賣樓後做擔保人--破產

kenny111

本人因財政困難,在4個月之前賣樓約130萬

昨天,朋友要向銀行借錢,要擔保人,我就幫佢擔保左(續借,條數已經2,3年前簽過)
(因我已知我離破產期唔遠)

如果我一個月後被申請破產,(當然這130萬已找了給債權人,總數欠160萬,欠30萬要申請我破產)

咁當我朋友果到唔還錢時,我仲有無責任要負?

問題1 我續簽擔保人時,已經無晒資產(我真係唔知銀行會唔會CHECK),咁到我朋友唔還錢時,會不會再凍結返呢130萬按比例還返比銀行?)

問題2 破產官會唔會告我資產轉移(因為我還錢比朋友,無銀行過數,只是親人現兜兜分期找返比佢,當然有借據,自己簽的,無律師在場)

問題3 如果我朋友一年後就唔還錢,但我已早在六個月前破產,破產官已頒領,咁我仲邊有錢,仲會唔會有手尾?

謝謝:(:(:(:(:(:(:(:(:(:(:(

flypig

1 4個月前你賣樓 得130萬,還了給債權人A
2 你昨天做左續做擔保人
3 假設一個月後,債權人B/C/D 申請你破產
(有咁著數!!!欠30萬會申你破???:L)
4 咁當我朋友果到唔還錢時,我仲有無責任要負?
好玩了!你個問題係 做擔保人期間破了產.條數點計!!!
當你申破時,有份野叫 對破產人的初步訊問,你會填上擔保人一項,到時請記得如實填上.

問題1 我續簽擔保人時,已經無晒資產(我真係唔知銀行會唔會CHECK),咁到我朋友唔還錢時,會不會再凍結返呢130萬按比例還返比銀行?)
問題2 破產官會唔會告我資產轉移(因為我還錢比朋友,無銀行過數,只是親人現兜兜分期找返比佢,當然有借據,自己簽的,無律師在場)
你欠160萬,賣樓還130萬,不理你有無做擔保人.亦有可能懷疑你資產轉移.
根據老破條例,有可能按130萬PRORATA,要嘔番俾其他債權人.而又有可能加入新的債權人即因擔保引起而加入.萬一人地執正黎做,個130萬有可能要分幾份.詳情唔敢講,請你請教律C.另外,亦有可能你一被申破,立即通知你做擔保人的債權人,佢地即迫你個FD.但呢個時候,你個FD已經袋左$$$,如果佢唔另找新擔保人又還唔到錢,可能都要係30萬債權人開多個位

問題3 如果我朋友一年後就唔還錢,但我已早在六個月前破產,破產官已頒領,咁我仲邊有錢,仲會唔會有手尾?
對破產人的初步訊問,page 18,要填做擔保人,所以你一破,好大可能會通知借款給你FD 的機構.手尾方面上面已答.
http://www.oro.gov.hk/cht/pforms/pdf/B-11.pdf

admin

唔好意思，其他問題我唔識答。不過，我肯定講，破左產就無可能再做擔保人！所以，個問題並不存在！

bb_q_888

因為病,所以腦筋特別唔靈活,不過我都有個疑問....
點解你會知對方,一年後就唔還錢?而你已早在六個月前破產?
如果你唔破,你又夠唔夠膽幫佢簽?

我同意admin講法,但只在破產期間,但破期完結後發生,你同樣要負責.(個人認為)
因為破產都唔係全包,你要上報欠債作實.而未有上報,(解破)事後對方依然有權追討.

bb_q_888

1.破左就唔會.
2.我只可以講,耍律師報還錢比朋友,佢令願唔做你生意.(你諗點解?)

dopod123

flypig 發表於 18-10-2013 15:45
1 4個月前你賣樓 得130萬,還了給債權人A
2 你昨天做左續做擔保人
3 假設一個月後,債權人B/C/D 申請你破產

;P應該係一定會通知佢個FD 轉擔保人。

flypig

dopod123 發表於 18-10-2013 16:02
應該係一定會通知佢個FD 轉擔保人。

我都係咁諗.但如果佢個FD 搵唔到人轉,樓主有機會上身.:(不過佢都老破了.吹佢唔漲.
跟住會唔會搞到袋了130萬的前債權人,就兩睇了.

dopod123

flypig 發表於 18-10-2013 16:05
我都係咁諗.但如果佢個FD 搵唔到人轉,樓主有機會上身.不過佢都老破了.吹佢唔漲.
跟住會唔會搞到袋了130 ...

