求指教

tszying

系9月7已經宣誓，本身爭邦X 大約3萬蚊到，仲爭其他銀行同埋財仔數，但係邦X而家比咗呢間公司收我數，佢而家差唔多日日都打嚟，好鬼煩，亦都會WhatsApp 我，有時冇聽佢電話，就打去我返工到搵我，我而家係咪應該WhatsApp通知佢我
我搞緊破產，定唔好理佢？求指教

CEEPO

你唔想影到工作，我建議你就覆返佢，已呈請法庭處理破產中，(你/本人)不可以供/還款給任何債權人，此乃屬刑事罪行。，都係嗰句啦，佢地搵你你咪照複返佢呢句說話，一日未正式頒令，你預左一定會有啲有呢啲電話騷擾，我為咗份工你都要硬接呢啲電話，照同佢講返以上呢啲說話，佢哋話會畀收數嘅都冇辦法，因為你已經申請緊破產處理中，你向邊一個債權人還錢你都係犯法，！

CEEPO

追數嘅都係打份工，佢哋都要交待畀公司，打你手提搵你唔到就好自然用其他途徑去搵你，當保住份工乜都好，電話你就預左要照接，答佢答案都一樣！

zukinacheung

你入左紙未呢。 入左紙fax 臨時比佢地啦

tszying

zukinacheung 發表於 10-9-2023 09:27
你入左紙未呢。 入左紙fax 臨時比佢地啦

我唔知三性，嗰邊入咗紙未？，因為我係9月7號。去宣誓

一個傻人

應該就未有NO.嘅。。。

zukinacheung

應會即日入紙。佢應會幫你fax 比債權人。 3 姓是否收你14500

tszying

我打算聽日問吓佢，fax 咗比債權人未
3姓系收咗我14500

一個傻人

tszying 發表於 10-9-2023 19:01
我打算聽日問吓佢，fax 咗比債權人未
3姓系收咗我14500

如果入咗紙，佢哋會有WHATSAPP畀你
上面會有你嘅案件編號、上庭日期時間同你嘅檔案編號
佢下面會加多句正陸續將你嘅呈請書寄畀有關人士，通知佢哋有關申請

咁如果佢未有WHATSAPP畀你，都可能要等多一兩日

tszying

一個傻人 發表於 10-9-2023 20:18
如果入咗紙，佢哋會有WHATSAPP畀你
上面會有你嘅案件編號、上庭日期時間同你嘅檔案編號
佢下面會加多句正 ...

好的，感謝你解答

eileenzhang

呢間好似係破左後收過

tszying

eileenzhang 發表於 11-9-2023 00:27
呢間好似係破左後收過

你意思係完咗破產之後在收過數？唔會咁變態掛。
其實都係爭邦X，3萬幾蚊，唔使追到甩褲掛

CEEPO

一日未拎到（會郵寄比你)高院嘅正式破產令，就算你有個臨時申破號碼（當成功盼令後，呢個亦算係你終身號碼)，所有債權人都係可以追你債，包括電話轟炸，上門貼/攝大字報，郵寄乜乜還錢恐嚇大信封..等等，（如果你報警亦都可以，但警方只會講，欠債還錢人哋追你數就一定，除非你覺得自己生命受到威脅)，警方先至會同你開FILE備案處理，警察做嘢都係要講證據，穩陣啲嘅就自己喺門口裝返個cctv,就算對方玩到淋油,都起碼有證據先!

tszying

zukinacheung 發表於 10-9-2023 18:18
應會即日入紙。佢應會幫你fax 比債權人。 3 姓是否收你14500

3姓話
你的申請呢1-2日先會入, 入左之後一星期內會通知.

eileenzhang

tszying 發表於 11-9-2023 00:34
你意思係完咗破產之後在收過數？唔會咁變態掛。
其實都係爭邦X，3萬幾蚊，唔使追到甩褲掛 ...

用WhatsApp 講返佢地識做

tony浸信會

可能你份工几好同人工高      呢间咪博哂命搞你       我疫情時只係歺厅打散工       只係接过电話一次答佢”咁我唯有搞破啦”     佢反應”吓    几年後一樣要还架！”     之後 Whatsapp 兩次     都係求其打句 ”有錢还未?”