|
|
本帖最後由 shan0224 於 15-10-2015 16:34 編輯
各C兄、C姐好.....
我黎呢度都睇左個幾月,等有錢就申破....o係度搵到好多方法,去到落決定就想問問大家意見......因我是不能即時做決定的人,會好騰雞......(我問o既問題可能係好初步架咋....請大家唔好見怪.....真係求個安心)
我月入$14,000,扣MPF後$13,300,欠債:
大X $168,000 分60期,每月還$5194,已還3期
兄弟 $200,000 分60期,每月還$4105,已還3期
獅子分期「萬應錢」一 $80,000,分36期,每月還$2430.3,已還27期
獅子分期「萬應錢」二 $80,000,分48期,每月還$1890.7,已還6期
獅子卡數$18,482.2,還左min ($900)
身痕卡數$169,903.82,min係$49,123.87,還唔到,已過期,兼12/10收到銀行電話過會停A/C同埋俾收數.....><
背景資料:
我出糧係獅子autopay,每月25號,10月份應會23號過數
然後26號會autopay還款大X、兄弟、獅子分期「萬應錢」一,9號autopay還款獅子分期「萬應錢」二
我cut左份保險,等緊攞錢就申破 (搵6C),但同時好驚身痕落左收數公司會搵上門,所以想問朋友借住錢入左紙先
我已開永O戶口 (希望入紙後唔會被凍結...),諗住拎到保險張票都可以入到,提到錢,可以還返錢俾朋友先 (但唔知要等到幾時,我13號申請,話約14日收到票)
問題係:
1. 好唔好將今個月出糧autopay轉左過去永O戶口先? (因為如果借到錢就拿拿臨下星期上律師樓) 如果成功入紙,獅子戶口會即時凍結,咁樣下期還款就1單都過唔到數 (怕唔怕...?咁做....好驚俾人追數.......:'()
2. 係咪o係律師樓宣左誓會有個臨時編號俾債主,咁就唔會追數?
3. 律師話等頒令要7個禮拜?我最驚係仲會有人追,尤其會打電話到屋企或上門 (屋企唔知申破><)
4. 我成功申破機會大嗎?:dizzy:
不勝感激!!:handshake:handshake
|
|