找回密码
 註冊
查看: 3921|回复: 11

想問問幾個問題,希望有人幫到我,thx~

[复制链接]
发表于 3-11-2013 00:11:12 | 显示全部楼层 |阅读模式
小弟仲有5個月就夠4年,跟主任,無收入

想問下幾個問題:

1.想知宜家未解破可唔可以去運輸署申請排期考車牌?(家人代付運輸署果$1xxx排期筆試路試費用)
因為以我所知,宜家考車牌,整個過程約需9-12個月,過程大約如下:去運輸署申請排期筆試路試,交申請費$1xxx(筆試大約排2個月),然後排路試(大約半年)(應該已經解左破),路試前兩個月搵師傅學車,
而我係諗住自己搵街師傅學車,所以家人只需幫我比運輸署果$1xxx排期筆試路試費,
而搵街師傅學車既時候應該已經解左破,所以學車既費用係解破後先比!因為本來想解破後先申請,但近排知道要搞成年先考到所以想早d考左佢,所以想知宜家未解破可唔可以去運輸署申請?

2.想知宜家未解破可唔可以去申請回鄉証?(家人代付申請回鄉証費用)
因為呢4年要乖乖地做人,所以回鄉証過期一直無申請過,但宜家諗住到時解破後可能去慶祝下,所以想知可唔可以未解破呢段時間去申請左先,唔想到時解破完先申請又晒多幾日時間等

3.想知宜家未解破可唔可以去申請特區護照?(家人代付申請特區護照費用)
理由同上,因為呢4年要乖乖地做人,所以特區護照過期一直無申請過,但宜家諗住到時解破後可能去慶祝下,所以想知可唔可以未解破呢段時間去申請左先,唔想到時解破完先申請又晒多幾日時間等
发表于 3-11-2013 00:19:24 | 显示全部楼层
車牌就唔清楚。
不過護照呢樣嘢,你又唔係要外出,就算要申請,都唔需要同破署講架?
而且樓主都就快夠4年。
 楼主| 发表于 3-11-2013 03:10:52 | 显示全部楼层
因為我印象中當時申破時,填果份野好似有問特區護照號碼,因為我當時無,所以無填,如果e+申請.唔知洗唔洗通知主任,其實我係怕煩,怕要通知主任又怕要家人簽名証明幫我錢比特區護照費:L
发表于 3-11-2013 09:05:01 | 显示全部楼层
三個完全不是問題,
何況更全是"家人代付",
冇問題,照做
!:lol
发表于 3-11-2013 10:11:48 | 显示全部楼层
1 得
2 得
3 得

4 坐飛機頭等得唔得???
家人/朋友/老細俾﹐得

5 住 5星級酒店﹐總統套房得唔得??
人地俾﹐得
发表于 3-11-2013 10:58:32 | 显示全部楼层
得,得,得,你問既問題,全部都得.....

如果你仲擔心,就遲5個月先做,咁就唔洗擔心..........
发表于 3-11-2013 11:24:37 | 显示全部楼层
證件一定係得架, 佢地批生活費比你, 唔代表你唔可以申請 證件, 破產只係 監控你收入, 而批你每月支出, 你支出你家人可以代付, 破處或外判都無權唔比你做, 呢個係人生自由

至於車牌, 屋企人資助你更加無問題:handshake:P
发表于 3-11-2013 14:13:55 | 显示全部楼层
chloebb 發表於 3-11-2013 00:19
車牌就唔清楚。
不過護照呢樣嘢,你又唔係要外出,就算要申請,都唔需要同破署講架?
而且樓主都就快夠4年 ...

申請護照回鄉証,係唔洗講
发表于 3-11-2013 14:22:34 | 显示全部楼层
3 件事都冇問題


考車牌唔洗交代,更唔洗申報。(除非你想在生活費中扣除,要有一定埋由,但唔一定批)


出入境自由,冇人有權唔比你申請及出國。除非長時間離港先要通知。係通知。永久離港就要申請。申請費用都唔洗交代。(除非你想在生活費中扣除,都係要有一定埋由,但唔一定批)




发表于 3-11-2013 20:38:54 | 显示全部楼层
你嘅情況同我差唔多(冇收入, 主任跟).  破期內續過車牌同囘鄉証, 完全冇問過破署.  出門最長兩個禮拜, 亦冇通知過破署, 因為冇需要(絕非犯法/違規).  主任淨係同我講要能聯絡到我, 只係咁多.
 楼主| 发表于 6-11-2013 09:01:24 | 显示全部楼层
kungfu 發表於 3-11-2013 20:38
你嘅情況同我差唔多(冇收入, 主任跟).  破期內續過車牌同囘鄉証, 完全冇問過破署.  出門最長兩個禮拜, 亦冇 ...

