有冇人試過投訴外判

Goldfish

如題 我上星期第一次見外判 對方一開波已經認定我一豪子都唔想還 覺得我唔跟佢計條數還就為之唔合作 要加我破產期 係咁話有本事就一次過還哂啲錢 如果唔係就一定要佢地話咩都照做

flypig

你不妨拎條數上黎望下。據我瞭解，你認為不合理可以唔簽字，然後白紙黑字要求法官判。我見唔少人拗多左生活費添。當然要合理喇！！

Alex2233

你唔跟佢條數，的確係唔合作，唔係話你覺得條數唔岩就唔跟
正確做法係上訴，唔係自己攬住條數唔還，乜都係講規矩同法律

魯莽做野冇著數

Goldfish

我情況係咁的：因為每個月出糧都唔同數 一開始報左月薪15000 大約為平均數．四月時報的．近半年公司生意唔好 每月都出糧唔過14000 上到去外判 一計就計我要每月還3千 減我供養父母費用 我有父母要供養 二個都就65 一個係曾中風 沒有工作能力 我提出因家人需要我供養 我要同家人商量每月供款 三千一定做唔到 對方即刻上身 話我冇呢個能力供養父母 又話我家庭開支大 話我每個月俾唔到三千 不如全家一齊破產

Goldfish

請問我可以點上訴？

flypig

可以白紙黑字講，你收入減少左，外判要求個數維持唔到。要求減上繳，如果對方唔制，就懇請對方拎去法庭判。

flypig

途徑係有，是否真係要上庭，還請3C.
照睇外判批11k,亦唔算好刻薄。問題係宜家唔係講緊差太遠。可能係2k的歧見。我唔清楚租管理費等，你父母又有無睇醫生等費用。如果生活唔到，就一定要法庭判。如果輸左，就只有認命。

Goldfish

老實講 果日上去同外判傾都傾左差唔多三個鐘 佢完全冇得商量 仲講我唔妥協就通知我公司 叫公司出糧出落佢指定戶口 每個月俾返佢認為啱ge生活費我 我得二個選擇 1 每月還三千 2自己寫張紙每月可以還幾多 最後因為我唔想佢覺得我唔合作 我寫左每月可以還千五 但其實我連千五都還唔起 我要好慳同減我父母供養費先得 老實講減父母家用我真係內疚 因破產前我父母連最後積蓄都俾埋我幫我找卡數 二個接近65的老人睇醫生費用一定有

ktsg

Alex2233 發表於 17-10-2015 20:22
你唔跟佢條數，的確係唔合作，唔係話你覺得條數唔岩就唔跟
正確做法係上訴，唔係自己攬住條數唔還，乜都係 ...

我認為 唔同意可以唔簽 並不等於唔合作 所填的基本生活費法庭一早批左 改少左生活費即係比唔到基本生活所需費用 唔通佢不合理要求都一定要跟 唔跟又代表唔合作 應該係你唔佢自己申請上庭 到時同個官解釋有咩困難所以唔改 等個官判

ktsg

Goldfish 發表於 17-10-2015 21:32
老實講 果日上去同外判傾都傾左差唔多三個鐘 佢完全冇得商量 仲講我唔妥協就通知我公司 叫公司出糧出落佢指 ...

邊間咁衰 我認為 唔同意可以唔簽 並不等於唔合作 所填的基本生活費法庭一早批左 改少左生活費即係比唔到基本生活所需費用 唔通佢不合理要求都一定要跟 唔跟又代表唔合作 應該係你唔佢自己申請上庭 到時同個官解釋有咩困難所以唔改 等個官判
不過你簽左無計 仲有當時你有無錄音 投訴就睇你投訴d咩 中唔中point 有時間去揾法律咨詢問下

Alex2233

ktsg 發表於 17-10-2015 22:38
我認為 唔同意可以唔簽 並不等於唔合作 所填的基本生活費法庭一早批左 改少左生活費即係比唔到基本生活所 ...

我意思係，如果佢已經簽左，又唔憤氣，之後收埋唔交果條數，就係你違反協議

佢隨時叫法庭申請主動從你出糧戶口過數都得

所以叫佢小心d

呢d野好講規矩，你錯一步就好難轉彎

之不過咁，樓主，就算你嘈完，個官判果個數，一定係最終判決

你就算簡硬出完糧洗凸佢，一樣追你九條街，追唔到就延遲你個破產期再起訴都得
你不如搬條數同個處境比我地睇下，唔係係唔係都上訴，你估成功硬架咩

Goldfish

我從來冇講唔還 只係我還唔到佢指定條數 如果個個人都還到外判條數 呢個討論區會少的人發問 平靜好多 我情況係：我份糧靠年尾花紅拉返雲我人工 我已經付出我最大花紅 但我而家每月要再負擔多幾百都有問題 問下都係想知 係咪破產左就咩能力都冇 咩權利都要放棄 仲要俾外判叫我全家去破產 我之所以簽果千五 係因為我知要承擔自己責任 但都係果句 只有當事人會明白自己情況 唔好諗住有人會在你角度出發諗

flypig

我就咁睇。去傾時態度要誠懇。但堅持。
而論點要有力簡潔，理直氣和，而且用b&w.
老實講，你企硬要加，對方唔制，就要上庭。你以為上庭佢好得閒？？只要你唔係寸親佢為啖氣，佢可以都唔想上。
其實有數計，一個月分歧2k.當3年。即36k.我唔記得佢抽幾多佣，當20%。即間公司覺得用超過7k 的人力資源就唔想上。職員就更加唔願意上。而仲有一個可能性要上，就係policy. 你其實唔係要求加生活費，而係保持生活費。其實，的確可以要求上庭判決的。

