無痛無痕申破之談

yeoui

見到好多準同學們申破入學前好徬徨，我分享下無痛申破經驗，唔啱聽嘅各位多多包涵！入紙=破產申請，呢個時間唔係已經宣判了破產，只係有臨時破產令（即係有no)
有No,各大銀行或有牌財務公司都會停止追數
如果發覺自己卡數或債項已經是收入三十倍或以上，基本上就接近破產邊緣，如果短時間無法大幅增加收入，不如準備破產（但不一定決定破產），因為明知自己破產而再借貸係犯法，
所以呢一刻，要做一個預防措施，
1.出糧戶口轉用永隆或沒有牙齒印嘅銀行，因為你有欠A銀行錢，就算過兩三期還款，都已經有機會俾凍結戶口，而入紙後就算未出現過期還款，都有機會凍結戶口，而由入紙到宣判，由個半月到兩個月左右，即係話最少一個月無錢用，而用永隆出糧，宣判前凍戶機會接近零，而我自己由入紙後到宣判後兩日都沒有凍結戶口，我破產後兩日就交解除戶口凍結信俾銀行，而當時永隆仲未知我已經破產，即係我通知佢update我身份，所以戶口出糧一直正常，沒有痛苦

2.知道自己銀根非常緊縮，當然會想方法借錢，但破產前三個月前其實係不宜申請任何貸款，因為好大機會俾人懷疑你有心申請破產而借貸，但用信用卡消費就少左呢個懷疑，咁不如出左糧全數盡還各間最低還款額，而生活費就盡碌卡，水電煤都可以碌卡架，甚至呢間入$2000，轉頭透支$1500出黎還另外一張卡都得架，明玩法未？
3.名下保險要快取消，因為破產後都要用黎充公還款，不如盡快取消用黎還最低還款額或者用黎作申請破產之費用！
4.強積金，強積金其實有保護罩，破產期間係唔會用作還款用途，所以大可放心，但如果預知自己公司快將結業，就另計，因為公司賠錢俾你，會用部分強積金，而呢筆錢係要上繳！
5.如果唔想屋企人知你破產，開定一個郵政信箱做通訊地址，到時俾破署地址就用呢個，咁就屋企唔會收到破署信件
6.如果你有和女朋友一起租屋，應該用自己名義簽租約，咁就容易解釋自己要交租，甚至可以話自己獨居唔係跟女朋友同住，因為有其他人同住，租金，水電煤都係按比較計算架
7.信用卡有得碌，不如買定些已經用左好耐家電喇，換定新野，如電視，洗衣機，梳化等等，因為破產後好難額外俾你買新，就算真係有需要，又要問主任，未必一定批架，甚至買定一些食物券，我無話現金劵呀，不過你地明架啦
做足呢幾項準備，破產其實唔駛點怯，唔駛點去驚

窮L地盤佬

你放心我係呢度學到好多野，自己手提電話就唔係登記既，上網都係唔係自己登記既

yeoui

收左公屋就入學，咁啲收數佬咪攪唔到你囉，你都搬左，咁記得暫時唔好update個人資料住喇，好似電話費單，上網呢啲，因為佢地會買呢啲個人資料架！

窮L地盤佬

算吧啦，唔借仲好慳返，收數佬有咩好驚，佢地咪寄下信打電話黎，你估出黎坐車食飯唔洗錢咩，遲下收數呢個行業肯定縮

yeoui

61天就會上TU,唔還minpay到時就一線財仔都難借，自己計算啦！

窮L地盤佬

獅子成十年都唔加額，十年都係兩雞半

窮L地盤佬

爆左啦獅子

yeoui

你獅子爆左額？

窮L地盤佬

我收左鎖匙就去攪入學嫁喇

yeoui

唔好俾卡數脫期呀，借一財數冚卡啦

窮L地盤佬

因為獅子銀行都開始脫期，想搵一線財仔找左佢

yeoui

記得唔好做分期買電器呀！情況有啲似我，不過我單身，而家生活費得$8700！

yeoui

只要你準時還到minpay,tu唔會有問題嘅，隨時碌爆左再加額俾你

yeoui

咁點都要裝修嘅，借就借一線財仔啦！間屋起碼住10年啦！

窮L地盤佬

alan1alan 發表於 29-8-2016 11:07
咁好. 俾到公屋你住

係呀⋯⋯本來都唔洗爭咁多數，自從有小朋友之後
開支真係超大，小朋友睇醫生保險讀書奶粉學野
樣樣都係錢，比家用成份糧既一半，屋租水電什費
全部我，好彩岩岩上星期比到屋，比到又點裝修都要
錢嫁，我TU肯定花晒，冇理由叫親戚實撲嫁係咪先

kennymc01

yeoui 發表於 28-8-2016 20:24
要無痛破產,三四線財務就一定唔可以借；二線嘅就唯有避一避開！

我無三四線~~日本仔聽聞係二線

alan1alan

咁好. 俾到公屋你住

窮L地盤佬

咁岩又比到公屋我住，咁又要錢普通裝修，打算上左樓拎埋鎖匙先破

窮L地盤佬

因為我做地盤返一日得一日人工，就係依家好多要自動轉賬出糧，所以先申請到卡，我走左幾間卡數，強國銀行，獅子銀行，建切，恒心，加加埋都四十幾都有，仲有兩張卡未爆，加上要養老婆同仔，老婆冇野做

yeoui

梗係啦，呢啲大財先會理會破產令