|
|
发表于 22-5-2020 11:43:55
|
显示全部楼层
請問而家是否要排好耐先可以入到學?
按破署及法庭暫時網上資料, No. 222X, 排到7月21先上庭頒令, 要2個月.
我見討論區話吾會凍結,會有號碼才凍結,咁請問有號碼到拎解凍信要幾耐?
解凍信係指破產前定成功頒令後搵主任/外判拎果封?
如講破產前果封, 經律師樓去申請要另外收費. 律師樓去法庭入紙排期時(就有No.) 跟手同時申請, 但封解凍信要等法庭另外批出.
記憶中無同學回覆實際幾時拎到. 只記得有同學話俾咗錢律師申請, 到上庭頒令當日都仲未收到, 最後都係要搵主任拎(舊年等上庭頒令約個零月).
如講破產後果封, 成功頒令當日可即時約主任/外判拎, 但時間佢哋安排.
而戶口會唔會凍結, 首決於你有無欠該間銀行錢, 有欠就一定凍! 但有同學2個戶口都無欠, 但1個凍1個無凍(我懷疑關普通存款戶口定綜合理財戶口事, 但依點要等同學俾多D詳細資料先可作實), 所以入紙後唔建議繼續用.
另我又在網上見有咩資詢公司,佢話可幫手一早去排隊,即日申請埋解凍戶口,咁公司就吾會知,請問是真的嗎?
語言的藝術, 去法庭入紙/申請咩都要拎籌, 每日有限額, 所以要早D去排隊拎姐. 而解凍戶口梗係即日申請埋, 唔通因你而搵職員去2次? 不過佢無話實即日定幾時拎到喎.
同埋請問搵律師攪,是否就不用上庭?要上律師樓幾多次?因本人要番工,怕冇咁多藉口請假
唔同律師樓有唔同做法, 要問清楚佢個收費包咩. 如拎破產前封解凍信收幾多錢; 包唔包代你上庭; 法庭文件邊個填; 邊個去法庭入紙拎No.; 包唔包填4年年報; 夠期解除破產令時邊個去法庭申請......
而一般律師樓, 要上去律師樓2次. 第1次~帶齊資料文件去會面, 填份表, 俾錢, 約1個鐘. 第2次(快則約會面後2~3日, 慢則1~2個星期)~自己核對清楚所有法庭文件, 確定簽名, 之後等見律師宣誓, 約1~2個鐘. 之後再等佢安排職員去法庭入紙, 拎到No.後會通知你.
|
|