找回密码
 註冊
查看: 7762|回复: 62

幫細佬還債,定係叫佢申請破產?

[复制链接]
发表于 19-8-2016 19:55:16 | 显示全部楼层 |阅读模式
本帖最後由 Gretta 於 19-8-2016 20:03 編輯

細佬幾年前欠下幾十萬的債,有好幾條銀行貸款同卡數,還唔到,但唔敢同爸媽講,所以向我求救。
我亦唔想父母擔心,搞咗債務重組後,借咗舊錢(因為我信貸良好,利息會低D)幫佢一次過還哂D數,佢再每個月還返畀我。
佢唔係個個月都準時還,又或者會還唔足,但一直都冇點過問佢,而且因為要瞞著父母,好多問題都唔可以攞出嚟講。
淨係諗住佢錯過會改,唔會再借錢欠卡數,就算喇。

到最近,爸媽知道咗呢件事,爸發哂癲咁,一味喺度鬧我媽,其實媽另外都有幫細佬還咗兩萬蚊債,細佬都未還返哂畀佢。
我真係好唔開心,爸年紀大身體唔好,唔想刺激佢,所以要瞞住佢,同埋就係明知一出事,佢就發癲,又要驚佢心臟病發,見住媽畀佢鬧我又好嬲。
自己唔識教仔仲好話人,我真係覺得好痛苦,同埋點解每次都係因為細佬的問題要令其他人受罪?

唔爆都爆咗,細佬知出咗事咪成日夜一夜先返屋企,逃避囉。爸一句都冇問過佢,又係逃避囉。
是但喇,點知最近check細佬環聯報告,發現佢又有十幾萬新債,又係銀行貸款同卡數。
問佢,佢仲話我做乜check佢,之後又死撐話自己應付到,嗰幾條新債,每個月還幾百一千,佢話冇問題。
但我check佢戶口,完全冇錢剩,每日仲要洗近一千,都未計卡數(有一條過萬卡數,一直冇清過但仲keep住碌卡,利息加penalty charge係咁滾落去)。
佢根本就係一千幾百都冇能力還,還唔到就借錢,情況同幾年前一樣,完全冇改過。

我呢幾年供咗一份儲蓄基金,供埋今年有十幾萬,就可以由得佢滾存,都係諗住用嚟養老。
知道佢有十幾萬新債後,我有諗過cut咗份基金,攞返D錢出嚟幫佢一次過清咗筆債,但要佢交哂D提款卡同信用卡畀我,從今開始我幫佢管理D錢,唔畀佢再亂來,但我覺得佢一定唔會肯將D人工交哂畀我管,同埋咁樣都未必阻止到佢再向銀行貸款,或者開張新信用卡...

而最大問題係,我唔覺得佢有悔意同明白問題出喺邊,每次問佢點解要洗咁多錢,佢都有好多理由,好多解釋。
本來覺得自己個細佬,唔通唔幫咩?但有時又真係越諗越嬲,同埋覺得幫佢等於害佢。
今日爸媽見到佢張信用卡月結單,就打電話畀我,我已經無好氣同佢哋講,因為我知道呢條卡數只係冰山一角。
爸又超緊張喇,仲大我咁話,嗰個我個仔嚟架,你細佬嚟架,唔通唔理?除非我跳樓死咗喇,咁我就唔理。
我即刻爆佢一句,依家冇理佢咩?咪幫佢還咗幾十萬囉,咩叫唔理呀?
我真係好嬲,點解個仔欠債,要個女借錢幫個仔還?你要我幫佢,咁邊個幫我?

父母都冇積蓄,爸開聲話我哋唔可以唔理,其實即係叫我幫佢還,我唔知係咩道理。
我都同媽講過,如果佢再借錢,還唔到就由佢自己破產喇,但我知做父母嘅如果唔係去到無哂辦法,都唔會畀個仔破產。
但我覺得已經冇其他方法令佢知錯,佢要承擔自己責任。

我諗破產係唯一令佢唔能夠再借錢,迫佢好好理財嘅方法?
但我亦知道如果我選擇唔幫佢,由佢破產,我爸一定會發癲,會怪我唔理個細佬,同埋佢覺得自己冇面。
如果你係我,你會點做?

 楼主| 发表于 19-8-2016 23:15:35 | 显示全部楼层
flypig 發表於 19-8-2016 22:51
同老豆老母講呢個細佬只會愈借愈多。你幫左幾十個,但佢完全無悔意。幫佢即害佢。所以,佢需要破產好好反省 ...

我想問,破咗產佢係唔係連D咩財仔呀,咩大耳窿都借唔到?
佢之前試過癲到因為冇錢,過大海諗住賭得返嚟... 我真係覺得當佢冇錢時,係會用盡任何方法都要借/賭/搏到返嚟... 破產可以封殺到幾多?
回复 支持 1 反对 0

使用道具 举报

发表于 19-8-2016 20:04:36 来自手机 | 显示全部楼层
本帖最後由 大郎 於 19-8-2016 20:07 編輯

唔使講第二句!捉埋佢一齊上律師樓!錢唔好過佢手!最少你和你老頭有幾年安靜!佢亦有個反省時機!
发表于 19-8-2016 21:09:10 来自手机 | 显示全部楼层
咁佢而家仲有欠你幾多未還?你幫佢,佢又再借,你再幫,佢再借,唔幫,除時借財仔,你話仲幫唔幫?
发表于 19-8-2016 21:11:31 来自手机 | 显示全部楼层
yeoui 發表於 19-8-2016 21:09
咁佢而家仲有欠你幾多未還?你幫佢,佢又再借,你再幫,佢再借,唔幫,除時借財仔,你話仲幫唔幫? ...