唔該晒咁多位既解答,thx very much~~但我想問問出境最長兩個禮拜既意思係洗唔洗有家人/朋友一齊去架呢?定可以自己一個出入境)?
例子1:我想返大6,無人一齊同行,自己出境,但出境前家人比定洗費既錢?
例子2:我想返大6,要家人/朋友一齊同行,以証明是家人/朋友比錢?

請問例1和例2邊樣work?定兩個例子都ok?

因為之前3年幾,一直無出過境,家人好多次成日叫我一齊上去,我以為要報呢樣果樣,廢事煩,所以無去過.....
发表于 6-11-2013 10:11:50 | 显示全部楼层
wing2796 發表於 6-11-2013 09:01
唔該晒咁多位既解答,thx very much~~但我想問問出境最長兩個禮拜既意思係洗唔洗有家人/朋友一齊去架呢?定 ...

我多數自己一個人出門, 很偶然才帶家人.  請看下文, 破產人士離境實不須向任何人申報.

破管署申請 獲終院判條文違憲.破產人士離境放寬申報

終審法院2006年7月20日為全港接近七萬名破產人士宣布一項喜訊,裁定現行《破產條例》中限制破產人擅自離港的條文,違反《基本法》中保障港人出入境自由的規定,終院五名法官以四比一大比數,同意破產管理署申請廢除《破產條例》有關條文,放寬破產人士離開香港時必須向破產管理署申報的做法。今次亦是首次有政府部門要求法院宣布現行法例違憲。

破產管理署今次是以兩宗破產者個案為基礎,要求宣布廢除有關條例。涉案的破產人陳永興及林海山(均為譯音),因為未能償還七萬多元及逾一億元欠債,分別於○○年被判破產,他們的破產令原定在前年自動解除。破產管理署前年以受託人身份向高院提出申請,指兩人未有依例向署方擬備入息及取得財產的周年報告,要求延長兩人破產期。

《基本法》保障出入自由

不過,高院聆案官在原審時指出,陳、林於破產期間每月往返中港十至三十四次不等,且未通知破管署,因有關期間不會被計算,署方過早提出申請,故駁回署方申請,署方向上訴庭上訴亦被駁回,破管署遂再向終審法院上訴,指該條文會加重部門工作量,要求宣布該條文違憲。

涉案的《破產條例》條文規定,破產人一旦離港,須把離港一事及聯絡處通知其受託人,否則會暫停計算其破產期,直至他通知受託人他已返港。終院又指出,《基本法》保障港人出入境自由,但涉案的條文卻限制了破產人的出境自由,除非該條文的限制屬於合理及不可或缺,否則便屬違憲。

涉案條文非不可或缺

終院指出,有關限制雖然合理,但並非不可或缺。破產人一旦違反該例,不論任何情況,都一律不會獲豁免,這種限制過於嚴苛。《破產條例》主要是保障債權人權益,債權人或受託人認為破產人不合作,可向法院申請延長其破產期,已給予債權人保障,涉案條文並非不可或缺,故已屬違憲,但終院未有提出以後的做法。

破管署發言人表示,未獲解除破產的破產者,應繼續與他們的受託人合作,履行他們在《破產條例》下的責任,發言人又指會諮詢有關部門意見後,考慮是否要採取跟進行動。破產人如對判決有查詢,可致電破產管理署,電話號碼:2867 5828。

根據破產管理署的統計,截至2006年七月中,未解除破產令人士約有六萬九千人,今年上半年每月平均新增破產人有八百多人。

案件編號:FACV 7&8/06
您需要登录后才可以回帖 登录 | 註冊

本版积分规则

手机版|小黑屋|破產聯盟

free web stats

GMT+8, 16-11-2026 18:24 , Processed in 0.032331 second(s), 16 queries .

Powered by Discuz! X5.0

© 2001-2026 Discuz! Team.

快速回复 返回顶部 返回列表