本帖最後由 EWB 於 24-5-2017 05:15 編輯
C HING,
1) 點解結婚生女唔通知主任/ 外判? 再者, 生活有變, 需要增加生活費係必須應該同主任/ 外判申請及商討, 唔應該自行停供
2) 為何自行停供? 竟然唔停都停左, 如果結婚和有小朋友係事實, 你咪照實解釋囉, 你覺得仲有第2條路選擇?? 再者, 我個人覺得唔好再作故仔騙主任/ 外判, 被免錯上加錯
3) 話我年度報表話我報錯收入,涉嫌欺騙 咁請問 C HING 你係咪實際收入幾多而真正報幾多呢?? (包話雙糧 & 花紅..等), 另外, 你話報支出多左2萬, 有冇証明及單據呢?? 咁你洗多個2萬係咩數呢??
4) 個人覺得, 你唔會坐監既, 不過, 佢會唔會要你嘔番曬冇上繳D 錢出來就唔知了, 而且, 延長破期機會都應該好大機會
5) 延唔延長破產期和繼唔繼續供款唔係你話事, 係主任/ 外判話事和決定, 當然, 你有異議你可以再同佢地傾下, 另外, 你話 "但前提係供款不可增加得太厲害" , 要唔要供, 增加幾多亦唔係你話, 你只可以把你和你老婆既收入, 及全家開支再向主任/ 外判申報你既每月生活所需, 由佢地再決定你還幾多..等~ 老破得, 你應該知你既所有收入開支已經唔係你話想用幾多就幾多, 要幾多就幾多, 主任/ 外判會幫你計數 |