找回密码
 註冊
查看: 7100|回复: 53

今日拿起心肝同屋企人講欠債一事

[复制链接]
发表于 10-1-2020 04:07:04 来自手机 | 显示全部楼层 |阅读模式
我本身自己屋企人都有佢哋既公司,樓宇,生活算中等吧。今日同屋企人講,佢哋既反應系唔會幫,因為我唔係第一次因為賭㔾欠債,屋企人之前都幫過我唔少了。佢哋話唔會再相信一個賭徒。睇嚟破產既路會越嚟越近,而家最大嘅另一問題就系老婆,因為佢系未知我既事,因為過去十年我系老婆面前都掩飾得好好,我想唔到如果佢知道真相之後既影響系幾大,但我相信百分之99系離婚收場。

入正題,有睇過我post既師兄師姐都知我欠既系2.3線財,一共30間,大概70幾萬左右,另外我有一架車,車既去向我想轉比人,因為本身架車都係我老頭系3個月前轉比我,我唔想佢比人收埋架車
 楼主| 发表于 10-1-2020 04:18:48 来自手机 | 显示全部楼层
我知咁樣系財產轉移,但我打算話賣車既錢㔾用黎還債,單據㔾準備好,希望咁樣行得通。我本身中5畢業,我相信自己填表應該冇問題嘅,因為平啲同有臨時号碼好似比較快。最緊要係睇過唔少文章話6司做嘢比較差,所以現時都系打算自己搞破。希望咁多位未來嘅同學可以比點意見,我打算過完年後去搞。黎梗份双糧我估都有6.7萬左右,賭就唔會拉,還到幾多就幾多,可能有人話打算破產重還黎做乜,但我算系一個有責任,盡咗做債仔既能力,並唔係存心破產。
 楼主| 发表于 10-1-2020 04:30:15 来自手机 | 显示全部楼层
現時最急既系過年前我重有十幾二十間未知點供,系由15號一路掃到月尾,希望過年前頂住,我唔想過年前搞離婚,所以要捱到過年後先搞。問題黎拉,我所有還款記錄都系轉數快,系咪到時問銀行print翻紀錄就得?系手機入面影相嘅單接受嗎?另外我月入4/5萬左右,但因為本身有公屋,公司只幫我自動轉帳22000左右,其他都系現金,我向財仔借錢時系報收入4/5萬,但係破產時我想報我收入只係22000,咁樣會不會比人告我虛報資料?另外我因為就孩子上學地方我有另一個屋都系租既,咁我報破產時不報我有公屋會比人查到嗎,因為租金生活費我想報翻高啲,因為公屋租金只係1500,而另一個單位就4800
 楼主| 发表于 10-1-2020 04:34:00 来自手机 | 显示全部楼层
强積金既信我好耐冇收過,點樣可以攞翻資料?上網得嗎?另外保險我只有一份家人代買既危疾保險,沒有任何價值的,我又要預備咩呢?希望各同學好好解答我嘅問題
发表于 10-1-2020 09:33:00 来自手机 | 显示全部楼层
冇路可行 發表於 10-1-2020 04:34
强積金既信我好耐冇收過,點樣可以攞翻資料?上網得嗎?另外保險我只有一份家人代買既危疾保險,沒有任何價 ...

上返你用果間強積金公司網站
好多都有自己網站 登入返戶口通常都有記錄
发表于 10-1-2020 10:10:46 来自手机 | 显示全部楼层
我之前搵料 都係直接打去個間mpf公司 問佢成員號碼呀 仲有幾錢係入邊咁
发表于 10-1-2020 16:09:46 | 显示全部楼层
車又轉移,入息又報細,公屋唔報,報一間私樓。咁你唔使擔心生活費。你入去坐硬。:lol
发表于 10-1-2020 17:42:51 | 显示全部楼层
其實交呈請書28C同表3時,唔須要俾咩單據証明,係有料喺手填時清楚d,証明文件喺頒令後先要俾。

1. 車~頒令後交文件時,可能須要提供有關買賣合約,車輛過戶通知書(運輸署表格TD25)……果d文件去証明。如果無証明文件,就算砌到條數 話d錢用嚟還債,都博唔過。
上網搵到 **申請車輛過戶時,買賣雙方須以運輸署表格(TD25)申報汽車的成交價。如申報的成交價高於車輛上次的應課稅值、免稅配件價值(如有)、非由製造商所提供的保養服務未滿期部分價值(如有)及首次登記稅的總和,舊車主應填妥運輸署表格(TD468),向香港牌照事務處申請批准,並須在過戶手續生效前,繳付附加稅。**

2. 還款記錄~唔係要睇你還款記錄/合約,係填呈請書(28C)時須要填債權人全名,地址,現時大約欠款,依d資料。因有30個債權人,記得預備多幾張《B表~無抵押債權人》依頁,填清楚d,第5欄照第4欄填,另第4欄填完下面最好寫埋AC. no.。
去破署網睇吓
https://www.oro.gov.hk/cht/publications/debtor.htm

3. 人工~要睇噃公司稅單報你幾多(頒令後要提供近3年報稅表)。

4. 住址~小朋友返學果面個地址有無水電煤……最近期嘅單據 (頒令後要交《收支申報表》到時須要提供相關單據。此表交28C後會連同《對破產人的初步訊問》俾你填,而主任/外判之後會按此表傾生活費)。
如有單據,記得全部表格住址填依個,公屋地址唔好填,不過破署有信寄俾你都會寄去依度。
點解你住喺近學校果個地址而唔住公屋? 有好多理由藉口,自己諗定。

