解破了,分享遇到問題經驗(附不反對外判word文件)

kenwong1016

多謝破產聯盟,比左好多資訊比一個沒經驗的同路人.


而家剛解破左應該會少來,所以出一份個人經歷比大家參考.


分享下我 我一線 二線 三線同電話數都有 電話數20幾間 三線扣底都20幾 個時破產頒令要3個月,這3個月寄信同走廊貼紙都有 。
中有頭二星期應該電話數紅油左3-4次 到頒令後先消失 當然我已搬出去住同轉電話直到不久前才搬回去和家人住。


這4年間遇到有收數寄信扮申請左小額錢債想令你還錢,個人經驗是假。(這可以上法庭搜尋到是否真)
當然就算真都不怕,問個律師朋友可以用破產令向法庭解釋。(當然你要有上報)
令外當然有三線破產間寄信來4-5次(信內說會上門),我處理方法如有財務名就同警察報案。
之後我就當沒有這信處理,當然最後都沒有上門。如上門可向(警察放債人牌照科)投訴(只限頒令後)


銀行我就係HSBC,個人經驗如要網上戶口可在開戶後打去熱線同職員講。佢會將以前網上登入帳號連去你新戶口到(當然我只用來睇出糧沒有)


我係跟貝貝,多謝佢消費卷無收左我.每月上繳數都可以接受(好過以前月月清中要借),我有每月準時上繳。
每年準時交年報(年報通常收入-支出=0),如真支出大過收入個人經驗要寫邊個比多左錢你(例:父母比錢生活(時間))。
到今年四年啦，交第4年年報(我係連不反對通知一起FAX,文件格式可以用我下方WORD文件)。多謝貝貝,FAX後4天寄信來收到不反對通知。最後第二日請假去香港金鐘道38號高等法院大樓低層一樓(MTR C1出口金鐘廊過橋)

最後想講一講個去高院嘅流情
帶不反對加身份證正副本。
先去LG1 105室，要穿過走廊去最尾。
拎form 填,如果無身份證copy 就可以係嗰到影印，但只收實體八達通。(破產令想中定英就拿那FORM,我拿中文)
填完去LG340室宣誓。佢會比返份宣誓你。
最後去返LG1 ，有一間房仔,係拿解破令位置附近。門口寫住drop Box ，交比個職員。最後比張紙仔你三星期後就可以去拎啦！

拎完記住去環聯更新返資料

最後附上不反對WORD
gofile.io/d/Kkefn5

kenwong1016

sosad2020 發表於 19-9-2024 04:52
請問去高等法院要唔要先預約？

不用

sosad2020

請問去高等法院要唔要先預約？