急 請教銀行追數 同 長生津

kklocheuk

準備入學
市道不好，欠落恆X三十幾萬信用卡數三張，
每個月靠積蓄同長生津勉強維持最低還款額，
都好幾年呢，現在轉不動
親戚已盡力幫還債 ，可以提供破產後居所.
準備七十歲，剛做完大手術，已經無辦法再繼續之前的工作
見工也無人請。
請問
（一）搵律師幫忙申請破產，文件齊全排入紙要多久
（二）是否入紙後就停止追數 ，只有恆x銀行卡數，無二三線
（三）定破產令出後才停止追數 ，一般要多久，怕影響親戚
（四）恆x追數手段如何，非常擔心，親戚家裡有老有嫩t
（五）聽説會凍結戶口，但只有一個戶口，而且收入只有長生津的4060每個月，倘若凍結便完全無錢
（六）若我只有長生津，請問是否要上繳
（七）快七十歲.而且做完手術 行動不便 更不時入院. 是否還是要工作 但也無人願意請

siupakpak

（2、3、4）銀行基本上收到你律師樓通知出左臨令就唔會追。就算未收臨令，遲還通常都係電話聯絡，唔會上門，除非你失聯。 （5）戶口出左臨令後無耐就會凍結，正式破產後就可以拎信開過一個新既戶口用，期間你個長生津要同返社署講你情況，睇下佢地點安排。 （6）基本上不用，$4600只係可以維持好基本既生活。 （7）不用工作，但最好有醫生證明長期病等等問題。  跟樓上有師兄建議，搵社工幫手吧。

siupakpak

（1）排入紙最快即日都已經可出到臨時破產令

kklocheuk

差人過百萬 發表於 24-8-2023 23:11
破完 搵社工幫你搞埋綜援 再拎埋傷殘津貼。搞掂

睇左傷殘津貼資料 疾病未到可以取傷殘 又怕話我不努力搵工
好頭痕

欠一百萬

差人過百萬 發表於 24-8-2023 23:11
破完 搵社工幫你搞埋綜援 再拎埋傷殘津貼。搞掂

沒有兩樣一齊的.

欠一百萬

（一）搵律師幫忙申請破產，文件齊全排入紙要多久
交齊文件, 準備好後6C樓叫你去簽字,宣誓, 幾日後會入紙, 入紙後就會有個號碼同埋排期, 這就係你的破產號碼, 現在通常排5個星期頒令.

（二）是否入紙後就停止追數 ，只有恆x銀行卡數，無二三線
排左期, 6C樓會通知你的債權人, 以你只有恆生這類一級銀行, 收到通知就會停止追數, 會叫你剪左信用卡寄回去.

（三）定破產令出後才停止追數 ，一般要多久，怕影響親戚
同上

（四）恆x追數手段如何，非常擔心，親戚家裡有老有嫩t
只要你唔係欠多於一期先去搞, 根本係唔會追.

（五）聽説會凍結戶口，但只有一個戶口，而且收入只有長生津的4060每個月，倘若凍結便完全無錢
如果你長生津都係恆生, 就入紙後通知債權人後, 就會凍結戶口, 你會有可能有一個月係未收到款, 當自動轉帳失效, 社署會有信比你或夾入一張新的自動轉帳授權表格, 咁你那一刻都無野好做, 因為你都無戶口. 建議你等到頒令當天找破產受託人(破署主任或外判破產受託人)出封開戶信比你去開個新戶口, 然後你再去社署改番個收款戶口, 自然未出比你的津貼會補出番比你.

如果你長生津係另外一間銀行戶口, 就未必會咁快凍結.

（六）若我只有長生津，請問是否要上繳
不用上繳, 咁少錢.

（七）快七十歲.而且做完手術 行動不便 更不時入院. 是否還是要工作 但也無人願意請
工作與否, 你自己決定, 無工作無其他收入, 只有4060生活就係你的收入. 如日後有工作有更多收入, 要通知破產受託人.


你提到用緊儲蓄找緊數, 破產就即係資不抵債, 呢一點你要明白.


申請破產前若有大數目從你的戶口轉走,會有可能構成資產轉移.

