|
|
发表于 13-6-2020 02:59:20
|
显示全部楼层
本帖最後由 Anmi2019 於 13-6-2020 03:01 編輯
水電煤單(要一年嗎?)依家只係交文件, 你可以俾最近1期(1張)單. 但到下年交年報時, 就要俾哂12個月(由成功頒令果日開始計到下年頒令日前1日/月)嘅單
寬頻上網 手提電話(呢兩個係電子單照印比佢就得?)可以
藥費單(我媽係長期病患,每個月藥費好甘,係咪比返診所收據佢睇就得?)
可以, 喺收支申報表, 其他支出註明
同屋企人一齊住唔駛比租,咁我仲有冇啲咩文件準備定好啲?
間屋係屋企人買咗, 所以唔駛俾租定你收入少, 屋企人唔駛你俾租呀? 如前者, 你可以搵下有無差餉, 管理費單. 如後者, 你都可以照報每月租金. 有單喺手就可以當每月支出報, 除咗屋企人仲有邊個知你有無真係俾錢出嚟姐.
關於26頁問題:
1. 會籍果度我有健身會籍(不可轉讓),駛唔駛報?
照報(第23.) 依D無價值, 破署唔會充供.
2. 佢最尾果度問幾時發現自己還唔到並且停止還款,再接住問有冇借貸。我想問直到我提交呈請時一直有還MIN PAY(或多少少),早兩個月我仲傻更更諗住捱得過兩個月返工回復正常可以還到就申請左現金分期數冚數,同埋用左當中2-3000當生活費。呢個情況我係咪照報就得?都算係發現自己還唔到再借嗎?
照寫先, 最好寫清楚日子(幾時申請, 2,3千用咗邊個月生活費), 主任/外判睇完覺得解釋得唔清楚, 會叫你再詳細解釋.
同埋佢後面問果啲借貸詳情,係咪填現金分期果單落去?其他用卡黎食過老麥果啲唔駛報吧?
填現金分期果單就可以.
3. 有啲MPF果啲我以前有工供過,而家冇供但佢又要我填公司同薪金。我而家返PART TIME冇唔知填乜......係咪等到時見到人先問定點?
你講梗22a. (ii)? 你以前有供過, 果間強積金公司每年應該會寄噃份年報資料俾你(有供款結算), 你搵噃份年報照填. 如果搵唔到, 你要聯絡果間強積金公司, 叫佢寄噃俾你, 交文件時都要提供.
好多謝咁多位師兄師姐解答問題呀。由之前未申破好徬徨到而家慢慢定左一樣樣解決,好高興有呢個地方可以幫到我呢啲新手。
啊,最後仲有一個問題:如果係之後開戶口,想問下東X/大舊仲有冇純儲蓄戶口申請(好似見佢地全部都綜合戶口)?我屋企附近係呢兩間就腳又冇牙齒印,如果唔係仲有邊間可揀呢?唔想痕身喇...想揀返啲冇牙印的。
唔知東X/大舊仲有無, 要你自己去問. 獅子有無牙齒印? 有師兄之前開到. 唔好只諗就腳喇, 總之邊間無牙齒印, 又有普通存款戶口, 開戶 又唔貴又俾你開, 就開啦!
|
|