四年了,剛剛做完最後一份年報了,想分享一些感覺:
其實這四年對我來說不太難過,因老破前已經有七年走數的日子,咩原因?我唔係因為賭錢,只是自己傻,不必深究,亦無後悔.
11年前無破產,係因為真係連開飯嘅錢都無,又點破產,問過一些人,
得來最好的答案是,自己闖出來的禍,自己要負責去解決,無錯,只要一日未死,什麼事也可以自己解決,
這樣我就開始避債的日子,無飯食,瞓公園,很多野都經過了,
天真係無絕人之路,比我搵到嗰地方,有得瞓,仲有一千元,這樣又過了三年,
過完黑暗的日子,總要走出來,經一個好朋友的鼓勵,再次出來打工,
第一份工5000元,一路努力,一路搵工,一路到五年前找到現在這份工入職8000元,到現在已經有不錯的收入,
我覺得已經非常好,我真係覺得自己好好運,公司非常好,同事又好,老闆又好,
可惜做了一年終於被債主找到了,那時只是想,不想影響公司,一係再走,一係同公司坦白,
我選擇了同公司坦白,非常感激,老闆不但無話我,更借糧給我攪破產,到現在..咁我就過了四年了,心裡這刻感覺只是非常感恩.
我在破聯都一段時間了,頭兩年只是看看大家講什麼,到這兩年認識了破聯一班好朋友,非常開心,因當你曾經歷,好難信再有新的知心友.
在破聯,看到很多人生,有些人好積極,有些人好悲觀好想死,有些人只是想破產去逃避一切,還要想過以前生活.
積極嘅唔講喇,因為你已經懂了.
悲觀嘅.有時我會諗,駛唔駛死呀,有咩大不了呢,無論是否自己做錯而破產,都只是人生的低潮,況且無論怎樣,自己對自己做過嘅野都要負責任.
想逃避嘅,如果四年破產,你諗住可以逃避一切,繼續自己生活,四年後我相信你嘅人生係唔會改變,只會再一次失守.
想分享網上一些說話:生命沒有輸贏,只有值不值.....任何事,任何經歷,包括愛情,工作,不是得到,就是學到.
我這四年得到和學到都很多,非常感激.
最後唔開名喇.....非常多謝每一個破聯嘅兄弟姊妹,無論見過未見過,你們令我世界更精彩.
喂....下個月團年食飯喇,等版主開POST報名喇喂.
|
狗仔卡
發表於 29-12-2013 15:57:03
收藏
分享
支持
反对
提升卡
置頂卡
沉默卡
喧囂卡
變色卡
顯身卡
發表於 29-12-2013 16:36:26
樓主
發表於 29-12-2013 23:05:03
發表於 30-12-2013 12:36:30