利利快啲入咗學先之後嘅嘢再見步行步,一日未見過主任/外判我都仲未可以放心,大家一切加油!
发表于 2-8-2021 19:18:29 来自手机 | 显示全部楼层
天意弄人 發表於 2-8-2021 16:38
我都搞梗次破,因為等梗有啲文件所以而家仲未宣到誓,我爭幾間一線個幾月未入數已經好驚,好在有師兄師姐話 ...

加油!見步行步, 希望你順利
 楼主| 发表于 2-8-2021 22:10:06 来自手机 | 显示全部楼层
天意弄人 發表於 2-8-2021 16:38
我都搞梗次破,因為等梗有啲文件所以而家仲未宣到誓,我爭幾間一線個幾月未入數已經好驚,好在有師兄師姐話 ...

加油,我三間一線都差緊兩個月,其中一間已經上左門
发表于 2-8-2021 22:21:07 | 显示全部楼层
pong01 發表於 2-8-2021 22:10
加油,我三間一線都差緊兩個月,其中一間已經上左門

師兄請問你邊間上咗門?佢哋會做啲咩?
发表于 2-8-2021 22:27:20 来自手机 | 显示全部楼层
天意弄人 發表於 2-8-2021 22:21
師兄請問你邊間上咗門?佢哋會做啲咩?

無野做 只係銀行委托左收數公司
佢地會上黎俾封信你。
发表于 2-8-2021 22:35:08 | 显示全部楼层
caritalau 發表於 2-8-2021 22:27
無野做 只係銀行委托左收數公司
佢地會上黎俾封信你。

即係佢哋唔會出信話會將條數交俾收數公司而係直接收數公司上嚟比信我?我而家真係好驚,屋企有老有嫰,我仲等梗保險公司寄返資料比我我先比到律師再約宣誓:'(
发表于 3-8-2021 02:03:11 来自手机 | 显示全部楼层
我試過x信銀行脱左兩期,之後宣好誓,有晒破產號碼,但x信仲擲左俾收樓公司,間收數打俾我,凶我要還全數及手續費,我話佢知我有號碼了,x信仲on居居叫收樓叫我還錢。我的經驗係收數開始只係電話……
 楼主| 发表于 3-8-2021 09:08:03 来自手机 | 显示全部楼层
天意弄人 發表於 2-8-2021 22:21
師兄請問你邊間上咗門?佢哋會做啲咩?

因為我已經搬走唔係現場,我屋企人話會不斷大大力拍門,拍左成個零兩個鐘先肯走,最後攝左封信係門口,果間係Ux,咁我最大果條數就係依間
发表于 3-8-2021 09:11:45 | 显示全部楼层
pong01 發表於 3-8-2021 09:08
因為我已經搬走唔係現場,我屋企人話會不斷大大力拍門,拍左成個零兩個鐘先肯走,最後攝左封信係門口,果 ...

拍個零兩個鐘咁耐佢擺明要比隔離鄰舍知啦, 師兄方唔方便講你爭UX 幾多錢呀
发表于 3-8-2021 09:54:12 来自手机 | 显示全部楼层
點解師兄仲未驚?第二次申破 五年 無啦啦真係冇咗9年時。
 楼主| 发表于 3-8-2021 14:16:21 来自手机 | 显示全部楼层
阿三妹妹 發表於 3-8-2021 09:54
點解師兄仲未驚?第二次申破 五年 無啦啦真係冇咗9年時。

其實又唔係唔驚既,要二破都只係冇辦法之中既辦法
 楼主| 发表于 3-8-2021 14:19:07 来自手机 | 显示全部楼层
天意弄人 發表於 3-8-2021 09:11
拍個零兩個鐘咁耐佢擺明要比隔離鄰舍知啦, 師兄方唔方便講你爭UX 幾多錢呀 ...

我諗佢都應該係既想比D鄰居知
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 21-11-2026 01:29 , Processed in 0.028911 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表