找回密码
 註冊
查看: 7361|回复: 38

好後悔好辛苦

[复制链接]
发表于 2-4-2016 18:00:01 来自手机 | 显示全部楼层 |阅读模式
我今年31歲,而家有一條建x 銀行$20000供左9期左右,一條$200000仲有最後3期冇供,一條city 卡數$30000,一條卡loan$50000供左6期左右,身痕卡loan$100000供左12期左右,加埋大約400k-450k 左右,因為最近失業,已經冇供所有數第3期,最近city 卡有人上黎屋企拍門zip 左張紙已比收數跟,其他就係咁寄信黎,我每日都過得好辛苦好大壓力,我唔敢同身邊既人講,而家發現自己屈到有抑鬱,應該係去到中期至嚴重,因為有自殘同計畫自殺念頭,我而家仲忍到,不過真係唔知幾時頂唔順會咁做,因為抑鬱搞到唔想理任何事,電話唔聽,工冇番,我有一個我好愛佢佢又好愛我既女朋友,因為呢個病成日唔聽佢電話,搞到佢想同我分手,我又唔可以同佢講我因為咁而有病,佢只係覺得我唔番工唔理佢係我唔知點解變左,佢早兩日同我朋友講話分手,我果兩日好想死,人生已經到谷底,仲要我而家唯一既希望都冇埋,好在朋友幫我講好說話,佢比最後機會我,我已經走頭無路要破產,不過我有一個好大既問題需要解決,就係我同朋友上年4月開左間有限公司,我有49%, 我上網check 過,如果我一破,公司會比責主收,之後拍賣,但係而家轉名又會話我不法轉而,有人教話首先計左公司價值,再用合理價錢賣番比朋友,再將收番黎既錢還落去d 債度,但係我由頭到尾開間公司冇出過錢,朋友係我好兄弟所以加埋我名上去,我真係唔想累到佢間公司,請問各位有咩方法可以解決到呢?如果再拖落去會唔會比債主check 到清公司盤?如果係咁我真係死左佢算唔想累到個兄弟。。。
发表于 2-4-2016 18:58:04 | 显示全部楼层
樓主你依家有冇錢去申破?
 楼主| 发表于 2-4-2016 19:17:20 来自手机 | 显示全部楼层
我冇,但係問到朋友借,我想自己搞唔揾6c, 慳得就慳,而家好有內疚感,因為我身邊好多好朋友幫我,但係我冇講事實既全部比佢地知,唉。。。而家只想解決有限公司果度,破都唔敢同女友講,怕佢會離開我我接受唔到,我而家死都已經唔怕,只怕冇左佢。。。
 楼主| 发表于 2-4-2016 19:19:04 来自手机 | 显示全部楼层
如果解決到所有問題我真係會重新做人,努力揾錢企番起
发表于 2-4-2016 19:29:38 来自手机 | 显示全部楼层
還是真實同有限公司朋友講左先,如果公司沒什麼價值應該容易處理,問下律師看有什麼解決方法破產前千萬不要做任何資產轉移。。
 楼主| 发表于 2-4-2016 19:47:24 来自手机 | 显示全部楼层
我會同佢講,但係想諗埋解決方法先同佢傾,唔想累到佢,唉。。。我有諗過拎mpf 出黎頂,有$120000,但係都頂唔哂,而家真係唔知點做好,如果我而家搞mpf 出黎同銀行傾得唔得?又或者拎出黎去澳門行轉話輸哂再申請破產得唔得?因為想拎呢筆錢黎搞破產同比屋企人,怕我有一日頂唔住走左都唔駛比債主食埋冇錢搞身後事。。。
发表于 2-4-2016 21:36:17 | 显示全部楼层
你間有限公司值幾錢??
 楼主| 发表于 2-4-2016 21:43:36 来自手机 | 显示全部楼层
我都唔知,好似要揾會計去計,不過成立左1年左右,唔會太值錢,但係大前題係怕影響好朋友
 楼主| 发表于 2-4-2016 21:45:38 来自手机 | 显示全部楼层
破產持有有限公司! 本人想申請破產, 但持有一間有限公司, 可否先轉讓及退出董事才申請破產?會否有抵躅? 如被懷疑資產轉疑? 應怎解釋?   答:方法其實很簡單!便是在提出破產呈請前,先行辭退公司董事職務及將股份轉讓!那這樣做不是說會被破產管理署追究嗎?   要明白,破產管理署質疑及追究的,是非法的轉移資產情況,即是瞞報那些!那祇要在申請破產時,如實申報相關的情況甚至保留相關售股權益上繳充公,則絕對不會被控不誠實申報及非法轉移資產!   所有相關程序要依足手續去辦,如退出公司前後的商業登記註冊,股權轉讓的紀錄等!另一要關注的重點是,出售股權的價格,這是最重要的!因出售的價格要反映該些股份的真實價值,並非隨意私下協商一個價錢便作出轉移,因價值偏低或不合理,則會被視為是非法轉移資產之舉,到時收授雙方都有機會被刑事檢控!   那如何釐訂股份價值呢?這便需要專業會計師的協助!一間營運中的有限公司,按理該有會計師跟進所有相關資料,如日常運作,收支,資產總值等作報稅之用!那祇要請會計師,以截到退股一刻時替公司作一個全盤的資產估值報告,再按股份比例便能得出各股東的實際應佔權益及價值!然後按該價值將股份轉售給第三方以了結跟該有限公司的關係便可!   你要保留這全部的資料和紀錄,以待日後申請破產時向破產管理署或受託人交待!基本上祇要這些是合乎規格的(如有合資格會計師簽署,稅局的紀錄等),證明該些股份資產並非私下轉移及賤賣,則相信不會受到非法轉移資產的指控!   而售股所得,除如上所言可封存交署方或受託人查核充公外,其實亦可以用於償還債務及作申請破產所需,祇是要有清晰的還款紀錄以證明款項去向!因欠債故要變賣個人資產去還債,是合理的行為,祇是售盡家當仍未足以還清債務才要破產而已,亦足已證明個人已曾盡力還債,實無欺詐逃避之心!   但還債時亦有要注意的地方,便是不能祇償還親友間的私人貸款(即使確有欠親友債)!因這些選擇性還款,亦有機會被質疑屬轉移資產之舉!相反如將所得平均償還給所有債權人,即使不足夠償清債務都可以證明確屬還債之舉!
 楼主| 发表于 2-4-2016 21:46:19 来自手机 | 显示全部楼层
唔知真唔真,如果係真就影響到好朋友,唉。。。
发表于 2-4-2016 22:11:41 | 显示全部楼层
本帖最後由 flypig 於 2-4-2016 22:18 編輯
Peter2468 發表於 2-4-2016 21:43
我都唔知,好似要揾會計去計,不過成立左1年左右,唔會太值錢,但係大前題係怕影響好朋友 ...

