找回密码
 註冊
查看: 4574|回复: 21

唔知點算好⋯

[复制链接]
发表于 12-3-2018 03:31:48 | 显示全部楼层 |阅读模式
大家好!我今年25歲而家外債大約去到30萬
Aexx 9萬(卡數加現金套現)
Citxbank 2萬幾 (卡數)
大x銀行 8萬
邦x 5萬
Welxxd 2萬

咁我每個月都準時找數無遲還嘅
每個月都要用大約1萬蚊找數
最近我轉左份新工 大約有2萬一個月
其實而家係應付到外債 但問題係儲唔到錢
因為同女朋友一齊都一年有多 想同佢計劃將來
所以一直都想搵分法整合我嘅外債
但無奈tu 得I grade 份工又做左唔長 無公司幫到手
所以一直都留意緊債務重組呀相類似嘅計劃

最近就俾人昆左去中介公司 佢就說我做破產(其實做iva都得)
不過佢2樣比較之下
我都覺得破產係可以快啲重建我嘅人生嘅
所以就決定做破產啦
不過破產都要用錢
就係咁我就俾帶左去3線財仔借左4萬做破產
係中左伏嘅 但算啦都已經無辦法

前幾日同左女朋友講我準備做破產
一開始都無問題嘅
但之後佢就上網見到好多人話申請左破產都照俾人追數呀
佢就好驚會影響到我事業
之後又鬧大交啦⋯

而家其實因為破產個邊未交齊資料俾律師嘅
我諗緊可唔可以轉返做iva
有冇師兄師姐可以俾啲意見我呀⋯⋯


发表于 12-3-2018 06:31:04 来自手机 | 显示全部楼层
你呢個問題要問返你畀咗四萬蚊嗰位律師去搞番, 不過記得錄音日後留證據
发表于 12-3-2018 06:43:42 | 显示全部楼层
cmc903 發表於 12-3-2018 06:31
你呢個問題要問返你畀咗四萬蚊嗰位律師去搞番, 不過記得錄音日後留證據

(好多騙徒, 躲在「專業名銜」之内...
发表于 12-3-2018 06:44:25 | 显示全部楼层
你未入紙宣誓都有得選擇
問題係你已經俾4萬律師費
你唔破都唔會俾返你去搞IVA
你一開始不如考慮IDRP或DRP比較好
最重要你搞IVA可否保證自己唔會斷供
因為一斷供已付出的供款及時間就白白浪費只好進入破產
條路點走自己想清楚唔好心大心細
到時搞到自己錢就付出債項增加
問題又解決唔到
咁就真係自己找痳煩
发表于 12-3-2018 07:03:38 来自手机 | 显示全部楼层
cmc903 發表於 12-3-2018 06:31
你呢個問題要問返你畀咗四萬蚊嗰位律師去搞番, 不過記得錄音日後留證據

佢話佢借咗3線4萬搞破,4萬又係點寫上去?
发表于 12-3-2018 08:37:20 来自手机 | 显示全部楼层
照加返上去, 破產之後又唔可以自己再私下還錢。你無申報上去,他們有直口話追你。
发表于 12-3-2018 09:18:29 来自手机 | 显示全部楼层
搵2萬人工都俾人昆去中介都無計。既然係咁攬炒,連欠中介公司的錢一齊入,現在你唔想破都難
发表于 12-3-2018 09:24:29 来自手机 | 显示全部楼层
但你的工作好好,同埋唔想俾人騷擾到連份工都無埋,就辛苦少少,唔好破,做份兼職還晒佢。因為破產真是好慘,保險都無得保留。佢。
发表于 12-3-2018 11:30:58 来自手机 | 显示全部楼层
破產就冇諗埋前途,事業,女友!只係解決自己還唔到債嘅因素!破咗,個女友分分鐘一拍兩散,沒破就要捱苦,女友都有可能走埋!
发表于 12-3-2018 12:07:23 | 显示全部楼层
好多名詞呀!!! :lol
又IVA, DRP, IDRP...
其實聽埋呢D 專業名詞,又有中介呢D 專業人仕,都無用架.

愈搵中介,死快兩步. 你仲搵埋黑財,人地真係會日夜騷擾你架.
你要記住,銀行唔係開善堂,銀行目的係賺錢.
批唔批,唔關咩中介專業人士事,關乎有無錢賺.

你要明白,銀行點樣運作.就係好天俾把傘你,落雨收番. ;P
搞IVA 哂氣喇!!! 法庭律師樣樣都係錢,又未必批.
你TU 太低,銀行唔會借,專心搞破產算數.
发表于 12-3-2018 12:16:34 | 显示全部楼层
再講你欠的銀行財務:
Aexx 9萬(卡數加現金套現)
Citxbank 2萬幾 (卡數)
大x銀行 8萬
邦x 5萬
Welxxd 2萬
前4間老破後係唔會再追架.
WELXXX 麻煩少少.但頒令後堅持幾個禮拜最後都會收皮.
宜家好少淋油,電話騷擾唔奇.但佢地都係要搵人CALL, CALL 得一頭半個月,費用太高,
只要你死都唔還,咁佢地吹你唔脹只有收皮.
至於呢間貼唔貼大字報,我就唔知喇.:lol

你最麻煩借黑財,借4雞.因為破產餓你唔死但無錢淨.到時你點還???
如果諗住黑吃黑,其實都有人得,不過CALL 得更恆, 貼大字報,上公司嘈都應該會發生.