最後，如果你父母有asset 如樓宇，積蓄等，我就勸你唔好喇。如果空空如也，可以一博！！！

重新戰士

之前都有提過，人家每日既工作都係處理破產事務。
佢地一定俾我地更加知道咩位係灰色地帶。
如果冇問清楚同實際証據，咁樣去玩野好蝕底！

flypig

會計根本忙到嘔。加班都唔掂！！
唔好以為謂一個職員可以無限handle d case.燈油火臘ot，樣樣都係錢。事實上，上庭案件根本唔係咁多。一年一萬宗老破，上庭前多數一方妥協。唔好以為外判必勝。總之呢個世界有形勢佔優與蝕底。以樓主黎講，衰左咪跟番外判個套。我認為呢d case絕大部分都唔會上庭。但樓主要睇番父母有幾多asset 先。因為萬一上庭，法官一睇，你父母有幾百萬私人樓，存款7個位，到時就供養費都可能有問題。

Goldfish

flypig 發表於 18-10-2015 01:21
會計根本忙到嘔。加班都唔掂！！
唔好以為謂一個職員可以無限handle d case.燈油火臘ot，樣樣都係錢。事實 ...

我父母冇樓 積蓄可能有幾萬 咁請問如果我想搵份兼職 還外判每月條數 使唔使外判同意我先搵？

flypig

Goldfish 發表於 18-10-2015 08:16
我父母冇樓 積蓄可能有幾萬 咁請問如果我想搵份兼職 還外判每月條數 使唔使外判同意我先搵？ ...

銀行幾萬，隨時兩下都用哂喇。搵pt 外判一定唔會阻你。,人工增加理論上要通知外判，因為可能要增加上繳。但同時期可能增加生活費。我諗你好好同外判溝通。放聲氣話有份pt請你，但未決定。話呢份pt 想用黎彌補差額，唔知上繳又會啥佰增加呢！！：

Alex2233

flypig 發表於 18-10-2015 01:21
會計根本忙到嘔。加班都唔掂！！
唔好以為謂一個職員可以無限handle d case.燈油火臘ot，樣樣都係錢。事實 ...

我都同意唔好亂咁嘈
以我為例
我父母雖然我唔清楚佢地實際底細，但一定有七位數資產
只不過咁，批生活費時又唔會問佢地有幾多資產

主任照批我兩千幾蚊供養，仲唔渣渣林袋住先，
其實有d情況，分分中主任/外判已經好鬆手，什至放埋水豪比你，
法庭上個官可能仲嚴過佢都未定，咁都嘈完分分中仲少左

flypig

Alex2233 發表於 18-10-2015 16:16
我都同意唔好亂咁嘈

我父母雖然我唔清楚佢地實際底細，但一定有七位數資產

CASE BY CASE. 據樓主講佢屋企無自置物業,無工作,無 SAVING(SAY 幾萬)
上到 COURT 真係未驚過. 好多人唔明,誤以為 外判/主任 佔上風.真係麻煩大家睇下報紙,睇下 COURT CASE.梅媽固然係極品,但判決絕唔係一面倒 外判 SURE WIN.
ALEX 兄你應該明白,我都係用番你個水底泥 理論. 當大家低無可低, Opportunity Cost 已經佔好大優勢.
假設樓主輸,就係維持原判.
贏則可以維持生活費.

至於成本,對方成本更大 .

樓主唯一驚得罪外判要加刑.但事實上,加唔加唔係外判話事,外判又要上多次庭.
如果樓主係阿B,咁可能真係玩上庭.因為阿B 人工高.但樓主唔係...

其實呢版起碼有兩個版友唔同意要玩大佢.
一個係 KUKO, 結果係 主任唔 LIKE,但唔講加又唔減.更加唔上庭.來一個不了了之.
另一個版友,結果係外判POSTPONE 追收生活費.直到佢有油水先再見真章.

呢D 外判,以會計C樓為主.心態就係 算到盡.所以唔會輕易同你上庭架.

Goldfish

頭先上網查過我間外判 原來佢曾經反對人解除破產令 仲鬧上法庭 但最後輸 要俾堂費 我唔係話想一豪都唔還 亦唔係一時火遮眼想投訴 但因為諗左幾日都放唔低果日俾佢當犯咁迫 不停話我冇能力 果日我簽左每月可以還一千 佢不停話債權人一定唔答應會再叫我開會加大供款 但又叫我下個月已經要開始供 同埋補供返破產令後開始計的數 到我行出律師樓門口時仲同我講 之後一定會再搵我傾供款