5. 強積金~樓上同學答咗你。搵定份合約。

6. 危疾保險~照填保險公司名,保單編號。搵定份合約。

另save 定所有銀行儲蓄戶口,信用卡戶口近半年至1年月結單/交易記錄。

上破署網~公用表格,睇定 #17. 每月收入及開支評估表格 & #18. 初步訊問報告,你就明我講咩。
https://www.oro.gov.hk/cht/pforms/pforms.htm
发表于 11-1-2020 01:20:11 | 显示全部楼层
本帖最後由 flypig 於 11-1-2020 01:23 編輯

c 弟,就咁睇落,好大問題。
你月入幾多可以隨意亂報咩?
人地一對數就麻煩。最多人犯刑事,報紙睇,就係虛報資料借貸。
你月入幾多,應跟報稅表,否則即係暪稅;P
至於你舊時月入5萬,借完錢未報稅之前,收入少左,其實講得通。但銀行statement, 人地有機會睇到。
发表于 11-1-2020 01:25:14 | 显示全部楼层
本帖最後由 flypig 於 11-1-2020 01:33 編輯

我睇法係,
1 萬一人地告你,刑事黎你玩唔玩得起?
2 如果你點都決定照破,其實愈快愈好。早破早解破。
3 至於太太,你話之佢。唔需要等過年之後。其實上天對男女不公平。時間對男性大大有利。聽日佢要走,過幾年佢就好大機會後悔。
4 如果你唔想玩刑事,就盡快清左虛報的 先再搞老破。
中間收數話之佢。淋油當佢畫畫,貼你大字報你搵張5大訴求冚左佢,隨時警察睇實令到佢再貼街招都驚俾人拉。咁最好快快離婚添,廢事搞到太太。
 楼主| 发表于 11-1-2020 10:10:27 来自手机 | 显示全部楼层
其實我再講白小小,我系幫家人打工的,因為我㔾經有公屋,所以收入不能過入息限額,而公司報稅同每月既自動轉賬人工都係20000左右,其他25000系比現金我的,呢啲現金冇系户口到出現過。但我系財仔借錢時我同財仔講我月入45000,有部分現金同自動轉賬,我亦有比過某部分財仔睇過我每月既一張非常簡陋嘅糧單。
 楼主| 发表于 11-1-2020 10:17:50 来自手机 | 显示全部楼层
車個到我現時未決定點搞。Anmi師姐,我想問下破處只會要我提供地址?佢知唔知我有公屋?我有2個地方系因為另一個地方方便小朋友翻學
发表于 11-1-2020 11:36:27 来自手机 | 显示全部楼层
我覺得去到呢步……老老實實身報唒所有野……四年後從新做人拉
发表于 11-1-2020 12:53:41 | 显示全部楼层
本帖最後由 66868686 於 11-1-2020 12:55 編輯
冇路可行 發表於 11-1-2020 10:10
其實我再講白小小,我系幫家人打工的,因為我㔾經有公屋,所以收入不能過入息限額,而公司報稅同每月既自動 ...

虛假陳述申破
雖然你話另外25000 無出現在銀行紀錄,但破署有權向財仔查詢你借貸資料
发表于 11-1-2020 13:55:09 来自手机 | 显示全部楼层
flypig 發表於 11-1-2020 01:25
我睇法係,
1 萬一人地告你,刑事黎你玩唔玩得起?
2 如果你點都決定照破,其實愈快愈好。早破早解破。

(收數話之佢。淋油當佢畫畫,貼你大字報你搵張5大訴求冚左佢,隨時警察睇實令到佢再貼街招都驚俾人拉。)

係等入學期間一點歡笑
发表于 11-1-2020 15:39:03 来自手机 | 显示全部楼层
你應該搵個律師問下
发表于 11-1-2020 15:58:31 来自手机 | 显示全部楼层
冇路可行 發表於 11-1-2020 10:17
車個到我現時未決定點搞。Anmi師姐,我想問下破處只會要我提供地址?佢知唔知我有公屋?我有2個地方系因為 ...

勸你車唔好搞咁多嘢,照報啦。
你果個地址有無全部相關單據(唔好租報依果,其他水電煤就報果個),租單有埋釐印&其他單據有噃一年半載記錄就最好。
講真,有2個地址好出奇咩。你話俾小朋友返學姐,包阿3邊個知 :D
查到公屋有名又點? 除你名? 依家香港有公屋名嘅人,實質又有幾多個人仲住喺果度。同屋企人嘈,俾人趕走,要唔要搵地方住!
識得玩報稅,相信好多嘢唔須要再講咁白!
发表于 11-1-2020 15:59:39 来自手机 | 显示全部楼层
Nicklaickck 發表於 11-1-2020 13:55
(收數話之佢。淋油當佢畫畫,貼你大字報你搵張5大訴求冚左佢,隨時警察睇實令到佢再貼街招都驚俾人拉。 ...

我睇到都笑咗 :D
发表于 11-1-2020 16:02:15 来自手机 | 显示全部楼层
flypig 發表於 11-1-2020 15:39
你應該搵個律師問下

佢哋仲叻做古惑嘢 :P
 楼主| 发表于 12-1-2020 03:23:29 来自手机 | 显示全部楼层
Anmi2019 發表於 11-1-2020 16:02
佢哋仲叻做古惑嘢

乜破產處真係會向財仔查詢我借錢時嘅資料咩?咁如果我申破前離職,咁姐系冇虛報資料拉?因為我都唔想搞到屋企人公司,唔再系到做,就冇問題,放棄架車,都冇問題。咁系咪唔會比人告?
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 20-11-2026 02:19 , Processed in 0.037439 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表