噚日FAX埋最後份報表,加埋份申請不反對通知書,再入埋餘數,因搬咗公屋,租金真係平咗好多,點計都一定有餘錢,最後一年唔想再有咩麻煩所以照計完將個餘數入埋銀行連入數紙一齊FAX上去.
4年時間其實真係比想像中易過,可能跟我個外判算好好,冇咩事都唔會理我,就算我轉咗工,派到屋都只係上去傾多一次生活費,亦冇唔合理既扣減,就算年頭有花紅收咗,FAX咗封信去申請攞番啲駛,即時就話最多俾番一當我用.
再次多次呢度既師兄師姐,4年前係我最無助既時候唔覺意睇到呢個網,睇番哂之前既留言,個人開始定咗,開始一步一步咁行,咁就行完呢4年,剛開學既朋友,既然一切已成定局,唯有隨遇而安,慢慢去用呢4年時間改變自己既生活方式,其實真係唔算太難,起碼唔會再先駛未來錢,買嘢會睇睇銀包有幾多,唔夠錢就再儲吓先,大家加油:D
|