|
|
我舊年12月中頒令,我搵律師搞,律師差唔多時間已通知我法庭冇challenge文件,所以果日正常頒到令。由於需要開戶,我頒令日前一日打比破署主任希望攞開戶信,佢好好人,約我頒令日上去,教我填好開立/保留儲蓄帳戶form, 仲提醒我如果我破產前有其他銀行戶口,佢哋有機會要清晒記錄先可以開戶,於是我自己最後決定去x銀開,因為從來冇响果度開過account。
頒令日我按時上去帶定填好嘅form, 加僱傭合約、糧單及身份証嘅副本。約一個鐘多D就有,全程坐响外面等,唔使入去見主任。一收到信,我就去附近x銀開account, 職員都好熟手,佢收咗破署信正本,用咗大半個鐘就搞掂,一蚊都唔使入戶口就開到。佢話依家已經冇薄仔,會每月寄月結單,提款卡一星期內有。之後我就打去永x約時間交文件。
月尾上去永x,由於我已經印好佢要嘅文件,填好所有forms, 過程佢會同我核對一次份問卷,再額外問下問題,到收入開支表,佢話我爆哂,我話係㗎,佢就幫我計計條數平衡番。。。但我依家先記得收入有$1500 MPF未扣...。個幾鐘後,職員出去問老頂,之後再問我幾條問題就走得。我問佢係咪有外判呀開會呀,佢話佢地只係收文件,叫我有咩問題就搵主任。
有新消息再同大家講。 |
|