找回密码
 註冊
查看: 4720|回复: 19

細佬借錢唔還 可以點做

[复制链接]
发表于 23-8-2020 14:59:57 来自手机 | 显示全部楼层 |阅读模式
細佬借咗 三條信用卡、 三間一線TU財
由2019年10、11月左右從未還錢。 年尾話會搞破產,實際從未搞過。 到目前為止利疊利總共50萬。
收數公司除咗上門、電話,我唔知仲會點。
好擔心佢。 但好似由頭到尾得我自己擔心, 我諗過拎我唯一儲起嘅儲蓄保險拎出嚟救佢,但原來個度斷供拎返先得4萬左右,連本都拎唔返。

今日佢前女友又搵我,話佢欠緊成5萬蚊未還過,叫我幫佢。我都想幫佢還,但我實在係冇。

細佬而家同女友搬咗返屋企住,家庭開支我每個月除咗家用仲要再俾多 5000蚊。每個月份糧都係一出就清。 我連想儲都儲唔到。 自己咩都慳,但佢就老奉咁又要呢樣個樣, 日日唔係買嘢食買嘢飲就係嫌屋企伙食。

我哋成家人都冇錢, 老母就退休,仲要養埋姪女,我已經好大壓力,驚連累到男朋友,呀媽仲要我男友俾20萬禮金先好娶我。都諗過係咪分手算⋯費事害人,成家都係諗住靠人同老奉。

我唔知可以點做。叫佢去申請破產,佢話佢儲左現金再申請。但唔知又拖幾耐。

岩岩打咗去收數公司, 佢哋開2個方法:
1. 一筆幫佢清 / 叫佢本人打俾佢哋傾
2. 我代佢還, 可以傾點分期,但要轉落我個名。但我份工係入TU, TU一郁HR就會知。上星期先有同事因為借左財仔所以被炒。我唔想俾人炒,到時就真係成家人都唔知點搞好。

佢而家其中一間已經出律師信, 係咪代表嚟緊會幫佢搞破產?
佢本人唔申請破產、 又唔還錢, 咁會點樣?
发表于 23-8-2020 15:09:41 来自手机 | 显示全部楼层
一句講哂一定唔可以幫佢還
 楼主| 发表于 23-8-2020 15:26:12 来自手机 | 显示全部楼层
M_E 發表於 23-8-2020 15:09
一句講哂一定唔可以幫佢還

我係想幫都幫唔到 但我都明
发表于 23-8-2020 16:49:59 来自手机 | 显示全部楼层
皇帝唔急太監急!你咁樣佢一定會仲有下一次。。。所以最好咪出手,等佢自己解決!
发表于 23-8-2020 17:15:02 来自手机 | 显示全部楼层
呢啲情況成家都冇當你屋企人就梗係同男友傾下夾你自己一野搬出去斷佢地六親,以後家用照實際能力比但其餘問題就各行各路
发表于 23-8-2020 17:18:52 来自手机 | 显示全部楼层
呢啲情況正常唔係你走就係個細佬走,唔好比屋企人累左自己一生,比個時限佢攪唔掂就自己斷佢六親啦
 楼主| 发表于 23-8-2020 17:41:05 来自手机 | 显示全部楼层
help 發表於 23-8-2020 16:49
皇帝唔急太監急!你咁樣佢一定會仲有下一次。。。所以最好咪出手,等佢自己解決! ...

我同佢傾過少少 我信佢想自己解決
只係想知道到底佢應該自己去申請破產比較好? 定係等落去就會被財仔嘅律師申請破產
 楼主| 发表于 23-8-2020 17:43:31 来自手机 | 显示全部楼层
knowthyself 發表於 23-8-2020 17:15
呢啲情況成家都冇當你屋企人就梗係同男友傾下夾你自己一野搬出去斷佢地六親,以後家用照實際能力比但其餘問 ...

我最唔想睇到 但我知呢個係事實
每個都自私為自己 從來都係我先諗咗佢哋先⋯
多謝你 我會認真考慮吓
发表于 23-8-2020 17:43:36 来自手机 | 显示全部楼层
knowthyself 發表於 23-8-2020 17:18
呢啲情況正常唔係你走就係個細佬走,唔好比屋企人累左自己一生,比個時限佢攪唔掂就自己斷佢六親啦 ...

無錯。。。我都覺得現階段佢細佬衰到咁仲好似老馮咁,擺明就係唔怕,因為有人幫佢善後!咁既情況幫佢真係累死埋自己!呢度好多師兄師姐未破前都怕累左家人而諗辦法,但佢細佬反而射個波俾屋企。。。。。旁觀者角度,咁樣真係唔值得幫!
发表于 23-8-2020 18:37:09 来自手机 | 显示全部楼层
仆街仔借錢唔還 發表於 23-8-2020 17:41
我同佢傾過少少 我信佢想自己解決
只係想知道到底佢應該自己去申請破產比較好? 定係等落去就會被財仔嘅 ...

