|
|
大家好...其實我準備入學準備左成年...都準備唔到咁....
我欠左一線,二線,扣底卡仔數...夾埋有幾十間?
係好彩冇借電話數...
因為屋企人全部轉曬電話,我亦搬走左
時間都過左一段時間
所以而家已經冇收數電話同間唔時有信收
咁但係唔知係唔係經濟差...收數又開始上門
咁而家想入學,但搵律師真係有D貴....加埋之前剩底既按金都仲要成差唔多17000
有錢都想留個錢係身
咁就想自己入學
然後我打過去明X問下野啦...
個社工就話我拎返過D公積金同埋銀行記錄都多大額錢銀來往
自己舉手可能要宣幾次誓
錯左又要再搞過
我想問下其實我自己舉手,即使要來來回回,但我都申破到架可?
因為D收數要做既都做既,要通天都通天曬
只係我想正正式式申破,比家人安心
同埋最緊要係破到...我好擔心破唔到
另外就係稅果度我未交,被追中
我想知我有no.後係唔係同返稅局講我申破就OK了
P.S:其實所有錢都已經用曬係搬屋同生活費之類...我冇曬錢架啦...追我都冇用
我知我好多野問...但因為我好混亂,爬完文都係好迷茫
搵社工又唔幫我,話人手問題
問律師就話下下要錢...
如果大家可以幫幫我就好...萬分感謝
|
|