另外, 你65歲有提了強積金, 唔知你有幾多錢, 如果數目有咁上下, 呢個日後可能會要你交代一下去向.

kklocheuk

siupakpak 發表於 24-8-2023 23:43
（2、3、4）銀行基本上收到你律師樓通知出左臨令就唔會追。就算未收臨令，遲還通常都係電話聯絡，唔會上門 ...

您好 多謝解答 咁我先聯絡社處 研究下津貼辦法先 感謝您

kklocheuk

欠一百萬 發表於 25-8-2023 02:48
（一）搵律師幫忙申請破產，文件齊全排入紙要多久
交齊文件, 準備好後6C樓叫你去簽字,宣誓, 幾日後會入紙,  ...

非常感謝您 詳細解答 心結鬆了一點 感謝您  
抄散無強積金
每個月零零散散幾筆數 是否要書面解釋 每筆數用處？

欠一百萬

kklocheuk 發表於 25-8-2023 08:21
非常感謝您 詳細解答 心結鬆了一點 感謝您  
抄散無強積金
每個月零零散散幾筆數 是否要書面解釋 每筆數 ...

強積金無户口,無提出過,就無問題.

tony浸信會

就算搵6c    入呈請書當日都要係10樓约宣誓的     不是嗎?      可以自己搞不用6c       伯伯背景咁简單     啲6c爭住做你生意      自己搞啦       慳咗6c費就算凍戶口一個月都唔驚啦

zukinacheung

找社工申請綜援

tony浸信會

kklocheuk 發表於 25-8-2023 08:12
您好 多謝解答 咁我先聯絡社處 研究下津貼辦法先 感謝您

最壞打算: 会有兩、三個月收唔到4060津貼、就算社處唔会知假設你9月10月無津貼会餓死架！  所以最重要係你最壞打算個戶口12月才正常翻！  我見过有伯伯係法庭話黎咗第三次都破唔到(有啲case 资料唔齐就約下一個法庭日期、我自己就第二次上庭才破到、所以要抱平常心、最好自己搞、唔駛搵6c)

心結:    如果只係怕影响親人   有D机構嘅電話你打去佢会耐心輔導你      会教你恒生傳真嘅电話号碼、同点樣寫張fax 叫銀行停追數      收數佬只要知道你已申破     根本唔会追    原因係明知追你浪費成本       唔好以為佢地受銀行order 做野啦  收數其實好專業     有着數就做    你呢D無着數就好快停

kklocheuk

差人過百萬 發表於 25-8-2023 11:59
到時破產主任有機會問你。到時再算。你拿拿林入紙先 拎到個no. 講野都大聲d ...

明白

kklocheuk

tony浸信會 發表於 27-8-2023 06:52
最壞打算: 会有兩、三個月收唔到4060津貼、就算社處唔会知假設你9月10月無津貼会餓死架！  所以最重要係 ...

還是 少許擔心 剛剛今個月是第二個月未找信用卡欠款
剛剛銀行致電 我告訴職員下禮拜才找，
是否需要先找少部份數先

a981142

kklocheuk 發表於 24-8-2023 23:40
睇左傷殘津貼資料 疾病未到可以取傷殘 又怕話我不努力搵工
好頭痕

你都退休年齡,破左產唔洗還了
只係銀行,唔洗擔心

tony浸信會

kklocheuk 發表於 27-8-2023 17:21
還是 少許擔心 剛剛今個月是第二個月未找信用卡欠款
剛剛銀行致電 我告訴職員下禮拜才找，
是否需要先找 ...

我哋唔可以教唆你唔接电話       你还min pay 咁銀行都委托唔到收數公司架！    有先才有後    當收到信銀行已找收數公司寫清楚欠款几多$XXXXX ,   你才能在呈請書寫欠債$xxx  现時资產$xxx   ( 銀碼雖然唔係要計到几毫几分     但唔可以估計$大約几錢）   否則破暑根本唔会收呈請書   

所以你现在要小做小錯    希望你明      得閒第一步起碼取呈請書    影印多一份試下自己填睇吓能夠填得几多       十樓有樣本記得用手机影低   試下跟住填得唔得