老破係唔可以做擔保人，如果申破，除要申報擔保外，是要通知債權一方，老破不再擔保。

正常的銀行及財務（不論有冇押記貸款），是貸款人還款能力有問題先會要擔保人，

擔保人要交入息等文件，批核就計算擔保人和貸款人合共的還款能力。（當然而家有啲公司可能行估惑叫你搵多個人做擔保等佢地風險再細啲）

擔保人等同全包（可以講話係擔保人去借錢）有報應該唔會上身，因為貸款人走咗擔保人上身一樣可以申破。

至於擔保人老破個原貸款點就關人忍事，我唔知，樓主去問6C。

但我估財仔唔會即時要全數還因為只會叫佢都去老破。

dopod123

flypig 發表於 18-10-2013 16:05
我都係咁諗.但如果佢個FD 搵唔到人轉,樓主有機會上身.不過佢都老破了.吹佢唔漲.
跟住會唔會搞到袋了130 ...

之前130 如果係真嘅，我念唔會有問題

有事只係樓主，點解還A 唔還B 還B 唔找C

但樓主無講過點解未來一定要破只係30萬:L，

短期買樓唔一定有事，6年前又唔代表一定冇事，重點都係錢去邊？點用？

所以其實唔太明佢想點，都好難比咩意見。只係我同你吹下水:handshake

flypig

dopod123 發表於 18-10-2013 16:43
之前130 如果係真嘅，我念唔會有問題

有事只係樓主，點解還A 唔還B 還B 唔找C

成單野最令人ENVY 就係點解欠人30個,有人咁好死去申你破.....
我都唔知幾想債主申我破呀當時,一來省番個幾.
二來更重要的,係炒OPTION/WARRANT 條數太勁,自己破可能俾人告我.而人地申破,就算我過海輸哂,都唔易告得我入.

仲有,我人生好不完美,以前番工準備辭職的前後幾個月,不知幾恨公司炒我魷補我3個月人工..由於工作關係,通常要即走.因為公司唔想我再同客仔有CONTACT.恨左10份工,都無人炒.點都恨唔到.:'(

kenny111

多謝大家
我現在欠那債權人30萬左右,我真係再無力還了,仲有恆生貨款1.8萬,學生資助貸款2萬,無其他了

我真係無計了,擔保人就簽左,希望佢一直都還

大家請明白,想破產前的心態,真係抑鬱....:'(

好日子

kenny111 發表於 18-10-2013 17:17
多謝大家
我現在欠那債權人30萬左右,我真係再無力還了,仲有恆生貨款1.8萬,學生資助貸款2萬,無其他了

不知你的債權人是什麼,但是你有工作收入嗎?

如果有你可和你的債權人再商議,不用抑鬱的,它們申請你破產對它們無任何好

如果真的分期都傾不來,不如想想現在生活怎樣.它要將你申玻都沒有辦法的,你說都將賣樓的錢去還錢了

正面點面對吧,反正不是一定會破,

其它只是細數冇特別,

dopod123

flypig 發表於 18-10-2013 17:15
成單野最令人ENVY 就係點解欠人30個,有人咁好死去申你破.....
我都唔知幾想債主申我破呀當時,一來省番個 ...