老破唔使還!全部銀行好好搞!最怕重有財仔!律師老破一萬四五到!
发表于 19-8-2016 21:22:31 来自手机 | 显示全部楼层
你應該做埋佢債權人
 楼主| 发表于 19-8-2016 21:25:24 | 显示全部楼层
多謝幾位意見。

我想問借財仔喺環聯報告睇唔睇到?

我都覺得叫佢申請破產係最好方法,但我老竇一定發癲,要生要死,成日喺度話跳樓,我真係覺得好煩...
同埋我細佬依家仲覺得自己冇問題,你問佢佢都話自己應付到,佢又死要面,佢自己唔會肯去申請破產,上次佢都係話唔想破產所以向我求救。
我真係唔知點先可以令佢明白自己個問題喺邊,究竟呢D人係唔係心理有問題...
 楼主| 发表于 19-8-2016 21:27:22 | 显示全部楼层
yeoui 發表於 19-8-2016 21:22
你應該做埋佢債權人

Sorry, 唔係好明...即係申請破產時搞的?請教請教...
发表于 19-8-2016 22:00:30 来自手机 | 显示全部楼层
Gretta 發表於 19-8-2016 21:27
Sorry, 唔係好明...即係申請破產時搞的?請教請教...

就係佢唔申請破你可以申請佢破
发表于 19-8-2016 22:18:58 来自手机 | 显示全部楼层
你可以申請佢破產,因為你喺債權人
发表于 19-8-2016 22:21:29 | 显示全部楼层
樓主好長篇!

好多會員答左。我簡單D。

1. 找地方搬,趁佢番工,搬走。
2. 我當小個弟弟,唔幫唔理,幫過一次,無架啦。機會得一次。一定要狠!
3. 由得佢比人追債,幫你老破?米發夢

錢留番自已防身好過,尤其是對方根本無想過去改!



发表于 19-8-2016 22:28:22 | 显示全部楼层
"............ 點知最近check細佬環聯報告,發現佢又有十幾萬新債 ............"

你用乜嘢方法查到佢嘅環聯報告?
发表于 19-8-2016 22:35:50 来自手机 | 显示全部楼层
有身分證號碼就得
发表于 19-8-2016 22:37:15 来自手机 | 显示全部楼层
你再幫,佢一定再借,你唔幫,佢遲早會借2,3線,横掂都賴野,留番個錢自己傍身
发表于 19-8-2016 22:51:27 来自手机 | 显示全部楼层
同老豆老母講呢個細佬只會愈借愈多。你幫左幾十個,但佢完全無悔意。幫佢即害佢。所以,佢需要破產好好反省。更重要係,破左唔可以再借幾十個。
发表于 19-8-2016 23:01:15 | 显示全部楼层
waterlam 發表於 19-8-2016 22:35
有身分證號碼就得

普通人都可以隨便check其他人tu record ??
 楼主| 发表于 19-8-2016 23:10:12 | 显示全部楼层
admin 發表於 19-8-2016 22:21
樓主好長篇!

好多會員答左。我簡單D。

因為太唔開心所以長篇大論,唔好意思...
我已經搬咗出去住好耐,所以都好少理佢哋,但每次有咩事炒大鑊,真係好驚會有咩事,兩個男人都係郁D要生要死,發癲,媽又要做磨心,我好想唔理,但我媽會好慘。
我今次好嬲,都想狠心,幫佢還錢先係害咗佢,但我老竇唔會明,今日個電話已經係大條道理咁話我點可以由得個細佬死,一唔係就成日話自己去跳樓死咗佢算,日嘈夜嘈,我唔喺屋企畀佢鬧,佢就鬧我阿媽。

其實你講嘅意見都好啱,我自己都係咁諗,但我細佬係一個問題,我老竇都係另一大問題,兩個男人都係窩囊廢... 我真係覺得好煩... sorry,可能我只係想搵個地方呻吓... 其實你講得好啱
 楼主| 发表于 19-8-2016 23:17:00 | 显示全部楼层
paco35 發表於 19-8-2016 22:37
你再幫,佢一定再借,你唔幫,佢遲早會借2,3線,横掂都賴野,留番個錢自己傍身 ...

唔係好熟,你哋所講的2,3線即係邊D?如果破咗產,佢係唔係乜線都借唔到?
 楼主| 发表于 19-8-2016 23:18:22 | 显示全部楼层
本帖最後由 Gretta 於 19-8-2016 23:23 編輯
kungfu 發表於 19-8-2016 22:28
"............ 點知最近check細佬環聯報告,發現佢又有十幾萬新債 ............"

你用乜嘢方法查到佢嘅環 ...

用佢身分證號碼,開咗個account就check到,但要畀錢買report
发表于 19-8-2016 23:30:51 来自手机 | 显示全部楼层
佢本身係咪鍾意賭錢? 扮窮先可以擺脫你爸爸要生要死既威脅嗎?。
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 18-11-2026 00:41 , Processed in 0.036919 second(s), 17 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表