財仔同信用卡唔會主動申你細佬破只會交出去比收數公司,一定係佢要自己攪掂,加上而家積左好多case,由入紙到頒令起碼3個月,不過如果佢全部借既都係大公司正常你一入左紙就會停手。仲想做屋企人咪叫佢拿拿聲入紙吧啦
发表于 23-8-2020 19:00:17 来自手机 | 显示全部楼层
主角都唔急,理9佢
发表于 23-8-2020 21:37:46 来自手机 | 显示全部楼层
幫佢還錢就無可能,最多幫佢出萬幾蚊攪破,跟住唔洗再理佢
 楼主| 发表于 23-8-2020 22:29:17 来自手机 | 显示全部楼层
roywong1003 發表於 23-8-2020 21:37
幫佢還錢就無可能,最多幫佢出萬幾蚊攪破,跟住唔洗再理佢

其實已經出咗, 但佢話搞咗定唔知點,總之而家就係未搞。
 楼主| 发表于 23-8-2020 22:30:30 来自手机 | 显示全部楼层
knowthyself 發表於 23-8-2020 18:37
財仔同信用卡唔會主動申你細佬破只會交出去比收數公司,一定係佢要自己攪掂,加上而家積左好多case,由入 ...

我仲打算等財仔佢哋出手被動破產...咁講即係只有勸細佬早日去搞啦
发表于 24-8-2020 00:43:07 来自手机 | 显示全部楼层
仆街仔借錢唔還 發表於 23-8-2020 22:30
我仲打算等財仔佢哋出手被動破產...咁講即係只有勸細佬早日去搞啦

被動上門就會,你只有要求佢本人馬上去攪
发表于 24-8-2020 01:36:11 来自手机 | 显示全部楼层
仆街仔借錢唔還 發表於 23-8-2020 22:29
其實已經出咗, 但佢話搞咗定唔知點,總之而家就係未搞。

1. 唔好再諗住幫佢還喇,一定會再有下次。
2. 唔好再有錢經佢手,出咗果d錢睇死佢已經用埋。
3. 如佢名無物業/車,快d搵夠錢萬零蚊(自己去破署舉手~萬零蚊,經律師樓搞約萬3至萬5)。
4. 搵齊所有債權人月結單/合約(邊間銀行,AC no. ,依家總欠數)。
5. 如有MPF&保險,都要搵埋資料。
6. 捉埋條死仔去破署/上律師樓搞申破。
7. 到時記得填埋前女友條數落去,不過要知佢全名同地址資料。
8. 問埋佢有無欠電訊商錢,如有,填埋。
 楼主| 发表于 24-8-2020 09:55:52 来自手机 | 显示全部楼层
唔該晒你 好清晰
发表于 25-8-2020 21:29:21 来自手机 | 显示全部楼层
仆街仔借錢唔還 發表於 23-8-2020 22:29
其實已經出咗, 但佢話搞咗定唔知點,總之而家就係未搞。

你這個家姐,已經幫他很多次,包括無條件幫他支付申請[破產]的一萬多元費用。
已經是仁至義盡!

到現在,你的弟弟依舊持着(闊佬懶理)的態度,很大程度上,是由你這個家姐逐漸促成的,各網友們,你們認為……我的陳述……贊同否?

這一刻,我想到有效辦法,就是……最好盡快搬出去自住。
每一個月,只給你老媽足夠生活費(不要多),不然,會很大可能,讓你的弟弟佔據它。
總之,你從現在開始,就是盡量不要過問你弟弟的情況,以及不要再給予他金錢!
這是,最有效的方法(我個人認為),各位網友,你們同意嗎?
发表于 29-8-2020 00:10:25 来自手机 | 显示全部楼层
hotbird 發表於 25-8-2020 21:29
你這個家姐,已經幫他很多次,包括無條件幫他支付申請[破產]的一萬多元費用。
已經是仁至義盡!


我諗唔係樓主促成佢細佬咁,而可能係佢媽媽促成個仔咁,尤其係如果佢媽係重男輕女或只當子女係搖錢樹的話。。。anyway我同其他樓主睇法有少少唔同,樓主同佢家人似係欲斷難斷,未能狠下心一搬了之,想搬但未必搬得成。。。或者樓主可以考慮上網搵下破產所需既文件同搵6c,同家人平心靜氣咁攤牌,要求細佬準備好d文件,搵日請假親自夾你細佬上6c到搞破產(搞手續你預可能2至4日,未必係連續既),唔係你細佬只會拖字訣濶佬懶理
发表于 29-8-2020 02:29:11 来自手机 | 显示全部楼层
最多就上冂,放心吾会放火架,上一次报一次警,另外叫尔细佬自己去面对,吾洗怕追敖数
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 20-11-2026 13:34 , Processed in 0.048137 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表