本帖最後由 渣古 於 26-6-2016 08:49 編輯
如果你現時無收入, 收入果邊寫零, 支出果邊以你"正常生活"去填先, 反正批左之後都仲可以改的.
最重要同最多錢果三項係, 屋租, 生活費, 同供養人生活費, 屋租就要交租契作證明, 唔會扣你錢, 但生活費, 同供養人生活費好難拿到證明, 所以呢幾項有機會會扣你.
生活費果邊我寫4,500, 只係我自己一個人食飯洗費, 外判果邊話多, 要扣, 我果時咁同佢地計
茶記 早餐 $30 午餐 $40 晚餐 $40 下午茶 $25 (現時起碼呢D價), 返工做野熱買多枝野飲/水果 $10 計31日 = $4,495
外判話我可以自己買野自己煮飯, 我話我唔識煮飯, 咁要請返個鐘點返來搞, 條數仲貴. 最後批左$4,500無扣過.
以上只供參考, 最重要日後有乜都要有單, 查起你上來交唔到就煩.
其實唔駛太驚, 照直寫, 合情合理解釋到就得
|