填初步訊問好煩惱.....請指教!

wingcat

之前我借錢做生意失敗左，去到無曬辦法還唔到所以申請破產。依家做緊PART TIME SALES, 月入係5000-14000之間遊走(視乎開到幾多單)。我唔想俾屋企人見到破產署寄信黎，間會計就教我會借人地址報俾6C整宣誓文件, 6C都唔知個地址係假。以前2間公司, 一間A公司做緊註銷(程序未完成), 一間B公司轉左名俾人做, 但呢D情況會計都無同6C講, 好趕急做左宣誓。我D保險轉左名, 但宣誓後發現有一份醫療唔轉得名, 我就轉左用朋友戶口月繳, 而宣誓時唔記得呢份就簽左話無保險......依家填初步訊問好煩惱.....請指教!
1) PART C自營作業話要交過去2年的公司會計紀錄, 即是我2間公司都要俾會計文件及所有單據給主任嗎？搬公司時賣左嘅存貨/傢具真係要詳細列出的嗎？

2) 之前因為諗住上大陸註廠，上年年尾用永久離港理由攞曬mpf出黎，但最後生意失敗，長註不成，6c都有叫我搵番d資料mpf嘅公3用左去邊，但我依家望住d銀行紀錄真係佢識我我唔識佢。。。。對唔番d錢用左去邊係咪會好大鑊嫁?

3) 水電煤嘅單如果我依家先用番屋企地址，唔同當初宣誓地址可以的嗎？

4)依家先申報有醫療保險得唔得嫁?其實破產人士可唔可以有保險嫁?

5) 其實我連申請破產嘅錢都係問朋友借，可唔可以同破產官講埋，計入每月支出呢？

6)我見個官係律師樓嘅，係咪即是外判呢？

7)我係9月尾宣誓，11/24先上庭，已經用左1次暫時解凍信攞錢，但1個月嘅糧真係捱唔到去11月尾.......我係咪可以同個官申請攞多次錢呢？請問有無師兄師姐試過?易唔易申請嫁?要大約等幾耐呢？

8)如果我見官嘅時候文件唔齊，佢係咪唔會即時俾解凍戶口信我呢?

好多問題。。。。麻煩各位幫忙解惑一下。。。不勝感激!

wingcat

我唔知要咩條件先租得gro box丫麻。。。。。

DW123

wingcat 發表於 18-11-2015 02:41
我搵羅x會計幫我搞破嫁，佢有叫我用郵寄轉遞，不過去到郵局佢話我仲住緊，唔俾我申請，所以羅x叫我問人借住 ...

你又會咁老實話比人聽你仲住緊

wingcat

所以我都唔知羅x蠢定我太信佢，唉

flypig

如果一間黃左，就去第二間。
前幾個月有版友同你一樣俾人reject.後來去第二間搞定了！！

Mr_Wrong

flypig 發表於 18-11-2015 22:50
去郵局大家吹之麻！！如果住私人樓。。。
郵：點解要轉王：唔！我準備退租番大陸長駐一輪。短期內唔番香港 ...

明白，明白！Thanks a lot！

flypig

Mr_Wrong 發表於 18-11-2015 21:39
唔好意思，我想問下可以怎樣周旋？我已租用P.O. Box，亦打算申請郵件轉遞，怕被reject…… 煩請指教一下 ...

去郵局大家吹之麻！！如果住私人樓。。。
郵：點解要轉王：唔！我準備退租番大陸長駐一輪。短期內唔番香港。
郵：咁你屋企人呢？？
王：移民哂喇！宜家係同住。但唔係親朋。

flypig

wingcat 發表於 18-11-2015 21:49
公司無賺賺錢，我另外嘅會計公司做緊，無係羅x做嫁。        甘我應該借埋朋友嘅水電單? 我怕依家填左屋企 ...