 楼主| 发表于 12-3-2018 12:16:46 | 显示全部楼层
我想知道我破產係咪一定會俾人追債
我唔講3線個啲啦
我原本個啲係咪都會追我債?
 楼主| 发表于 12-3-2018 12:36:39 | 显示全部楼层
flypig 發表於 12-3-2018 12:16
再講你欠的銀行財務:
Aexx 9萬(卡數加現金套現)
Citxbank 2萬幾 (卡數)

我之前個啲係係舊公司嘅時候借
佢地係咪唔會有我新公司資料?
发表于 12-3-2018 12:46:21 来自手机 | 显示全部楼层
攪破產一樣會通知您公司,如果真係驚比人知道欠銀行錢,可以轉做IVA .個人意見 IVA 其實係嘥錢嘥時間。
发表于 12-3-2018 12:50:05 | 显示全部楼层
nicholas08 發表於 12-3-2018 12:36
我之前個啲係係舊公司嘅時候借
佢地係咪唔會有我新公司資料?

好難講!!!!
1 佢地會CALL諮詢人公司屋企,諮詢人爆料 ;P
2 公用機構如銀行有25..如果你UPDATE, 可能會爆料.
3 其他途徑.......如稅務局有內鬼...不過呢個可能性好細下.因為
一般員工做可能有機會查到...但又唔一定...比如個內鬼就係做IT 部門,負責做BACKUP DATABASE 之類.
;P
发表于 12-3-2018 14:02:16 | 显示全部楼层
又係做衰人時間。

我勸樓主唔好再睇

---------------------------------------------

其實成個故事,剔除樓主個人用美化字眼就係:
1. 爭人個 30 個,月入 2 萬,得個 15 倍,唔想還錢,想嘆世界,4 年又玩過,就去破產,講到為女友為家庭,幾勁!根本一直都還到,想搞好財政,係改左大駛習慣!
大家記得 25 才炸! 如果一個有責任心,有上進心的 25 才,我點都唔信佢會一直還到錢 (即是都唔難啦),會想去破產解決爭人個 30 皮!

2. 心存走數,於是呢度睇,個度問,正經個D 6c 就唔去,因為費事比人話想走數,叫佢唔好,比心機去找 pt 好過!

3. 呢度大把人爭人 25 個,都死死氣,滅低消費,還錢,TU 由 I 去番C。挑!

 楼主| 发表于 12-3-2018 14:28:23 | 显示全部楼层
admin 發表於 12-3-2018 14:02
又係做衰人時間。

我勸樓主唔好再睇

Admin你好
多謝你用心良苦去鬧醒我

不過其實我唔係一直都還到 我之前份工月入得10000多啲 完全唔夠找數 所以我辭左職 但當時又未搵到長工
好似叫做搵到份高人工part time 頂一頂 係到最近先搵到份有大約2萬數人工嘅工,所以想諗方法去整合返條數⋯無錯,係我大洗先會搞成今日咁!但我真係想搵方法去解決啫⋯⋯其他實係我蠢一早無睇定資料,俾個中介說左我去做破產,借埋黑財,先去學人睇資料⋯而家就2頭唔到岸,破又唔好,唔破又唔得⋯ 我知去到呢個情況都係自己衰 衰無腦 衰大洗⋯ 所以我先上黎問下意見,睇下可以點做好
发表于 12-3-2018 14:45:22 来自手机 | 显示全部楼层
你有條件嘅。1.向大財仔話自己失業還最低數,找返條三線先。冇既,你就破產申請時改文件加名。你破佐產其他財仔都係會吵一輪,都係一樣...
发表于 12-3-2018 15:42:27 | 显示全部楼层
拿, 小小意見
條路點行你自己想清楚啦
宜家你中介個4萬已成定局, 繼續找又好, 搞破產都好, 大前題係你往後呢幾年點都唔會有太舒適日子過
唔破, 你都要找10000再加40000條數(當你每月二三千), 扣除生活開支, 點都要少少拍拖費, 你都一樣好難儲錢, 所以講將來就有少少空洞
即使破左, 情況會好D, 但你話要儲錢方面…..都一樣係唔易

不過, 你有一樣做岩左, 至少同女友講左打左底, 最終結局如何, 都無隱瞞佢先

至於, 如果你著眼點只係佢地追唔追, 咁樣有少少短視….
 楼主| 发表于 12-3-2018 16:28:59 | 显示全部楼层
alalfred913 發表於 12-3-2018 15:42
拿, 小小意見
條路點行你自己想清楚啦
宜家你中介個4萬已成定局, 繼續找又好, 搞破產都好, 大前題係你往後 ...

多謝你
因為我最怕係影響到我而家呢份新工
老實講 我入到而家呢間新公司對我黎講絕對唔易
亦都係我收入來源
而且最大問題係我女朋友同我都係同一間公司做⋯不過唔同區咁解
我自己衰⋯都唔想影響埋佢嘛⋯⋯
所以我先咁擔心呢個問題
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 20-11-2026 13:24 , Processed in 0.048167 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表