破產已經比左條生路

admin

我只想講，

各會員可以想象一下。

未破之前，每月要跑山，東借西借，神憎鬼壓。借到朋友街頭見到你，轉個身就走。你個電話就係佢個 reject list。hk junk call 上高就 mark 左你係借錢怪！

而家破，雖然生活仍然困苦，但是照計都好好多。可以正常生活。

咁點解重要想D辦法，美其名增加生活費，或者產生不存在的債項，或者試圖去搞資產轉移呢？

我唔講道德，人格，但是真係以為外判，破產主任是 Peter 仔？

4年比人監管，係4年內，真係可以呃到盡？

重新戰士

我加入破聯既日子都叫做非常淺，但我留意到好多舊同學既一種文化！我唔敢話呢種文化是咪破聯特有。但是就非常異常！

新會員既POST永遠都係以下流程:

脫期(驚有收數上門，有好多都未上門)→申請破產(開始問幾時有NUMBER)→頒左令(又好想知道俾主任定外判)→開大會(又驚判俾唔知道要還幾多，都唔知道驚乜，完全理解唔到。係到出POST無非都係得一個目的，知道多D料睇下點樣報對自己最有利)→問始破產期(又開始諗點樣還少D，出左雙糧又點可以走左佢唔俾人知)→完左4年後(又開如話冇信用卡唔方便，又話要按揭買樓)

期實所有問題，最控制唔到就係收數呢PART。既然一開始已經解決左，點解仲要搞咁多樣野。大家一開始唔係想停上收數行動咩???點解去到第2步已經完全變晒質。
(最搞笑我地又有人陪佢講，點樣報多D生活費。見到人地批1萬，自己9千又話唔抵*最好自己唔駛還*)

仲有....呢到有幾多人真係知道破產之後既後遺症有幾多嘛????

我希望大家明白或者理解一下，每個人既前途都會有唔同，相對地破左產要付出既代價既會有所不同！有D人破左產賺晒，有D永不翻身！*唔好再下下叫人破產啦*

呢到有好多舊會員成日都講自己當日點，我真係想講:你地所講，所知道既事都唔係實之全部(有D直頭100%水份)。

就假設你講出黎每一句都係事實！但是所有事情都會根據時代進步而改變。所以當天"對"，今天已經是"錯"！

欠債還錢，天公地道。
你有盡力還錢，完左咪有機會再批卡俾你囉！
你冇還過，你自己係銀行仲會唔會批呢??
係得破聯，得罪一句:有咩人可以一筆過去再買樓丫。大家咪又係去供....家陣冇人做按揭咪慘過死！到時候先後悔多左個破產身份就唔抵

總結:路係自己揀，仆街唔好喊！

kumiko1030

kln747 發表於 21-10-2015 22:21
其實你係唔係賭神嘅師姐

唔係，只係有第六感加睇馬。不過2012年開始，單睇馬匹狀態已經冇可能可以贏錢。

我2010-2011年馬季，睇晨操，加亂撞號碼
2011-2012年，除馬匹狀態外，另加騎練組合
2012-2013年，已走騎練路線加陰謀論
2013-2014年，騎練加陰謀論加操練時間加操練手法
2014-2015年，騎練加燈黨
2015-2016年，燈黨

orewa_j

我估，總有些朋友，人工唔差，破同唔破，每個月要還嘅金額都差唔多，所以多考慮。或者因為自身情況條件不利，令還嘅錢甚至更多，先會有所謂想拎到盡的情況……

wahtung

破產已經比左條生路→路係自己揀，仆街唔好喊→趁熱鬧加兩咀→呢個論壇有兩種好極端的朋友,係極度騰雞,另一 種係藝高人膽大→擺到面前有得比你拎，就梗係拎到盡→銀行真是又愛又恨→六仟元派錢計劃大多數人都絞盡腦汁要攞盡→宜家冇咗bonus有少少失落→生活樂趣,可以幫襯3哥,或者外圍哥哥→師兄/姐眼光好準→打橫打直買都中→賭神嘅師姐????

話題越扯越複雜

kln747

kumiko1030 發表於 21-10-2015 19:34
有運嘛，我亂買都中。

2x3=6

其實你係唔係賭神嘅師姐

kumiko1030

orewa_j 發表於 21-10-2015 16:52
嘩，師兄/姐眼光好準

有運嘛，我亂買都中。

2x3=6
1+10=11
3+6=9
9+3=12
4x3=12
2+4=6
2x4=8

真係加減乘除是但嚟買，買馬名、買檔位、買騎師、買馬號，打橫打直買都中

orewa_j

嘩，師兄/姐眼光好準

kumiko1030

sydney2000 發表於 20-10-2015 22:43
生活樂趣,可以幫襯3哥,或者外圍哥哥

諗返以前60蚊收900幾，100蚊收二千幾，30蚊收千幾，300變4000，真係風頭一時無兩。齋買$10注位置過關2x3每場兩隻，都可以由$80變$2500真係好風光。嗰陣完全唔擔心唔夠錢用

kumiko1030

sydney2000 發表於 20-10-2015 22:43
生活樂趣,可以幫襯3哥,或者外圍哥哥

有幫襯緊三哥，但衝極都上唔到二千分

sydney2000

kumiko1030 發表於 20-10-2015 03:31
其實我覺得我破咗係完全失去咗自由= =" 以前唔破我仲可以名正言順問馬會拎錢洗，宜家破咗，連生活樂趣都冇 ...

生活樂趣,可以幫襯3哥,或者外圍哥哥

kumiko1030

其實我覺得我破咗係完全失去咗自由= =" 以前唔破我仲可以名正言順問馬會拎錢洗，宜家破咗，連生活樂趣都冇咗。唔係身體情況突然轉差到無能力再返全職，再加埋個官無厘頭的判決我真係唔會諗住破。有數嚮身的日子，我未試過俾人追過數，因為每期馬會都會定時定候俾返一千幾百嚟用。宜家冇咗bonus有少少失落

Yuequ520

見大家感，我講返幾句，破佐好過成日俾人追數，擔驚受怕囖，要還幾多係注定的。

新世界

其實成功申請破產 ，已經係一個新開始，至少可以重新做人 對家人負責對另一伴負責

wahtung

其實會唔會解破後的人士與剛入學心態唔同?,無記錯幾年前政府的六仟元派錢計劃大多數人都絞盡腦汁要攞盡

重新戰士

其實於我個人㴝講，銀行真是又愛又恨！

wahtung

重新戰士 發表於 18-10-2015 23:26
我加入破聯既日子都叫做非常淺，但我留意到好多舊同學既一種文化！我唔敢話呢種文化是咪破聯特有。但是就非 ...

眼瞓,聽日再補充

WINGLOK

冇謂為左小小既上撽左計右計

WINGLOK

老破批既生活費，其實比起周街街數既時候好多，大家

DW123

Alex2233 發表於 17-10-2015 15:57
我既宗旨係

擺到面前有得比你拎，就梗係拎到盡，自己洗好過，無理由留番比外判買蛋撻

對號入坐先
佢地都係擔心自己個身份因為我搞老破而被起底煩埋佢地，而係佢地面前自己又已經無晒誠信可言，最後都係由得佢地咁諗無同佢地爭辯

總之跟足規距去行，唔好過界就得。而家只係比破處限制住你既財政已經算係一種自由好多既「監禁」，乜都計到盡仲要過埋界，你會連最後既自由都無埋