你申破時最好想埋。我只可以話，你咁做俾人發覺機會不高。我不建議，但亦不反對。呢個方法係最簡單。但後果自負。

flypig

wingcat 發表於 18-11-2015 21:46
羅x收18500，包曬破產費+律師代我上庭+銀行攞一次錢個封信。

咁唔算貴！！！

wingcat

公司無賺賺錢，我另外嘅會計公司做緊，無係羅x做嫁。        甘我應該借埋朋友嘅水電單? 我怕依家填左屋企地址，d文件會寄黎屋企咋。依家朋友幫我代收信的。

wingcat

羅x收18500，包曬破產費+律師代我上庭+銀行攞一次錢個封信。

flypig

羅x 搞破，收你幾錢先？？
另外公司盤數，又收幾多？

flypig

24號頒令，你唔夠時間搞郵遞轉寄了。
一般要預3星期。

Mr_Wrong

flypig 發表於 18-11-2015 03:07
你早d 上黎我教你點同佢周旋麻。因為你唔係第一個俾郵局reject.其實佢真係多鬼魚。 ...

唔好意思，我想問下可以怎樣周旋？我已租用P.O. Box，亦打算申請郵件轉遞，怕被reject…… 煩請指教一下！

wingcat

其實我個case都係複雜左d嘅，原本見羅x都好似多人搵，上到去都幾正路甘就搵佢幫我啦。因為渣x還min pay，佢話我拖得耐條數又大，再唔還就要出動收數組，我都只能搞破產。(問過幾間會計，律師都話我收入不穩做唔到drp/v)。  - 24號律c會代我上庭，甘應該唔會答錯野啦。時間愈來愈近，我就愈緊張...... 甘我仲可唔可以係初步訊問份件填番屋企地址，去郵局搞番個gpo box呢？  - 如果唔可以名正言順申報還錢俾朋友，唯有私下係生活費攞黎還啦...  - 呢間羅x真係有好有唔好，佢俾我分2次付款，但要隱瞞左我d資料無同律c講，搞到我宣誓個日無報公司資料(因為律c再重新整文件，但我已經拖唔到銀行)，依家公司資料要自己搞同面對破產官=_="  如果呢度有人係搞生意破產，請指點一二點準備文件好d,謝謝!  Thanks flypig and hohochi

flypig

hohochi 發表於 18-11-2015 17:50
我諗樓主意思係想用生洞活費當支出去還朋友架債。

答: 唔得架，破左產就唔可以私下還錢，破之前如果有明 ...

都係你聰明d.知道樓主心意

hohochi

7)我係9月尾宣誓，11/24先上庭，已經用左1次暫時解凍信攞錢，但1個月嘅糧真係捱唔到去11月尾.......我係咪可以同個官申請攞多次錢呢？請問有無師兄師姐試過?易唔易申請嫁?要大約等幾耐呢？
一次解凍信真係得一次 用左就無第二次要等頒左之後正式解凍戶口先得，問下老細可唔可以出現金票或現金

8)如果我見官嘅時候文件唔齊，佢係咪唔會即時俾解凍戶口信我呢?
係用黎出糧就預備工作證明同想保留果一個戶口架簿仔或資料，可能會要求你頒令後打多次簿，到正式頒令果日即時打俾主任申請解凍。

hohochi

flypig 發表於 18-11-2015 03:11
5) 其實我連申請破產嘅錢都係問朋友借，可唔可以同破產官講埋，計入每月支出呢？
我之前睇錯左。。。有一樣 ...

我諗樓主意思係想用生洞活費當支出去還朋友架債。

答: 唔得架，破左產就唔可以私下還錢，破之前如果有明顯架錢係用於還錢俾朋友都唔得破署可以會出信要求你朋友嘔番出黎。

flypig

5) 其實我連申請破產嘅錢都係問朋友借，可唔可以同破產官講埋，計入每月支出呢？
我之前睇錯左。。。有一樣野叫受委託人。佢會決定接唔接受你朋友係債權人之一。問題黎喇。你有心寫朋友做債權人，應申破時寫好。宜家點加，你要問受委託人。即主任外判個d.而如果你朋友過數，係經銀行，就可成為證據。但要受委託人決定。

flypig

wingcat 發表於 18-11-2015 02:41
我搵羅x會計幫我搞破嫁，佢有叫我用郵寄轉遞，不過去到郵局佢話我仲住緊，唔俾我申請，所以羅x叫我問人借住 ...

你早d 上黎我教你點同佢周旋麻。因為你唔係第一個俾郵局reject.其實佢真係多鬼魚。