|
這四年在這里見到多太人破産,資不抵債!自己身同感受... 我哩十幾年埋頭苦幹.就算份工做得辛苦或受氣.都死忍. 全因我有一個長期唔返工的前夫,在未離婚前佢祇做過3.4份工, 每一份唔會做超過2個月.一般返20幾日就唔返工. 話唔啱做之类.哈哈.我梗係有吵過,但次次佢都話:我使無工開.係唔啱做先唔去做.…之前住板間房, 佢就話隔離好吵.話要搬屋.話搬屋後去見工. 咁我梗係搬啦.點知搬完後佢返咗工一個月都無又失業啦!跟住又一年啦. 又話要搬屋.又話隔離吵住哂.咁我又搬啦.搬完屋後佢又有工開.好景不長又係返咗一個月出咗糧又唔返啦. 跟住我老豆走咗我亦用咗好多錢.之後流住眼泪.同佢講叫佢自己擔起頭家.結果…無。 .又過咗年幾.又話要搬屋啦,話想住好D到時一定會去工作.二個人有返工唔會租唔起.怕咗住板間房。 我話好.我本身份糧都係一萬咁多.欠落卡数還得好辛苦.基本係還最低還款額... 結果俾咗最後一次機會佢.照搬屋.點知…又係返咗20日工又無返....最惨搬咗唔够3個月又話想住哩到又話要搬..我唔肯就發我皮氣.又嘭檯又門.. 今次我死都唔搬.佢死都要搬!最後我提出離婚.我走先.... 結局:我都係無力還債!!好彩我走得快好世界,搞破産好過諗唔開去死. 下個月就四年啦…時間過得好慢但我會去等…等新开始.... |