就咁。呢d有限公司,價錢無咩準則。問到,就手緊用d 錢去解破同生活費。當然,唔好太離譜。如果有100萬cash ,咁就講唔通。應該睇番幾多asset,cash,減番d 債就係估值。事實上,破署hold 住呢d 股份都無用。好易俾你朋友玩走。一招向下炒,叫破署供死會,佢一定唔制。玩兩玩,就媾淡哂。不過,最好係破前搞掂好好多。
发表于 2-4-2016 22:17:13 | 显示全部楼层
Peter2468 發表於 2-4-2016 21:46
唔知真唔真,如果係真就影響到好朋友,唉。。。

上面講法有佢道理。但佢無講到一買一賣,要有成交先係市價。問題係,唔係你照會計建議放就有人要。所以股價變化好大。你應睇下公司有幾多cash 同 asset.debt 幾多。再低幾成差唔多。呢d 公司,唔通破署hold 就有人接貨??講笑咩!!有規模就會。細規模唔易了
发表于 2-4-2016 22:51:34 来自手机 | 显示全部楼层
你依家唸唔到辦法啦,直接搵你有限公朋友講曬出來,生意人地思維怎都好過你,可能他們有更好辦法解決,你現在想的事有錢解決目前問題,那是不實際。
 楼主| 发表于 2-4-2016 22:59:37 来自手机 | 显示全部楼层
我最怕係會比債主拎左,之後攪呢攪路攪到要清盤,公司本身冇咩現金流,得5,6萬左右,冇債,另外mpf 果度可唔以以拎出黎先,之後去幾次澳門行兩日再破又得唔得?佢地信唔信呢?
 楼主| 发表于 2-4-2016 23:04:32 来自手机 | 显示全部楼层
係度睇到好多同路人,個人定左少少,但係仲未同屋企人講,屋企人冇儲錢習慣所以幫唔到我,最怕最怕女友知。。。
发表于 2-4-2016 23:10:26 来自手机 | 显示全部楼层
馬死落地行,遲左穿煲,路係自行出來,還是要自己面對。
 楼主| 发表于 2-4-2016 23:12:45 来自手机 | 显示全部楼层
有人可以連老婆都唔知,真係好勁,好想知係點做到
发表于 2-4-2016 23:19:20 来自手机 | 显示全部楼层
你先處理有限公司先,破產唔俾人知好容易,你用朋友地址收信就得啦。趕快準備15K搵6C搞就簡單地,自己搞10K就夠了,如果你拿左MPF出來,6C多數唔會接。
 楼主| 发表于 2-4-2016 23:31:42 来自手机 | 显示全部楼层
多謝你,我會同朋友講左先,攪掂公司之後入學,屋企人唔怕,只怕女友知,請問有冇案例好似我咁拎mpf 後破,之後比破署成功告到?
发表于 2-4-2016 23:33:13 | 显示全部楼层
本帖最後由 flypig 於 2-4-2016 23:34 編輯
Peter2468 發表於 2-4-2016 22:59
我最怕係會比債主拎左,之後攪呢攪路攪到要清盤,公司本身冇咩現金流,得5,6萬左右,冇債,另外mpf 果度可 ...

有限公司,大股東玩哂。有係聽過 無義實業,無義國際?
上市公司黎,佢老細就係官無義,發明一招向下炒,然後合一,供股,抽水,如此類推。你十年前有100萬,宜家市值係100大元。說明咩??說明小股東無運行。而且,人地破署唔可以輕易清盤架。股東唔係債權人。我諗你都係同朋友好好傾下。佢有解救辦法的。
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 17-11-2026 16:48 , Processed in 0.045990 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表