找回密码
 註冊
查看: 2336|回复: 5

破產邊緣..求救

[复制链接]
发表于 23-9-2014 00:44:55 | 显示全部楼层 |阅读模式
本帖最後由 sanuki6091 於 23-9-2014 00:46 編輯

小弟不才24歲..月入8700..差出面200K..而家基本上成份人工拎出黎找minpay咁制
由22歲有自己第一張信用卡後萬萬沒想過2年後就是在這發言..
雖然知道比起這裡其他人可能是小事..而且都係自己理財不善自己攞黎..
還左半年min pay還到今日終於唔掂..問左幾間銀行想做一筆清間間都唔批話條數太多cover唔到+TU唔靚仔
前個幾日比自稱銀行職員的人介紹上左間會計行公司做DRP..當時一心只覺得自己做DRP仲有救..
只要還令自己有救的方法..只要有任何可以自己搞掂唔會比屋企人知我差200k卡數既情況下唔理咩我都試下..
初頭有講左陣電話..都覺得對方ok..一開始就叫我比佢幫我搞呢樣搞個樣..我講左我既數比佢聽之後就約左某日上佢到詳談..仲話唔會收面談費
我仲特登同公司請假上會計師樓..跟住上到去同個人講左半個鐘..比佢講到我個case幾worst..我到個陣先識驚..又話一切包係佢身上..
當時同佢講野又覺佢都有心會幫我..有幫我係咁易分析下我而家既收入同往後既支出點分配還債同生活用..有按我case幫我度過計..
筆顅問費佢收我10%即係2萬蚊..佢見我冇可能一下比到就比我攤左十期還每個月比$2000
比份野我簽都有詳細講明d條款先叫我簽..當然我有睇d條款但個腦當時好似已經被騎劫左咁..雖然我同自己講點都要用1分鐘慢慢睇完d條款..
但睇完個腦根本都完全冇感覺完全分析唔到淨係想佢快d幫我搞我就簽左名..

問題係..過後呢兩日我同另一個人銀行職員傾佢又同我分析..叫我做破產好過
再等我搵到呢個forum..先發覺破產好像更適合我..
而且睇過呢度好似chingc姐的case開始覺得間野未必靠唔住..
我而家先諗到我簽名之前應該要諗到既問題..
首先DRP銀行未必一定會肯點頭..佢都有同我講..
我現時差5間銀行有loan有卡數(卡數居多)..如果全部唔點頭就講明唔會退番首期$2000..
我而家諗如果到時一間肯一間唔肯..間野就會部分成功部分收費..咁我就要照供..
但其他唔肯點頭的銀行點要諗計搞..佢話到時會再諗計..咁我覺得冇意思..我比左筆錢..就當然想全數搞掂
傾個陣都幫我計過頭個年我基本上未必捱到..每月供$4500+$2000供佢比我每月只淨$2200現在想清楚根本唔夠生活..
DRP做左差唔多等如冇做..條數仲要攤6年還..破產都係4年仲要唔駛還..

而家怪既只能怪我當然冇想清想楚就簽名..我簽個份野條款講明有3日冷靜期..冷靜期取消合約都要比$5000..
過左3日叫取消就話知你點要賠足$20000..
聽日就係deadline..要決定破產定DRP就只有今晚..
但破產亦後破產後的問題要面對..由其是戶口最麻煩..
頒令後仲好似要問公司拎公司證明信比破處先可以拎解戶信先重新開到個戶口出糧..公司信都唔知點開口..
即係通晒天比公司同事知實在唔知點算好..
一切生活開支亦會被人管束..
要衡量的事實在太多...一個人一下子實在食不消...又唔比得屋企朋友知..所以先打左咁多字出黎..各位chingc姐勿見怪.......

发表于 23-9-2014 17:10:19 | 显示全部楼层
怕同事知可破產後轉工囉!唔難找份8700的工作。
顧問行5000當止蝕,重要是你冇寫低你家人做咨詢人。
回复 支持 1 反对 0

使用道具 举报

发表于 23-9-2014 01:27:21 | 显示全部楼层
請問樓主做邊一行?
 楼主| 发表于 23-9-2014 11:18:01 | 显示全部楼层
我做倉務員
发表于 23-9-2014 11:39:55 | 显示全部楼层
月入$8,700,扣咗必要開支後可用嘅錢唔會多,即使做到DRP,還嗰$200,000都近乎天方夜譚。為$200,000破產亦唔值得。唯一出路係兼多一兩份工增加收入,戶口靚仔D之後借條低息數番嚟慢慢供,咁至有斷尾一日。阿伯後生時有成三年時間同時打四份工,亦唔係咁難捱嘅。
发表于 23-9-2014 12:26:00 | 显示全部楼层
首務之急,係CUT 左間會計師樓先.
以你情況,DRP 根本不設實際.
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 16-11-2026 12:57 , Processed in 0.038504 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表