你啲夢幾難成真,你做嘅如果有佣的,公司大不了叫你座成個月;P

admin

真係唔好意思，我唔係想寸你。但係…

本人因財政困難,在4個月之前賣樓約130萬

昨天,朋友要向銀行借錢,要擔保人,我就幫佢擔保左(續借,條數已經2,3年前簽過)

(因我已知我離破產期唔遠)

如果我一個月後被申請破產,(當然這130萬已找了給債權人,總數欠160萬,欠30萬要申請我破產)

咁當我朋友果到唔還錢時,我仲有無責任要負?

問題1
我續簽擔保人時,已經無晒資產(我真係唔知銀行會唔會CHECK),咁到我朋友唔還錢時,會不會再凍結返呢130萬按比例還返比銀行?)

問題2
破產官會唔會告我資產轉移(因為我還錢比朋友,無銀行過數,只是親人現兜兜分期找返比佢,當然有借據,自己簽的,無律師在場)

問題3
如果我朋友一年後就唔還錢,但我已早在六個月前破產,破產官已頒領,咁我仲邊有錢,仲會唔會有手尾?

---------------------------------

多謝大家
我現在欠那債權人30萬左右,我真係再無力還了,仲有恆生貨款1.8萬,學生資助貸款2萬,無其他了


我真係無計了,擔保人就簽左,希望佢一直都還

---------------------------------

假設個過程係咁
1. 你之前欠人 160 萬。
2. 2013 / 6 ：你賣樓，收 130 萬 (你話重還咁學生貨款。又幾勁！可以買樓，但係又未還晒學生貨款！但係你又無提你係借銀行錢買樓！真係唔係好明。即係你已經供完層樓？但係又還唔起萬多的學生借貨？)而家學生貨款可以分幾耐還？你咁米一出來做野，一陣就有錢買樓，重好快(2-3年就供晒？)重有，一般人，我諗都會用層樓去再借啦。最小都拖多幾年。你又唔會。真係好難理解…
3. 2013/6-9：你就還左 130 萬 比人。重爭人 30 萬。仲有恆生貨款1.8萬,學生資助貸款2萬。個個人係邊個？有簽欠單。但係又無律C。大拿拿借 160 萬，無律C？佢米好有錢？有錢到 160 萬都係尢如垃圾？而且還錢就現金比 130 萬？我真係超級唔明！現金比 130 萬？無過數記錄？你真係數 1300 張 1000 蚊？話時話，數 1300張 1000 元要幾耐。到埋代住 1300 張銀紙個感覺係點呢？你還現金，無憑無據喎，一D都唔怕人反口話無收過？
4. 2013/10/18 咁你就 1 個月就知道佢會申請你破產。呢個人同你好 friend？定係好唔 friend？ 30 著無左都算。重要比多 萬幾幫你破產！即係佢個份都無硬啦。重要用多萬幾！幫你清"恆生貨款1.8萬,學生資助貸款2萬"。即係用萬幾清 3 萬數。一係佢同你好 friend，一係同你好大仇口，先致會咁做。其實你點會諗佢會申你破呢？
5. 2013/10/18:你明知會比人用萬幾幫你破產去清3萬欠款，你又走去做擔保人。(佢又借幾多？)你又幾神奇！明知會破產都去做擔保人。你真係唔驚入去？
6. 2013/11：假設你 11 月破產。你破產又無打算通知破署你上個月去做擔保人？點解你會唔打算報？
7. 2014/11：你驚你朋友還唔到錢，你會有手尾。你咁多野都唔驚，點解會驚呢？

除左個個人30萬，你只係爭個小小錢，又無信用卡欠款，又無諗過用層樓再借…又無私人借貨…而你可以供完層樓，咁照計你收入都幾好…

個故事真係有點超乎地球人的理解。定係我理解的過程中間係有問題呢？

我相信呢個情形係萬中無一的，只可天上有，人間那得幾回看…

係一個咁不可思異的過程之下，我就真係諗唔到有乜意見。對唔住啦。

一係樓主可以補充個故事，而係可以令地球人明白先啦。

如有得罪，請諒啦。